Tecattālīsavattaṃ
70.‘‘ Pāpikāya diṭṭhiyā appaṭinissagge ukkhepanīyakammakatena , bhikkhave , bhikkhunā sammā vattitabbaṃ .
Tatrāyaṃ sammāvattanā – na upasampādetabbaṃ , na nissayo dātabbo , na sāmaṇero upaṭṭhāpetabbo , na bhikkhunovādakasammuti sāditabbā , sammatenapi bhikkhuniyo
T1.118 na ovaditabbā .Yāya āpattiyā saṅghena , pāpikāya diṭṭhiyā appaṭinissagge , ukkhepanīyakammaṃ kataṃ hoti sā āpatti na āpajjitabbā , aññā vā tādisikā , tato vā pāpiṭṭhatarā ;
kammaṃ na garahitabbaṃ , kammikā na garahitabbā … pe … na pakatattassa bhikkhuno uposatho ṭhapetabbo , na pavāraṇā ṭhapetabbā , na savacanīyaṃ kātabbaṃ , na anuvādo paṭṭhapetabbo , na okāso kāretabbo , na codetabbo , na sāretabbo , na bhikkhūhi sampayojetabban ’’ ti .
Pāpikāya diṭṭhiyā appaṭinissagge ukkhepanīyakamme
Tecattālīsavattaṃ niṭṭhitaṃ .
71. Atha kho saṅgho ariṭṭhassa bhikkhuno gaddhabādhipubbassa , pāpikāya diṭṭhiyā appaṭinissagge , ukkhepanīyakammaṃ akāsi – asambhogaṃ saṅghena .
So saṅghena , pāpikāya diṭṭhiyā appaṭinissagge , ukkhepanīyakammakato vibbhami .
Ye te bhikkhū appicchā … pe … te ujjhāyanti khiyyanti vipācenti –
‘‘ kathañhi nāma ariṭṭho bhikkhu gaddhabādhipubbo saṅghena
V0.70 , pāpikāya diṭṭhiyā appaṭinissagge , ukkhepanīyakammakato vibbhamissatī ’’ ti ?Atha kho te bhikkhū bhagavato etamatthaṃ ārocesuṃ .
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi –
‘‘ saccaṃ kira , bhikkhave , ariṭṭho
T1.119 bhikkhu gaddhabādhipubboM0.76 saṅghena , pāpikāya diṭṭhiyā appaṭinissagge , ukkhepanīyakammakato vibbhamatī ’’ ti [ vibbhamīti ( sī . ka .)]?‘‘ Saccaṃ
P2.28 bhagavā ’’ ti .Vigarahi buddho bhagavā –
‘‘ ananucchavikaṃ … pe … kathañhi nāma so , bhikkhave , moghapuriso saṅghena , pāpikāya diṭṭhiyā appaṭinissagge , ukkhepanīyakammakato vibbhamissati ?
Netaṃ , bhikkhave , appasannānaṃ vā pasādāya … pe … vigarahitvā … pe … dhammiṃ kathaṃ katvā bhikkhū āmantesi –
‘‘ tena hi , bhikkhave , saṅgho , pāpikāya diṭṭhiyā appaṭinissagge , ukkhepanīyakammaṃ paṭippassambhetu .