11. Tatiyanavakaṃ

184.‘‘ Idha pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi … pe … vavatthitampi sambhinnampi .

So saṅghaṃ tāsaṃ āpattīnaṃ samodhānaparivāsaṃ yācati .

TassaT1.289 saṅgho tāsaṃ āpattīnaṃM0.181 samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇāyo appaṭicchannāyo .

So saṅghaṃ antarāāpattīnaṃ mūlāyapaṭikassanaṃ yācati .

Taṃ saṅgho antarāāpattīnaṃV0.167 mūlāya paṭikassati adhammikena kammena kuppena aṭṭhānārahena , adhammena samodhānaparivāsaṃ detiP2.71 .

So parivasāmīti maññamāno antarā sambahulā saṅghādisesā āpattiyo āpajjati parimāṇāyo appaṭicchannāyo .

So tasmiṃ bhūmiyaṃ ṭhito purimāāpattīnaṃ antarāāpattiyo sarati , aparāāpattīnaṃ antarāāpattiyo sarati .

Tassa evaṃ hoti –

‘ ahaṃ kho sambahulā saṅghādisesā āpattiyo āpajjiṃ parimāṇampi aparimāṇampi … pe … vavatthitampi sambhinnampi .

Sohaṃ saṅghaṃ tāsaṃ āpattīnaṃ samodhānaparivāsaṃ yāciṃ .

Tassa me saṅgho tāsaṃ āpattīnaṃ samodhānaparivāsaṃ adāsi .

Sohaṃ parivasanto antarā sambahulā saṅghādisesā āpattiyo āpajjiṃ parimāṇāyo appaṭicchannāyo .

Sohaṃ saṅghaṃ antarāāpattīnaṃ mūlāyapaṭikassanaṃ yāciṃ .

Taṃ maṃ saṅgho antarāāpattīnaṃ mūlāya paṭikassi adhammikena kammena kuppena aṭṭhānārahena , adhammena samodhānaparivāsaṃ adāsi .

Sohaṃ parivasāmīti maññamāno antarā sambahulā saṅghādisesā āpattiyo āpajjiṃ parimāṇāyo appaṭicchannāyoT1.290 .

Sohaṃ tasmiṃ bhūmiyaṃ ṭhito purimāāpattīnaṃ antarāāpattiyo sarāmi , aparāāpattīnaṃ antarāāpattiyo sarāmi .

Yaṃnūnāhaṃ saṅghaṃ purimāāpattīnaṃ antarāāpattīnañca aparāāpattīnaṃ antarāāpattīnañca mūlāyapaṭikassanaṃ yāceyyaṃ dhammikena kammena akuppena ṭhānārahena , dhammena samodhānaparivāsaṃ ;

dhammena mānattaṃ , dhammena abbhānan ’ ti .

So saṅghaṃ purimāāpattīnaṃ antarāāpattīnañca , aparāāpattīnaṃ antarāāpattīnañca , mūlāyapaṭikassanaṃ yācati dhammikena kammena akuppena ṭhānārahena , dhammena samodhānaparivāsaṃ ;

dhammena mānattaṃ , dhammena abbhānaṃ .

Taṃ saṅgho purimāāpattīnaṃ antarāāpattīnañca , aparāāpattīnaṃ antarāāpattīnañca , mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti ;

dhammena mānattaṃ deti , dhammena abbheti .

So , bhikkhave , bhikkhu visuddho tāhi āpattīhi [ ayaṃ paṭhamavāro sī syā . potthakesu paripuṇṇo dissati ].

‘‘ IdhaM0.182 pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi … pe … vavatthitampi sambhinnampi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇā paṭicchannāyo .

So saṅghaṃ antarāāpattīnaṃ mūlāyapaṭikassanaṃ yācatiT1.291 .

Taṃ saṅgho antarāāpattīnaṃ mūlāya paṭikassati , adhammikena kammena kuppena aṭṭhānārahena , adhammena samodhānaparivāsaṃ deti .

So parivasāmīti maññamāno antarā sambahulā saṅghādisesā āpattiyo āpajjati parimāṇā paṭicchannāyo .

So tasmiṃ bhūmiyaṃ ṭhito purimāāpattīnaṃ [ purimānaṃ āpattīnaṃ ( ka .)] antarāāpattiyo sarati , aparāāpattīnaṃV0.168 antarāāpattiyo sarati .

Tassa evaṃ hoti –

‘ ahaṃ kho sambahulā saṅghādisesā āpattiyo āpajjiṃ parimāṇampi aparimāṇampi … pe … vavatthitampi sambhinnampi .

Sohaṃ saṅghaṃ tāsaṃ āpattīnaṃ samodhānaparivāsaṃ yāciṃ .

Tassa me saṅgho tāsaṃ āpattīnaṃ samodhānaparivāsaṃ adāsi .

Sohaṃ parivasanto antarā sambahulā saṅghādisesā āpattiyo āpajjiṃ parimāṇā paṭicchannāyo .

Sohaṃ saṅghaṃ antarāāpattīnaṃ mūlāyapaṭikassanaṃ yāciṃ .

Taṃ maṃ saṅgho antarāāpattīnaṃ mūlāyapaṭikassi , adhammikena kammena kuppena aṭṭhānārahena , adhammena samodhānaparivāsaṃ adāsi .

Sohaṃ parivasāmīti maññamāno antarā sambahulā saṅghādisesā āpattiyo āpajjiṃ parimāṇā paṭicchannāyo .

Sohaṃ tasmiṃ bhūmiyaṃ ṭhito purimāpattīnaṃ antarāāpattiyo sarāmi , aparāāpattīnaṃ antarāāpattiyo sarāmi .

Yaṃnūnāhaṃ saṅghaṃ purimāpattīnaṃ antarāāpattīnañca , aparā āpattīnaṃ antarāāpattīnañca , mūlāyapaṭikassanaṃ yāceyyaṃT1.292 dhammikena kammena akuppena ṭhānārahena , dhammena samodhānaparivāsaṃ , dhammena mānattaṃ , dhammena abbhānan ’ ti .

So saṅghaṃ purimāpattīnaṃ antarāāpattīnañca , aparāāpattīnaṃ antarāāpattīnañca mūlāyapaṭikassanaṃ yācati dhammikena kammena akuppena ṭhānārahena , dhammena samodhānaparivāsaṃ , dhammena mānattaṃ , dhammena abbhānaṃ .

Taṃ saṅgho purimāpattīnaṃ antarāāpattīnañca , aparāāpattīnaṃ antarāāpattīnañca , mūlāya paṭikassati dhammikenaM0.183 kammena akuppena ṭhānārahena , dhammena samodhānaparivāsaṃ deti , dhammena mānattaṃ deti , dhammena abbheti .

So , bhikkhave , bhikkhu visuddho tāhi āpattīhi .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi … pe … vavatthitampi sambhinnampi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇā paṭicchannāyopi appaṭicchannāyopi .

So saṅghaṃ antarāāpattīnaṃ mūlāyapaṭikassanaṃ yācati .

Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena , adhammena samodhānaparivāsaṃT1.293 deti .

So parivasāmīti maññamāno antarā sambahulā saṅghādisesā āpattiyo āpajjati parimāṇā paṭicchannāyopi appaṭicchannāyopi .

So tasmiṃ bhūmiyaṃ ṭhito purimāpattīnaṃ antarāāpattiyo sarati , aparāāpattīnaṃ antarāāpattiyo sarati .

Tassa evaṃ hoti –

‘ ahaṃ kho sambahulā saṅghādisesā āpattiyo āpajjiṃ parimāṇampi aparimāṇampi … pe … vavatthitampi sambhinnampi .

Sohaṃ saṅghaṃ tāsaṃ āpattīnaṃ samodhānaparivāsaṃ yāciṃ .

Tassa me saṅgho tāsaṃ āpattīnaṃ samodhānaparivāsaṃ adāsi .

Sohaṃ parivasanto antarā sambahulāV0.169 saṅghādisesā āpattiyo āpajjiṃ parimāṇā paṭicchannāyopi appaṭicchannāyopi .

Sohaṃ saṅghaṃ antarāāpattīnaṃ mūlāyapaṭikassanaṃ yāciṃ .

Taṃ maṃ saṅgho antarāāpattīnaṃ mūlāya paṭikassi adhammikena kammena kuppena aṭṭhānārahena , adhammena samodhānaparivāsaṃ adāsi .

Sohaṃ parivasāmīti maññamāno antarā sambahulā saṅghādisesā āpattiyo āpajjiṃ parimāṇā paṭicchannāyopi appaṭicchannāyopi .

Sohaṃ tasmiṃ bhūmiyaṃ ṭhito purimāpattīnaṃ antarāāpattiyo sarāmi , aparāāpattīnaṃ antarāāpattiyo sarāmi .

Yaṃnūnāhaṃ saṅghaṃ purimāpattīnaṃ antarāāpattīnañca , aparāāpattīnaṃ antarāāpattīnañca , mūlāyapaṭikassanaṃ yāceyyaṃ dhammikena kammena akuppena ṭhānārahena , dhammena samodhānaparivāsaṃ , dhammena mānattaṃ , dhammena abbhānan ’ ti .

So saṅghaṃ purimāpattīnaṃ antarā āpattīnañca , aparā āpattīnaṃ antarā āpattīnañca , mūlāyapaṭikassanaṃM0.184 yācati dhammikena kammena akuppena ṭhānārahena , dhammena samodhānaparivāsaṃ , dhammena mānattaṃ , dhammena abbhānaṃ .

Taṃ saṅgho purimāpattīnaṃ antarā āpattīnañca , aparā āpattīnaṃ antarā āpattīnañca , mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti , dhammena mānattaṃ deti , dhammena abbheti .

So , bhikkhave , bhikkhu visuddho tāhi āpattīhi .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi … pe … vavatthitampi sambhinnampi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati aparimāṇāyo appaṭicchannāyo … pe … aparimāṇāyo paṭicchannāyo … pe … aparimāṇāyo paṭicchannāyopi appaṭicchannāyopi … pe … parimāṇāyopi aparimāṇāyopi appaṭicchannāyo .

So saṅghaṃ antarāāpattīnaṃ mūlāyapaṭikassanaṃP2.72 yācati .

Taṃ saṅgho antarāāpattīnaṃ mūlāya paṭikassi adhammikena kammena kuppena aṭṭhānārahena , adhammena samodhānaparivāsaṃ deti .

So parivasāmīti maññamāno … pe … taṃ saṅgho purimā āpattīnaṃ antarāāpattīnañca , aparāāpattīnaṃ antarāāpattīnañca , mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti , dhammena mānattaṃ deti , dhammena abbheti .

So , bhikkhave , bhikkhu visuddho tāhi āpattīhi [ imepi cattāro vārā sī . syā . potthakesu paripuṇṇā dissanti ].

‘‘ Idha pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi … pe … vavatthitampi sambhinnampi .

So saṅghaṃ tāsaṃ āpattīnaṃ samodhānaparivāsaṃV0.170 yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇāyopiT1.294 aparimāṇāyopi paṭicchannāyo .

So saṅghaṃ antarāāpattīnaṃ mūlāyapaṭikassanaṃ yācati .

Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena , adhammena samodhānaparivāsaṃ deti .

So parivasāmīti maññamāno antarā sambahulā saṅghādisesāM0.185 āpattiyo āpajjati parimāṇāyopi aparimāṇāyopi paṭicchannāyo .

So tasmiṃ bhūmiyaṃ ṭhito purimā āpattīnaṃ antarāāpattiyo sarati , aparāāpattīnaṃ antarāāpattiyo sarati .

Tassa evaṃ hoti –

‘ ahaṃ kho sambahulā saṅghādisesā āpattiyo āpajjiṃ parimāṇampi aparimāṇampi … pe … vavatthitampi sambhinnampi .

Sohaṃ saṅghaṃ tāsaṃ āpattīnaṃ samodhānaparivāsaṃ yāciṃ .

Tassa me saṅgho tāsaṃ āpattīnaṃ samodhānaparivāsaṃ adāsi .

Sohaṃ parivasanto antarā sambahulā saṅghādisesā āpattiyo āpajjiṃ parimāṇāyopi aparimāṇāyopi paṭicchannāyo .

Sohaṃ saṅghaṃ antarāāpattīnaṃ mūlāyapaṭikassanaṃ yāciṃ .

Taṃ maṃ saṅgho antarāāpattīnaṃ mūlāyapaṭikassi adhammikena kammena kuppena aṭṭhānārahena , adhammena samodhānaparivāsaṃ adāsi .

Sohaṃ parivasāmīti maññamāno antarā sambahulā saṅghādisesā āpattiyo āpajjiṃ parimāṇāyopi aparimāṇāyopi paṭicchannāyo .

Sohaṃ tasmiṃ bhūmiyaṃ ṭhito purimā āpattīnaṃ antarāāpattiyo sarāmi , aparāāpattīnaṃ antarāāpattiyo sarāmi .

Yaṃnūnāhaṃ saṅghaṃ purimā āpattīnaṃ antarā pattīnañca , aparāāpattīnaT1.295 antarāāpattīnañca , mūlāyapaṭikassanaṃ yāceyyaṃ dhammikena kammena akuppena ṭhānārahena , dhammena samodhānaparivāsaṃ , dhammena mānattaṃ , dhammena abbhānan ’ ti .

So saṅghaṃ purimā āpattīnaṃ antarāāpattīnañca , aparāāpattīnaṃ antarāāpattīnañca , mūlāyapaṭikassanaṃ yācati dhammikena kammena akuppena ṭhānārahena , dhammena samodhānaparivāsaṃ , dhammena mānattaṃ , dhammena abbhānaṃ .

Taṃ saṅgho purimā āpattīnaṃ antarāāpattīnañca , aparāāpattīnaṃ antarāāpattīnañca , mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti , dhammena mānattaṃ deti , dhammena abbheti .

So , bhikkhave , bhikkhu visuddho tāhi āpattīhi .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi … pe … vavatthitampi sambhinnampi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyopi appaṭicchannāyopi .

So saṅghaṃ antarāāpattīnaṃM0.186 mūlāyapaṭikassanaṃV0.171 yācati .

Taṃ saṅgho antarāāpattīnaṃ mūlāya paṭikassati adhammikena kammena kuppena aṭṭhānārahena , adhammena samodhānaparivāsaṃ deti .

So parivasāmīti maññamānoT1.296 antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyopi appaṭicchannāyopi .

So tasmiṃ bhūmiyaṃ ṭhito purimā āpattīnaṃ antarāāpattiyo sarati , aparāāpattīnaṃ antarāāpattiyo sarati .

Tassa evaṃ hoti –

‘ ahaṃ kho sambahulā saṅghādisesā āpattiyo āpajjiṃ parimāṇampi aparimāṇampi … pe … vavatthitampi sambhinnampi .

Sohaṃ saṅghaṃ tāsaṃ āpattīnaṃ samodhānaparivāsaṃ yāciṃ .

Tassa me saṅgho tāsaṃ āpattīnaṃ samodhānaparivāsaṃ adāsi .

Sohaṃ parivasanto antarā sambahulā saṅghādisesā āpattiyo āpajjiṃ parimāṇāyopi aparimāṇāyopi paṭicchannāyopi appaṭicchannāyopi .

Sohaṃ saṅghaṃ antarāāpattīnaṃ mūlāyapaṭikassanaṃ yāciṃ .

Taṃ maṃ saṅgho antarāāpattīnaṃ mūlāya paṭikassi adhammikena kammena kuppena aṭṭhānārahena , adhammena samodhānaparivāsaṃ adāsi .

Sohaṃ parivasāmīti maññamāno antarā sambahulā saṅghādisesā āpattiyo āpajjiṃ parimāṇāyopi aparimāṇāyopi paṭicchannāyopi appaṭicchannāyopi .

Sohaṃ tasmiṃ bhūmiyaṃ ṭhito purimā āpattīnaṃ antarāāpattiyo sarāmi , aparāāpattīnaṃ antarāāpattiyo sarāmi .

Yaṃnūnāhaṃ saṅghaṃ purimāpattīnaṃ antarāāpattīnañca , aparāāpattīnaṃ antarāāpattīnañca , mūlāyapaṭikassanaṃ yāceyyaṃ dhammikena kammena akuppena ṭhānārahena , dhammenaT1.297 samodhānaparivāsaṃ , dhammena mānattaṃ , dhammena abbhānan ’ ti .

So saṅghaṃ purimā āpattīnaṃ antarāāpattīnañca , aparāāpattīnaṃ antarāāpattīnañca , mūlāya paṭikassanaṃ yācati dhammikena kammena akuppena ṭhānārahena , dhammena samodhānaparivāsaṃ , dhammena mānattaṃ , dhammena abbhānaṃ .

Taṃ saṅgho purimā āpattīnaṃ antarā āpattīnañca , aparā āpattīnaṃ antarā āpattīnañca , mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti , dhammena mānattaṃ deti , dhammena abbheti .

So , bhikkhave , bhikkhu visuddho tāhi āpattīhi ’’.

Tatiyanavakaṃ niṭṭhitaṃ .

Samuccayakkhandhako tatiyo .

Tassuddānaṃ –

AppaṭicchannāM0.187 ekāha-dvīha-tīha-catūha ca ;

Pañcāhapakkhadasannaṃ , āpattimāha mahāmuni .

SuddhantoV0.172 ca vibbhamanto , parimāṇamukhaṃ dve bhikkhū ;

Tattha saññino dve yathā , vematikā tatheva ca .

MissakadiṭṭhinoT1.298 dve ca , asuddhakekadiṭṭhino ;

Dve ceva suddhadiṭṭhino .

Tatheva ca eko chādeti , atha makkhamatena ca ;

Ummattakadesanañca , mūlā aṭṭhārasa [ pannarasa ( ka .)] visuddhato .

Ācariyānaṃ vibhajjapadānaṃ [ vibhajjavādīnaṃ ( sī .)], tambapaṇṇidīpapasādakānaṃ ;

Mahāvihāravāsīnaṃ , vācanā saddhammaṭṭhitiyāti .

Samuccayakkhandhakaṃ niṭṭhitaṃ .

Issues

Select Version

Cūḷavaggapāḷi

Cūḷavaggapāḷi