6. Samūlāyasamodhānaparivāsacatussataṃ

172.‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjitvā appaṭicchādetvā vibbhamati .

SoM0.165 puna upasampanno tā āpattiyo nacchādeti .

So bhikkhu mūlāya paṭikassitabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjitvā appaṭicchādetvā vibbhamati .

So puna upasampanno tā āpattiyo chādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ IdhaT1.268 pana , bhikkhave , bhikkhu parivasanto antarā sambahulā saṅghādisesā āpattiyo āpajjitvā paṭicchādetvā vibbhamati .

So puna upasampanno tā āpattiyo nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjitvā paṭicchādetvā vibbhamati .

So puna upasampanno tā āpattiyo chādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

173.‘‘ IdhaV0.155 pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Tassa honti āpattiyoP2.66 paṭicchannāyopi appaṭicchannāyopi .

So vibbhamitvā puna upasampanno yā āpattiyo pubbe chādesi tā āpattiyo pacchā nacchādeti ;

yā āpattiyo pubbe nacchādesi tā āpattiyo pacchā nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Tassa honti āpattiyo paṭicchannāyopiT1.269 appaṭicchannāyopi .

So vibbhamitvā puna upasampanno yā āpattiyo pubbe chādesi tā āpattiyo pacchā nacchādeti ;

yāM0.166 āpattiyo pubbe nacchādesi tā āpattiyo pacchā chādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Tassa honti āpattiyo paṭicchannāyopi appaṭicchannāyopi .

So vibbhamitvā puna upasampanno yā āpattiyo pubbe chādesi tā āpattiyo pacchā chādeti ;

yā āpattiyo pubbe nacchādesi tā āpattiyo pacchā nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Tassa honti āpattiyo paṭicchannāyopi appaṭicchannāyopi .

So vibbhamitvā puna upasampanno yā āpattiyo pubbe chādesi tā āpattiyo pacchā chādeti ;

yā āpattiyo pubbe nacchādesi tā āpattiyo pacchā chādeti .

So bhikkhu mūlāya paṭikassitabbo .

YathāpaṭicchannānañcassaT1.270 āpattīnaṃ purimāya āpattiyā samodhānaparivāso dātabbo .

174.‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccā āpattiyo jānāti , ekaccā āpattiyo na jānāti .

Yā āpattiyo jānāti tā āpattiyo chādeti ;

yā āpattiyo na jānāti tā āpattiyo nacchādeti .

So vibbhamitvā puna upasampanno yā āpattiyo pubbe jānitvā chādesi tā āpattiyoV0.156 pacchā jānitvā nacchādeti ;

yā āpattiyo pubbe ajānitvā nacchādesi tā āpattiyo pacchā jānitvā nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccā āpattiyo jānāti , ekaccā āpattiyoM0.167 na jānāti .

Yā āpattiyo jānāti tā āpattiyo chādeti ;

yā āpattiyo na jānāti tā āpattiyo nacchādeti .

So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā nacchādeti ;

yā āpattiyo pubbe ajānitvā nacchādesi tā āpattiyo pacchā jānitvā chādeti .

So bhikkhu mūlāya paṭikassitabbo .

YathāpaṭicchannānañcassaT1.271 āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccā āpattiyo jānāti , ekaccā āpattiyo na jānāti .

Yā āpattiyo jānāti tā āpattiyo chādeti ;

yā āpattiyo na jānāti tā āpattiyo nacchādeti .

So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā chādeti ;

yā āpattiyo pubbe ajānitvā nacchādesi tā āpattiyo pacchā jānitvā nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccā āpattiyo jānāti , ekaccā āpattiyo na jānāti .

Yā āpattiyo jānāti tā āpattiyo chādeti , yā āpattiyo na jānāti tā āpattiyo nacchādeti .

So vibbhamitvā puna upasampanno yā āpattiyo pubbe jānitvā chādesi tā āpattiyo pacchā jānitvā chādeti ;

yā āpattiyo pubbe ajānitvā nacchādesi tā āpattiyo pacchā jānitvā chādeti .

So bhikkhu mūlāya paṭikassitabbo .

YathāpaṭicchannānañcassaT1.272 āpattīnaṃ purimāya āpattiyā samodhānaparivāso dātabbo .

175.‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccā āpattiyo sarati , ekaccā āpattiyo nassarati .

Yā āpattiyoV0.157 sarati tā āpattiyoM0.168 chādeti ;

yā āpattiyo nassarati tā āpattiyo nacchādeti .

So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā nacchādeti ;

yā āpattiyo pubbe assaritvā nacchādesi tā āpattiyo pacchā saritvā nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccā āpattiyo sarati , ekaccā āpattiyo nassarati .

Yā āpattiyo sarati tā āpattiyo chādeti ;

yā āpattiyo nassarati tā āpattiyo nacchādeti .

So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā nacchādeti ;

yā āpattiyo pubbe assaritvā nacchādesi tā āpattiyo pacchā saritvā chādeti .

So bhikkhu mūlāya paṭikassitabboT1.273 .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccā āpattiyo sarati , ekaccā āpattiyo nassarati .

Yā āpattiyo sarati tā āpattiyo chādeti ;

yā āpattiyo nassarati tā āpattiyo nacchādeti .

So vibbhamitvā puna upasampanno yā āpattiyo pubbe saritvā chādesi tā āpattiyo pacchā saritvā chādeti ;

yā āpattiyo pubbe assaritvā nacchādesi tā āpattiyo pacchā saritvā nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccā āpattiyo sarati , ekaccā āpattiyo nassarati .

Yā āpattiyo sarati tā āpattiyo chādeti ;

yā āpattiyo nassarati tā āpattiyo nacchādeti .

So vibbhamitvā puna upasampanno yā āpattiyo pubbe saritvā chādesiM0.169 tā āpattiyo pacchā saritvā chādeti ;

yā āpattiyo pubbe assaritvā nacchādesi tā āpattiyo pacchā saritvā chādeti .

So bhikkhu mūlāya paṭikassitabbo .

YathāpaṭicchannānañcassaT1.274 āpattīnaṃ purimāya āpattiyā samodhānaparivāso dātabbo .

176.‘‘ IdhaV0.158 pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko nacchādeti ;

yā āpattiyo pubbe vematiko nacchādesi tā āpattiyo pacchā nibbematiko nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vibbhamitvā puna upasampanno yā āpattiyo pubbe nibbematiko chādesi tā āpattiyo pacchā nibbematiko nacchādeti ;

yā āpattiyo pubbe vematiko nacchādesi tā āpattiyo pacchā nibbematiko chādeti .

So bhikkhu mūlāya paṭikassitabboT1.275 .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vibbhamitvā puna upasampanno yā āpattiyoM0.170 pubbe nibbematiko chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyo pacchā nibbematiko nacchādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjati .

Ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vibbhamitvā [ so bhikkhu vibbhamitvā ( ka .)] puna upasampanno yā āpattiyo pubbe nibbematiko chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyoV0.159 pacchā nibbematiko chādeti .

So bhikkhu mūlāya paṭikassitabboT1.276 .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

177.‘‘ Idha pana , bhikkhave , bhikkhu parivasanto antarā sambahulā saṅghādisesā āpattiyo āpajjitvā appaṭicchādetvā sāmaṇero hoti … pe … ummattako hoti … pe … khittacitto hoti … pe … vedanāṭṭo hoti … pe … tassa honti āpattiyo paṭicchannāyopi appaṭicchannāyopi ( yathā heṭṭhā vitthāritaṃ tathā vitthāretabbaṃ )… pe … ekaccā āpattiyo jānāti , ekaccā āpattiyo na jānāti … pe … ekaccā āpattiyo sarati , ekaccā āpattiyo nassarati … pe … ekaccāsu āpattīsu nibbematiko , ekaccāsu āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vedanāṭṭo hoti .

So puna avedanāṭṭo hutvā yā āpattiyo pubbe nibbematiko chādesi tā āpattiyo pacchā nibbematiko nacchādeti ;

yā āpattiyo pubbe vematiko nacchādesi tā āpattiyo pacchā nibbematiko nacchādeti … pe … yā āpattiyo pubbe nibbematiko chādesi tā āpattiyo pacchā nibbematiko nacchādetiM0.171 ;

yā āpattiyo pubbe vematiko nacchādesi tā āpattiyo pacchā nibbematiko chādeti … pe … yā āpattiyo pubbe nibbematiko chādesi tā āpattiyo pacchā nibbematiko chādetiT1.277 ;

yā āpattiyo pubbe vematiko nacchādesi tā āpattiyo pacchā nibbematiko nacchādeti … pe … yā āpattiyo pubbe nibbematiko chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyo pacchā nibbematiko chādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃ purimāya āpattiyā samodhānaparivāso dātabbo .

178.‘‘ Idha pana , bhikkhave , bhikkhu mānattāraho … pe … mānattaṃ caranto … pe … abbhānāraho antarā sambahulā saṅghādisesā āpattiyo āpajjitvā appaṭicchādetvā vibbhamati … pe …( mānattāraho ca mānattacārī ca abbhānāraho ca yathā parivāso vitthārito tathā vitthāretabbo ).

179.‘‘ Idha pana , bhikkhave , bhikkhu abbhānāraho antarā sambahulā saṅghādisesā āpattiyo āpajjitvā appaṭicchādetvā sāmaṇero hoti … pe … ummattako hoti … pe … khittacitto hoti … pe … vedanāṭṭo hoti … pe … tassa honti āpattiyo paṭicchannāyopi appaṭicchannāyopiV0.160 … pe … ekaccā āpattiyo jānāti , ekaccā āpattiyo na jānāti … pe … ekaccā āpattiyo sarati , ekaccā āpattiyo nassarati … pe … ekaccāsu āpattīsu nibbematiko , ekaccāsuT1.278 āpattīsu vematiko .

Yāsu āpattīsu nibbematiko tā āpattiyo chādeti ;

yāsu āpattīsu vematiko tā āpattiyo nacchādeti .

So vedanāṭṭo hoti .

So puna avedanāṭṭo hutvā yā āpattiyo pubbe nibbematiko chādesi tā āpattiyo pacchā nibbematiko nacchādeti ;

yā āpattiyo pubbe vematiko nacchādesi tā āpattiyo pacchā nibbematiko nacchādeti … pe … yā āpattiyo pubbe nibbematiko chādesi tā āpattiyo pacchā nibbematiko nacchādeti ;

yā āpattiyo pubbe vematiko nacchādesiM0.172 tā āpattiyo pacchā nibbematiko chādeti … pe … yā āpattiyo pubbe nibbematiko chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyo pacchā nibbematiko nacchādeti … pe … yā āpattiyo pubbe nibbematiko chādesi tā āpattiyo pacchā nibbematiko chādeti ;

yā āpattiyo pubbe vematiko nacchādesi tā āpattiyo pacchā nibbematiko chādeti .

So bhikkhu mūlāya paṭikassitabbo .

Yathāpaṭicchannānañcassa āpattīnaṃP2.67 purimāya āpattiyā samodhānaparivāso dātabbo .

Samūlāyasamodhānaparivāsacatussataṃ niṭṭhitaṃ .

Issues

Select Version

Cūḷavaggapāḷi

Cūḷavaggapāḷi