Adhammakammadvādasakaṃ
4.‘‘ Tīhi
P2.3M0.5 , bhikkhave , aṅgehi samannāgataṃ tajjanīyakammaṃ adhammakammañca [ adhammakammañceva ( syā .)] hoti , avinayakammañca , duvūpasantañca .Asammukhā kataṃ hoti , appaṭipucchā kataṃ hoti , appaṭiññāya kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
Anāpattiyā kataṃ
T1.7 hoti , adesanāgāminiyā āpattiyā kataṃ hoti , desitāya āpattiyā kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .‘‘ Aparehipi
V0.5 , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .Acodetvā kataṃ hoti , asāretvā kataṃ hoti , āpattiṃ anāropetvā kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
Asammukhā kataṃ hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
Appaṭipucchā kataṃ hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
Appaṭiññāya kataṃ
T1.8 hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .‘‘ Aparehipi
M0.6 , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .Anāpattiyā kataṃ hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
Adesanāgāminiyā āpattiyā kataṃ hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
‘‘ Aparehipi
V0.6 , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .Desitāya āpattiyā kataṃ hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
Acodetvā kataṃ
T1.9 hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .‘‘ Aparehipi , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
Asāretvā kataṃ hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .
Āpattiṃ anāropetvā kataṃ hoti , adhammena kataṃ hoti , vaggena kataṃ hoti – imehi kho , bhikkhave
M0.7 , tīhaṅgehi samannāgataṃ tajjanīyakammaṃ adhammakammañca hoti , avinayakammañca , duvūpasantañca .Adhammakammadvādasakaṃ niṭṭhitaṃ .