3. Cattālīsakaṃ

Author： _System_Pali_VRI_ @ Administrator

No version selected — showing the Pali original by default.

3. Cattālīsakaṃ

160. Tena kho pana samayena aññataro bhikkhu parivasanto vibbhami .

So puna paccāgantvā bhikkhū upasampadaṃ yāci .

BhagavatoT1.250 etamatthaṃ ārocesuṃ .

‘‘ IdhaV0.145 pana , bhikkhave , bhikkhu parivasanto vibbhamati .

Vibbhantakassa , bhikkhave , parivāso na ruhati .

So ce puna upasampajjati , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho , avaseso parivasitabbo .

‘‘ Idha pana , bhikkhave , bhikkhu parivasanto sāmaṇero hoti .

Sāmaṇerassa , bhikkhave , parivāso na ruhati .

So ce puna upasampajjati , tassaM0.155 tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho , avaseso parivasitabbo .

‘‘ Idha pana , bhikkhave , bhikkhu parivasanto ummattako hoti .

Ummattakassa , bhikkhave , parivāso na ruhati .

So ce puna anummattako hoti , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho , avaseso parivasitabbo .

‘‘ Idha pana , bhikkhave , bhikkhu parivasanto khittacitto hoti .

Khittacittassa , bhikkhave , parivāso naP2.61 ruhati .

So ce puna akhittacitto hoti , tassa tadeva purimaṃ parivāsadānaṃ .

Yo parivāso dinno sudinno , yo purivuttho suparivuttho , avaseso parivasitabbo .

‘‘ Idha pana , bhikkhave , bhikkhu parivasanto vedanāṭṭo hoti .

VedanāṭṭassaT1.251 , bhikkhave , parivāso na ruhati .

So ce puna avedanāṭṭo hoti , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho , avaseso parivasitabbo .

‘‘ Idha pana , bhikkhave , bhikkhu parivasanto , āpattiyā adassane , ukkhipiyyati [ ukkhipiyati ( syā .), ukkhipīyati ( ka .)].

Ukkhittakassa , bhikkhave , parivāso na ruhati .

So ce puna osāriyyati [ osāriyati ( syā .), osārīyati ( ka .)], tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho , avaseso parivasitabbo .

‘‘ Idha pana , bhikkhave , bhikkhu parivasanto , āpattiyā appaṭikamme , ukkhipiyyati .

Ukkhittakassa , bhikkhave , parivāso na ruhati .

So ce puna osāriyyati , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho , avaseso parivasitabbo .

‘‘ IdhaV0.146 pana , bhikkhave , bhikkhu parivasanto , pāpikāya diṭṭhiyā , appaṭinissagge , ukkhipiyyati .

Ukkhittakassa , bhikkhave , parivāso na ruhati .

So ce puna osāriyyati , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho , avaseso parivasitabbo .

161.‘‘ IdhaM0.156 pana , bhikkhave , bhikkhu mūlāyapaṭikassanāraho vibbhamati .

Vibbhantakassa , bhikkhave , mūlāyapaṭikassanā na ruhati .

So ce punaT1.252 upasampajjati , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho .

So bhikkhu mūlāya paṭikassitabbo .

‘‘ Idha pana , bhikkhave , bhikkhu mūlāyapaṭikassanāraho sāmaṇero hoti … pe … ummattako hoti … pe … khittacitto hoti … pe … vedanāṭṭo hoti … pe … āpattiyā adassane ukkhipiyyati … pe … āpattiyā appaṭikamme ukkhipiyyati … pe … pāpikāya diṭṭhiyā , appaṭinissagge , ukkhipiyyati .

Ukkhittakassa , bhikkhave , mūlāyapaṭikassanā na ruhati .

So ce puna osāriyyati , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho .

So bhikkhu mūlāya paṭikassitabbo .

162.‘‘ Idha pana , bhikkhave , bhikkhu mānattāraho vibbhamati .

Vibbhantakassa , bhikkhave , mānattadānaṃ na ruhati .

So ce puna upasampajjati , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho .

Tassa bhikkhuno mānattaṃ dātabbaṃ .

‘‘ Idha pana , bhikkhave , bhikkhu mānattāraho sāmaṇero hoti … pe … ummattako hoti … pe … khittacitto hoti … pe … vedanāṭṭo hoti … pe … āpattiyā adassane , ukkhipiyyati … pe … āpattiyā appaṭikamme , ukkhipiyyati … pe … pāpikāya diṭṭhiyā , appaṭinissaggeT1.253 , ukkhipiyyati .

Ukkhittakassa , bhikkhave , mānattadānaṃ na ruhati .

So ce puna osāriyyati , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho .

Tassa bhikkhuno mānattaṃ dātabbaṃ .

163.‘‘ Idha pana , bhikkhave , bhikkhu mānattaṃ caranto vibbhamati .

Vibbhantakassa , bhikkhaveV0.147 , mānattacariyā na ruhati .

So ce puna upasampajjati tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho ;

yaṃ mānattaṃ dinnaṃ sudinnaṃ , yaṃ mānattaṃ ciṇṇaṃ suciṇṇaṃ , avasesaṃ caritabbaṃ .

‘‘ IdhaM0.157 pana , bhikkhave , bhikkhu mānattaṃ caranto sāmaṇero hoti … pe … ummattako hoti … pe … khittacitto hoti … pe … vedanāṭṭo hoti … pe … āpattiyā adassane , ukkhipiyyati … pe … āpattiyā appaṭikamme , ukkhipiyyati … pe … pāpikāya diṭṭhiyā , appaṭinissagge , ukkhipiyyati .

Ukkhittakassa , bhikkhave , mānattacariyā na ruhati .

So ce puna osāriyyati , tassa tadeva purimaṃ parivāsadānaṃ .

Yo parivāso dinno sudinno , yo purivuttho suparivuttho ;

yaṃ mānattaṃ dinnaṃ sudinnaṃ , yaṃ mānattaṃ ciṇṇaṃ suciṇṇaṃ , avasesaṃ caritabbaṃ .

164.‘‘ Idha pana , bhikkhave , bhikkhu abbhānāraho vibbhamati .

Vibbhantakassa , bhikkhave , abbhānaṃ na ruhati .

So ce puna upasampajjatiT1.254 , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho ;

yaṃ mānattaṃ dinnaṃ sudinnaṃ , yaṃ mānattaṃ ciṇṇaṃ suciṇṇaṃ .

So bhikkhu abbhetabbo .

‘‘ Idha pana , bhikkhave , bhikkhu abbhānāraho sāmaṇero hoti … pe … ummattako hoti … pe …

Khittacitto hoti … pe … vedanāṭṭo hoti … pe … āpattiyā adassane , ukkhipiyyati … pe … āpattiyā appaṭikamme , ukkhipiyyati … pe … pāpikāya diṭṭhiyā , appaṭinissagge , ukkhipiyyati .

Ukkhittakassa , bhikkhave , abbhānaṃP2.62 na ruhati .

So ce puna osāriyyati , tassa tadeva purimaṃ parivāsadānaṃ .

Yo parivāso dinno sudinno , yo parivuttho suparivuttho ;

yaṃ mānattaṃ dinnaṃ sudinnaṃ , yaṃ mānattaṃ ciṇṇaṃ suciṇṇaṃ .

So bhikkhu abbhetabbo .

Cattālīsakaṃ samattaṃ .

Issues

Select Version

Cūḷavaggapāḷi

Cūḷavaggapāḷi