5. Mānattasatakaṃ

Author： _System_Pali_VRI_ @ Administrator

No version selected — showing the Pali original by default.

5. Mānattasatakaṃ

166.‘‘ IdhaM0.159V0.149 pana , bhikkhave , bhikkhu sambahulā saṅghādisesā āpattiyo āpajjitvā appaṭicchādetvā vibbhamati .

So puna [ so ce puna ( ka .)] upasampanno tā āpattiyo nacchādeti .

Tassa , bhikkhave , bhikkhuno mānattaṃ dātabbaṃ .

‘‘ Idha pana , bhikkhave , bhikkhu sambahulāP2.63 saṅghādisesā āpattiyo āpajjitvā appaṭicchādetvā vibbhamati .

So puna upasampanno tā āpattiyo chādeti .

Tassa , bhikkhave , bhikkhuno pacchimasmiṃ āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjitvā paṭicchādetvā vibbhamati .

So puna upasampanno tā āpattiyo nacchādeti .

Tassa , bhikkhave , bhikkhuno purimasmiṃ āpattikkhandheT1.259 yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjitvā paṭicchādetvā vibbhamati .

So puna upasampanno tā āpattiyo chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

167.‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Tassa honti āpattiyo paṭicchannāyopi appaṭicchannāyopi .

So vibbhamitvā puna upasampanno yā āpattiyo pubbe chādesi tā āpattiyo pacchā nacchādeti ;

yā āpattiyo pubbe nacchādesi tā āpattiyo pacchā nacchādeti .

Tassa , bhikkhave , bhikkhuno purimasmiṃ āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Tassa honti āpattiyo paṭicchannāyopi appaṭicchannāyopi .

So vibbhamitvā puna upasampanno yā āpattiyo pubbe chādesi tā āpattiyo pacchā nacchādeti ;

yā āpattiyo pubbe nacchādesi tā āpattiyo pacchā chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ IdhaT1.260M0.160V0.150 pana , bhikkhave , bhikkhu sambahulā saṅghādisesā āpattiyo āpajjati .

Tassa honti āpattiyo paṭicchannāyopi appaṭicchannāyopi .

So vibbhamitvā puna upasampanno yā āpattiyo pubbe chādesi tā āpattiyo pacchā chādeti ;

yā āpattiyo pubbe nacchādesi tā āpattiyo pacchā nacchādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Tassa honti āpattiyo paṭicchannāyopi appaṭicchannāyopi .

So vibbhamitvā puna upasampanno yā āpattiyo pubbe chādesi tā āpattiyo pacchā chādeti ;

yā āpattiyo pubbe nacchādesi tā āpattiyo pacchā chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

168.‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccā āpattiyo jānāti , ekaccā āpattiyo na jānāti .

Yā āpattiyo jānāti tā āpattiyo chādeti .

Yā āpattiyo na jānātiP2.64 tā āpattiyo nacchādeti .

So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā nacchādeti ;

yā āpattiyo pubbeT1.261 ajānitvā nacchādesi tā āpattiyo pacchā jānitvā nacchādeti .

Tassa , bhikkhave , bhikkhuno purimasmiṃ āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccā āpattiyo jānāti , ekaccā āpattiyo na jānāti .

Yā āpattiyo jānāti tā āpattiyo chādeti .

Yā āpattiyo na jānāti tā āpattiyo nacchādeti .

So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā nacchādeti ;

yā āpattiyo pubbe ajānitvā nacchādesi tā āpattiyo pacchā jānitvā chādeti .

TassaM0.161 , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccā āpattiyo jānāti , ekaccā āpattiyo na jānāti .

Yā āpattiyo jānāti tā āpattiyoV0.151 chādeti .

Yā āpattiyo na jānāti tā āpattiyo nacchādeti .

So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā chādeti ;

yā āpattiyo pubbe ajānitvā nacchādesi tā āpattiyo pacchā jānitvā nacchādeti .

Tassa , bhikkhave , bhikkhuno purimasmiñca pacchimasmiñca āpattikkhandheT1.262 yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccā āpattiyo jānāti , ekaccā āpattiyo na jānāti .

Yā āpattiyo jānāti tā āpattiyo chādeti ;

yā āpattiyo na jānāti tā āpattiyo nacchādeti .

So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā chādeti ;

yā āpattiyo pubbe ajānitvā nacchādesi tā āpattiyo pacchā jānitvā chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

169.‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccā āpattiyo sarati , ekaccā āpattiyo nassarati .

Yā āpattiyo sarati tā āpattiyo chādeti ;

yā āpattiyo nassarati tā āpattiyo nacchādeti .

So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā nacchādeti ;

yā āpattiyo pubbe assaritvā nacchādesi tā āpattiyo pacchā saritvā nacchādeti .

Tassa , bhikkhave , bhikkhuno purimasmiṃ āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjatiT1.263 .

Ekaccā āpattiyo sarati , ekaccā āpattiyo nassarati .

YāM0.162 āpattiyo sarati tā āpattiyo chādeti ;

yā āpattiyo nassarati tā āpattiyo nacchādeti .

So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā nacchādeti ;

yā āpattiyo pubbe assaritvā nacchādesi tā āpattiyo pacchā saritvā chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ IdhaV0.152 pana , bhikkhave , bhikkhu sambahulā saṅghādisesā āpattiyo āpajjati .

Ekaccā āpattiyo sarati , ekaccā āpattiyo nassarati .

Yā āpattiyo sarati tā āpattiyo chādeti ;

yā āpattiyo nassarati tā āpattiyo nacchādeti .

So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā chādeti ;

yā āpattiyo pubbe assaritvā nacchādesi tā āpattiyo pacchā saritvā nacchādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccā āpattiyo sarati , ekaccā āpattiyo nassarati .

Yā āpattiyo sarati tā āpattiyo chādeti ;

yā āpattiyoT1.264 nassarati tā āpattiyo nacchādeti .

So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā chādeti ;

yā āpattiyo pubbe assaritvā nacsādesi tā āpattiyo pacchā saritvā chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

170.‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko nacchādeti ;

yā āpattiyoM0.163 pubbe vematiko nacchādesi tā āpattiyo pacchā nibbematiko nacchādeti .

Tassa , bhikkhave , bhikkhuno purimasmiṃ āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vibbhamitvā puna upasampanno yā āpattiyo pubbe nibbematiko chādesiT1.265 tā āpattiyo pacchā nibbematiko nacchādeti ;

yā āpattiyo pubbe vematiko nacchādesi tā āpattiyo pacchāV0.153 nibbematiko chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyo pacchā nibbematiko nacchādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati .

Ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vibbhamitvā puna upasampanno yā āpattiyo pubbe nibbematikoT1.266 chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyo pacchā nibbematiko chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

171.‘‘ IdhaM0.164 pana , bhikkhave , bhikkhu sambahulā saṅghādisesā āpattiyo āpajjitvā appaṭicchādetvā sāmaṇero hoti … pe … ummattako hoti … pe … khittacitto hoti … pe …( yathā heṭṭhā tathā vitthāretabbaṃ ) vedanāṭṭo hoti … pe … tassa honti āpattiyo paṭicchannāyopi appaṭicchannāyopi … pe … ekaccā āpattiyo jānāti , ekaccā āpattiyo na jānāti … pe … ekaccā āpattiyo sarati , ekaccāP2.65 āpattiyo nassarati … pe … ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vedanāṭṭo hoti .

So puna avedanāṭṭo hutvā yā āpattiyo pubbe nibbematiko chādesi tā āpattiyo pacchā nibbematiko nacchādeti ;

yā āpattiyo pubbe vematiko nacchādesiV0.154 tā āpattiyo pacchā nibbematiko nacchādeti … pe … yā āpattiyo pubbe nibbematiko chādesi tā āpattiyo pacchā nibbematiko nacchādeti ;

yā āpattiyo pubbeT1.267 vematiko nacchādesi tā āpattiyo pacchā nibbematiko chādeti … pe … yā āpattiyo pubbe nibbematiko chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyo pacchā nibbematiko nacchādeti … pe … yā āpattiyo pubbe nibbematiko chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyo pacchā nibbematiko chādeti .

Tassa , bhikkhave , bhikkhuno purimasmiñca pacchimasmiñca āpattikkhandhe yathāpaṭicchanne parivāsaṃ datvā mānattaṃ dātabbaṃ .

Mānattasataṃ niṭṭhitaṃ .

Issues

Select Version

Cūḷavaggapāḷi

Cūḷavaggapāḷi