Nappaṭippassambhetabbaaṭṭhārasakaṃ
30.‘‘ Pañcahi
V0.33 , bhikkhave , aṅgehi samannāgatassa bhikkhunoP2.15 pabbājanīyakammaṃ nappaṭippassambhetabbaṃ .Upasampādeti , nissayaṃ deti , sāmaṇeraṃ
T1.54 upaṭṭhāpeti , bhikkhunovādakasammutiṃ sādiyati , sammatopi bhikkhuniyo ovadati – imehi kho , bhikkhave , pañcahaṅgehi samannāgatassa bhikkhuno pabbājanīyakammaṃ nappaṭippassambhetabbaṃ .[ pari .420]‘‘ Aparehipi , bhikkhave , pañcahaṅgehi samannāgatassa bhikkhuno pabbājanīyakammaṃ nappaṭippassambhetabbaṃ .
Yāya āpattiyā saṅghena pabbājanīyakammaṃ kataṃ hoti taṃ āpattiṃ āpajjati , aññaṃ vā tādisikaṃ , tato vā pāpiṭṭhataraṃ ;
kammaṃ garahati , kammike garahati – imehi kho , bhikkhave , pañcahaṅgehi samannāgatassa bhikkhuno pabbājanīyakammaṃ nappaṭippassambhetabbaṃ .
‘‘ Aṭṭhahi , bhikkhave , aṅgehi samannāgatassa bhikkhuno pabbājanīyakammaṃ nappaṭippassambhetabbaṃ .
Pakatattassa bhikkhuno uposathaṃ ṭhapeti , pavāraṇaṃ ṭhapeti , savacanīyaṃ karoti , anuvādaṃ paṭṭhapeti , okāsaṃ kāreti , codeti , sāreti , bhikkhūhi sampayojeti – imehi kho , bhikkhave , aṭṭhahaṅgehi samannāgatassa bhikkhuno pabbājanīyakammaṃ nappaṭippassambhetabbaṃ .
Pabbājanīyakamme nappaṭippassambhetabbaaṭṭhārasakaṃ niṭṭhitaṃ .