Nappaṭippassambhetabbaaṭṭhārasakaṃ
8. Atha kho saṅgho paṇḍukalohitakānaṃ bhikkhūnaṃ tajjanīyakammaṃ akāsi
T1.15 .Te saṅghena tajjanīyakammakatā sammā vattanti , lomaṃ pātenti
M0.11 , netthāraṃ vattanti , bhikkhū upasaṅkamitvā evaṃ vadanti –‘‘ mayaṃ , āvuso , saṅghena tajjanīyakammakatā sammā vattāma , lomaṃ pātema , netthāraṃ vattāma , kathaṃ nu kho amhehi paṭipajjitabban ’’ ti ?
Bhikkhū bhagavato etamatthaṃ ārocesuṃ … pe ….
‘‘ Tena hi , bhikkhave , saṅgho paṇḍukalohitakānaṃ bhikkhūnaṃ tajjanīyakammaṃ paṭippassambhetu .
Pañcahi , bhikkhave , aṅgehi samannāgatassa bhikkhuno tajjanīyakammaṃ nappaṭippassambhetabbaṃ .
Upasampādeti , nissayaṃ deti , sāmaṇeraṃ upaṭṭhāpeti , bhikkhunovādakasammutiṃ sādiyati , sammatopi bhikkhuniyo ovadati – imehi kho , bhikkhave , pañcahaṅgehi samannāgatassa bhikkhuno tajjanīyakammaṃ nappaṭippassambhetabbaṃ .
[ pari .420]‘‘ Aparehipi , bhikkhave , pañcahaṅgehi samannāgatassa bhikkhuno tajjanīyakammaṃ nappaṭippassambhetabbaṃ .
Yāya āpattiyā saṅghena tajjanīyakammaṃ kataṃ hoti taṃ āpattiṃ āpajjati , aññaṃ vā tādisikaṃ , tato vā pāpiṭṭhataraṃ ;
kammaṃ garahati , kammike garahati – imehi kho , bhikkhave , pañcahaṅgehi samannāgatassa bhikkhuno tajjanīyakammaṃ nappaṭippassambhetabbaṃ .
‘‘ Aṭṭhahi
V0.11 , bhikkhave , aṅgehi samannāgatassa bhikkhuno tajjanīyakammaṃP2.6 nappaṭippassambhetabbaṃ .Pakatattassa bhikkhuno uposathaṃ ṭhapeti , pavāraṇaṃ ṭhapeti , savacanīyaṃ karoti , anuvādaṃ paṭṭhapeti , okāsaṃ
T1.16 kāreti , codeti , sāreti , bhikkhūhi sampayojeti [ bhikkhū bhikkhūhi sampayojeti ( syā .)]– imehi kho , bhikkhave , aṭṭhahaṅgehi samannāgatassa bhikkhuno tajjanīyakammaṃ nappaṭippassambhetabbaṃ .Nappaṭippassambhetabbaaṭṭhārasakaṃ niṭṭhitaṃ .