Nappaṭippassambhetabbaaṭṭhārasakaṃ
43.‘‘ Pañcahi , bhikkhave , aṅgehi samannāgatassa bhikkhuno paṭisāraṇīyakammaṃ nappaṭippassambhetabbaṃ .
Upasampādeti , nissayaṃ deti , sāmaṇeraṃ upaṭṭhāpeti , bhikkhunovādakasammutiṃ sādiyati , sammatopi bhikkhuniyo ovadati – imehi kho , bhikkhave , pañcahaṅgehi samannāgatassa bhikkhuno paṭisāraṇīyakammaṃ nappaṭippassambhetabbaṃ .
[ pari .420]‘‘ Aparehipi , bhikkhave , pañcahaṅgehi samannāgatassa bhikkhuno paṭisāraṇīyakammaṃ nappaṭippassambhetabbaṃ .
Yāya āpattiyā saṅghena paṭisāraṇīyakammaṃ kataṃ hoti taṃ āpattiṃ āpajjati , aññaṃ vā tādisikaṃ , tato vā pāpiṭṭhataraṃ ;
kammaṃ garahati , kammike garahati – imehi kho , bhikkhave , pañcahaṅgehi samannāgatassa bhikkhuno paṭisāraṇīyakammaṃ nappaṭippassambhetabbaṃ .
‘‘ Aṭṭhahi , bhikkhave , aṅgehi samannāgatassa bhikkhuno paṭisāraṇīyakammaṃ nappaṭippassambhetabbaṃ .
Pakatattassa bhikkhuno uposathaṃ ṭhapeti , pavāraṇaṃ ṭhapeti , savacanīyaṃ karoti , anuvādaṃ paṭṭhapeti , okāsaṃ kāreti , codeti
M0.46 , sāreti , bhikkhūhi sampayojeti – imehiV0.43 kho , bhikkhave , aṭṭhahaṅgehi samannāgatassa bhikkhuno paṭisāraṇīyakammaṃT1.73 nappaṭippassambhetabbaṃ ’’.Paṭisāraṇīyakamme nappaṭippassambhetabbaaṭṭhārasakaṃ niṭṭhitaṃ .