Saṅghabhattādianujānanaṃ
325. Atha kho bhagavā āḷaviyaṃ yathābhirantaṃ viharitvā yena rājagahaṃ tena cārikaṃ pakkāmi .
Anupubbena cārikaṃ caramāno yena rājagahaṃ tadavasari .
Tatra sudaṃ bhagavā rājagahe viharati veḷuvane kalandakanivāpe .
Tena
T2.146 kho pana samayena rājagahaṃ dubbhikkhaṃ hoti .Manussā na sakkonti saṅghabhattaṃ kātuṃ ;
icchanti uddesabhattaṃ nimantanaṃ salākabhattaṃ pakkhikaṃ uposathikaṃ pāṭipadikaṃ kātuṃ .
Bhagavato etamatthaṃ ārocesuṃ .
‘‘ Anujānāmi , bhikkhave , saṅghabhattaṃ uddesabhattaṃ nimantanaṃ salākabhattaṃ pakkhikaṃ uposathikaṃ pāṭipadikan ’’ ti .