3. Mānattārahavattaṃ
88. Tena
M0.92 kho pana samayena mānattārahā bhikkhū sādiyanti pakatattānaṃ bhikkhūnaṃ abhivādanaṃ , paccuṭṭhānaṃ , añjalikammaṃ , sāmīcikammaṃ , āsanābhihāraṃ , seyyābhihāraṃ , pādodakaṃ pādapīṭhaṃ , pādakathalikaṃ , pattacīvarapaṭiggahaṇaṃ , nahāne piṭṭhiparikammaṃ .Ye te bhikkhū appicchā
V0.87 … pe … te ujjhāyanti khiyyanti vipācenti –‘‘ kathañhi nāma mānattārahā bhikkhū sādiyissanti pakatattānaṃ bhikkhūnaṃ abhivādanaṃ , paccuṭṭhānaṃ , añjalikammaṃ , sāmīcikammaṃ , āsanābhihāraṃ , seyyābhihāraṃ , pādodakaṃ pādapīṭhaṃ , pādakathalikaṃ , pattacīvarapaṭiggahaṇaṃ , nahāne piṭṭhiparikamman ’’ ti !
Atha kho te bhikkhū bhagavato etamatthaṃ ārocesuṃ … pe …‘‘ saccaṃ kira , bhikkhave , mānattārahā bhikkhū sādiyanti pakatattānaṃ bhikkhūnaṃ abhivādanaṃ , paccuṭṭhānaṃ … pe … nahāne piṭṭhiparikamman ’’ ti ?
‘‘ Saccaṃ bhagavā ’’ ti .
Vigarahi buddho bhagavā –
‘‘ ananucchavikaṃ … pe … kathañhi nāma , bhikkhave , mānattārahā
T1.143 bhikkhū sādiyissanti pakatattānaṃ bhikkhūnaṃ abhivādanaṃ … pe … nahāne piṭṭhiparikammaṃ !Netaṃ , bhikkhave , appasannānaṃ vā pasādāya … pe … vigarahitvā … pe … dhammiṃ kathaṃ katvā bhikkhū āmantesi –
‘‘ na , bhikkhave , mānattārahena bhikkhunā sāditabbaṃ pakatattānaṃ bhikkhūnaṃ abhivādanaṃ , paccuṭṭhānaṃ … pe … nahāne piṭṭhiparikammaṃ .
Yo sādiyeyya , āpatti dukkaṭassa .
Anujānāmi , bhikkhave , mānattārahānaṃ bhikkhūnaṃ mithu yathāvuḍḍhaṃ abhivādanaṃ , paccuṭṭhānaṃ … pe … nahāne piṭṭhiparikammaṃ .
Anujānāmi , bhikkhave , mānattārahānaṃ bhikkhūnaṃ pañca yathāvuḍḍhaṃ – uposathaṃ , pavāraṇaṃ , vassikasāṭikaṃ , oṇojanaṃ , bhattaṃ .
Tena hi , bhikkhave , mānattārahānaṃ bhikkhūnaṃ vattaṃ paññāpessāmi yathā mānattārahehi bhikkhūhi vattitabbaṃ .
89.‘‘ Mānattārahena , bhikkhave , bhikkhunā sammā vattitabbaṃ .
Tatrāyaṃ sammāvattanā –
Na upasampādetabbaṃ … pe …( yathā mūlāya paṭikassanā , tathā vitthāretabbaṃ .) Na bhikkhūhi
T1.144 sampayojetabbaṃ .‘‘ Na , bhikkhave , mānattārahena bhikkhunā pakatattassa bhikkhuno purato gantabbaṃ , na purato nisīditabbaṃ .
Yo hoti saṅghassa āsanapariyanto seyyāpariyanto vihārapariyanto so tassa padātabbo .
Tena ca so sāditabbo .
‘‘ Na
M0.93V0.88 , bhikkhave , mānattārahena bhikkhunā pakatattena bhikkhunā puresamaṇena vā pacchāsamaṇena vā kulāni upasaṅkamitabbāni , na āraññikaṅgaṃ samādātabbaṃ , na piṇḍapātikaṅgaṃ samādātabbaṃ , na ca tappaccayā piṇḍapāto nīharāpetabbo – mā maṃ jāniṃsūti .‘‘ Na , bhikkhave , mānattārahena bhikkhunā sabhikkhukā āvāsā abhikkhuko āvāso gantabbo , aññatra pakatattena , aññatra antarāyā .
‘‘ Na , bhikkhave , manattārahena bhikkhunā sabhikkhukā āvāsā abhikkhuko anāvāso gantabbo , aññatra pakatattena , aññatra antarāyā .
‘‘ Na , bhikkhave , mānattārahena bhikkhunā sabhikkhukā āvāsā abhikkhuko
T1.145 āvāso vā anāvāso vā gantabbo , aññatra pakatattena , aññatra antarāyā .‘‘ Na , bhikkhave , mānattārahena bhikkhunā sabhikkhukā anāvāsā abhikkhuko āvāso gantabbo … pe … abhikkhuko anāvāso gantabbo … pe … abhikkhuko āvāso vā anāvāso vā gantabbo , aññatra pakatattena , aññatra antarāyā .
‘‘ Na , bhikkhave , mānattārahena bhikkhunā sabhikkhukā āvāsā vā anāvāsā vā abhikkhuko āvāso gantabbo … pe … abhikkhuko anāvāso gantabbo … pe … abhikkhuko āvāso vā anāvāso vā gantabbo , aññatra pakatattena , aññatra antarāyā .
‘‘ Na , bhikkhave , mānattārahena bhikkhunā sabhikkhukā āvāsā sabhikkhuko āvāso gantabbo … pe … sabhikkhuko anāvāso gantabbo … pe … sabhikkhuko āvāso vā anāvāso vā gantabbo , yatthassu bhikkhū nānāsaṃvāsakā , aññatra pakatattena , aññatra antarāyā .
‘‘ Na , bhikkhave , mānattārahena bhikkhunā sabhikkhukā anāvāsā sabhikkhuko āvāso gantabbo … pe … sabhikkhuko anāvāso gantabbo
M0.94 … pe … sabhikkhukoV0.89 āvāso vā anāvāso vā gantabbo , yatthassu bhikkhū nānāsaṃvāsakā , aññatra pakatattena , aññatra antarāyā .‘‘ Na , bhikkhave , mānattārahena bhikkhunā sabhikkhukā āvāsā vā anāvāsā vā sabhikkhuko āvāso gantabbo … pe … sabhikkhuko anāvāso gantabbo … pe … sabhikkhuko āvāso vā anāvāso vā gantabbo , yatthassu bhikkhū
T1.146 nānāsaṃvāsakā , aññatra pakatattena , aññatra antarāyā .‘‘ Gantabbo , bhikkhave , mānattārahena bhikkhunā sabhikkhukā āvāsā sabhikkhuko āvāso … pe … sabhikkhuko anāvāso … pe … sabhikkhuko āvāso vā anāvāso vā , yatthassu bhikkhū samānasaṃvāsakā , yaṃ jaññā sakkomi ajjeva gantunti .
‘‘ Gantabbo , bhikkhave , mānattārahena bhikkhunā sabhikkhukā anāvāsā sabhikkhuko āvāso … pe … sabhikkhuko anāvāso … pe … sabhikkhuko āvāso vā anāvāso vā , yatthassu bhikkhū samānasaṃvāsakā , yaṃ jaññā sakkomi ajjeva gantunti .
‘‘ Gantabbo , bhikkhave , mānattārahena bhikkhunā sabhikkhukā āvāsā vā anāvāsā vā sabhikkhuko āvāso … pe … sabhikkhuko anāvāso … pe … sabhikkhuko āvāso vā anāvāso vā , yatthassu bhikkhū samānasaṃvāsakā , yaṃ jaññā sakkomi ajjeva gantunti .
‘‘ Na , bhikkhave , mānattārahena bhikkhunā pakatattena bhikkhunā saddhiṃ ekacchanne āvāse vatthabbaṃ , na ekacchanne anāvāse vatthabbaṃ , na ekacchanne āvāse vā anāvāse vā vatthabbaṃ .
Pakatattaṃ bhikkhuṃ disvā āsanā vuṭṭhātabbaṃ .
Pakatatto bhikkhu āsanena nimantetabbo .
Na pakatattena bhikkhunā saddhiṃ ekāsane nisīditabbaṃ , na nīce āsane nisinne ucce āsane nisīditabbaṃ , na chamāyaṃ nisinne āsane nisīditabbaṃ ;
na ekacaṅkame caṅkamitabbaṃ , na
T1.147 nīce caṅkame caṅkamante ucce caṅkame caṅkamitabbaṃ , na chamāyaṃ caṅkamante caṅkame caṅkamitabbaṃ .‘‘ Na
M0.95 , bhikkhave , mānattārahena bhikkhunā pārivāsikena bhikkhunā saddhiṃ … pe … mūlāyapaṭikassanārahena bhikkhunā saddhiṃ … pe … mānattārahena vuḍḍhatarena bhikkhunā saddhiṃ … pe … mānattacārikena bhikkhunā saddhiṃ … pe … abbhānārahena bhikkhunā saddhiṃ ekacchanne āvāse vatthabbaṃ , na ekacchanne anāvāse vatthabbaṃ , na ekacchanne āvāse vā anāvāse vā vatthabbaṃ ;na ekāsane nisīditabbaṃ , na nīce āsane nisinne ucce āsane nisīditabbaṃ , na chamāyaṃ nisinne āsane nisīditabbaṃ ;
na ekacaṅkame caṅkamitabbaṃ , na nīce caṅkame caṅkamante ucce caṅkame caṅkamitabbaṃ , na chamāyaṃ caṅkamante caṅkame caṅkamitabbaṃ .
[ mahāva .393]‘‘ Mānattārahacatuttho
V0.90 ce , bhikkhave , parivāsaṃ dadeyya , mūlāya paṭikasseyya , mānattaṃ dadeyya , taṃvīso abbheyya , akammaṃ , na ca karaṇīyan ’’ ti .Mānattārahavattaṃ niṭṭhitaṃ .