Adhammakammadvādasakaṃ
37.‘‘ Tīhi
M0.41 , bhikkhave , aṅgehi samannāgataṃ paṭisāraṇīyakammaṃ adhammakammañca hoti , avinayakammañca , duvūpasantañca .Asammukhā kataṃ hoti , appaṭipucchā kataṃ hoti , appaṭiññāya kataṃ hoti – imehi kho , bhikkhave , tīhaṅgehi samannāgataṃ paṭisāraṇīyakammaṃ adhammakammañca hoti , avinayakammañca , duvūpasantañca .
‘‘ Aparehipi , bhikkhave , tīhaṅgehi samannāgataṃ paṭisāraṇīyakammaṃ adhammakammañca hoti , avinayakammañca , duvūpasantañca .
Anāpattiyā kataṃ hoti , adesanāgāminiyā āpattiyā kataṃ hoti , desitāya āpattiyā kataṃ hoti … pe … acodetvā kataṃ hoti , asāretvā kataṃ hoti , āpattiṃ anāropetvā kataṃ hoti … pe …
T1.64 asammukhā kataṃ hoti , adhammena kataṃ hoti , vaggena kataṃ hoti … pe … appaṭipucchā kataṃ hoti , adhammena kataṃ hoti , vaggena kataṃ hoti … pe … appaṭiññāya kataṃ hoti , adhammena kataṃ hoti , vaggena kataṃ hoti … pe … anāpattiyā kataṃ hoti , adhammena kataṃ hoti , vaggena kataṃ hoti … pe …T1.65 adesanāgāminiyā āpattiyā kataṃ hoti , adhammena kataṃ hoti , vaggena kataṃ hoti … pe … desitāya āpattiyā kataṃ hoti , adhammena kataṃ hoti , vaggena kataṃ hoti … pe … acodetvā kataṃ hoti , adhammena kataṃ hoti , vaggena kataṃ hoti … pe … asāretvā kataṃ hotiV0.39 , adhammena kataṃ hoti , vaggena kataṃ hoti … pe … āpattiṃ anāropetvā kataṃ hoti , adhammena kataṃ hoti , vaggena kataṃ hoti – imehi kho , bhikkhave , tīhaṅgehi samannāgataṃT1.66 paṭisāraṇīyakammaṃ adhammakammañca hoti , avinayakammañca , duvūpasantañca .Paṭisāraṇīyakamme adhammakammadvādasakaṃ niṭṭhitaṃ .