Issues
Editor
Settings
Cūḷavaggapāḷi
Cūḷavaggapāḷi

Adhammakammadvādasakaṃ

Author： _System_Pali_VRI_ @ Administrator

Adhammakammadvādasakaṃ

13.‘‘ Tīhi , bhikkhave , aṅgehi samannāgataṃ niyassakammaṃ adhammakammañca hoti , avinayakammañca , duvūpasantañca .
Asammukhā kataṃ hoti , appaṭipucchā kataṃ hoti , appaṭiññāya kataṃ hoti – imehi kho , bhikkhave , tīhaṅgehi samannāgataṃ niyassakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ niyassakammaṃ adhammakammañca hoti , avinayakammañca , duvūpasantañca .
Anāpattiyā kataṃ hoti , adesanāgāminiyā āpattiyā kataṃ hoti , desitāya āpattiyā kataṃ hoti – imehi kho , bhikkhave , tīhaṅgehi samannāgataṃ niyassakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ niyassakammaṃ adhammakammañca hoti , avinayakammañca , duvūpasantañca .
Acodetvā kataṃ hoti , asāretvā kataṃ hoti , āpattiṃ anāropetvāV0.15 kataṃ hoti – imehi kho , bhikkhave , tīhaṅgehi samannāgataṃ niyassakammaṃ adhammakammañcaT1.22 hoti , avinayakammañca , duvūpasantañca .
‘‘ Aparehipi , bhikkhave … pe … asammukhā kataṃ hoti , adhammena kataṃ hoti , vaggena kataṃ hoti – imehi kho , bhikkhave … pe ….
‘‘ AparehipiM0.16 , bhikkhave … pe … appaṭipucchā kataṃ hoti , adhammena kataṃ hoti , vaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … appaṭiññāya kataṃ hoti , adhammena kataṃ hoti , vaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … anāpattiyā kataṃ hoti , adhammena kataṃ hoti , vaggena kataṃ hoti – imehi kho , bhikkhave … pe …T1.23 .
‘‘ Aparehipi , bhikkhave … pe … adesanāgāminiyā āpattiyā kataṃ hoti , adhammena kataṃ hoti , vaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … desitāya āpattiyā kataṃ hoti , adhammena kataṃ hoti , vaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … acodetvā kataṃ hoti , adhammena kataṃ hoti , vaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … asāretvā kataṃ hoti , adhammena kataṃ hoti , vaggena kataṃ hoti – imehi kho , bhikkhave … pe …T1.24 .
‘‘ Aparehipi , bhikkhave , tīhaṅgehi samannāgataṃ niyassakammaṃ adhammakammañca hoti , avinayakammañca , duvūpasantañca .
Āpattiṃ anāropetvā kataṃ hoti , adhammena kataṃ hoti , vaggenaV0.16 kataṃ hoti – imehi kho , bhikkhave , tīhaṅgehi samannāgataṃ niyassakammaṃ adhammakammañca hoti , avinayakammañca , duvūpasantañca .
Adhammakammadvādasakaṃ niṭṭhitaṃ .