Issues
Editor
Settings
Cūḷavaggapāḷi
Cūḷavaggapāḷi

Dhammakammadvādasakaṃ

Author： _System_Pali_VRI_ @ Administrator

Dhammakammadvādasakaṃ

14.‘‘ Tīhi , bhikkhave , aṅgehi samannāgataṃ niyassakammaṃ dhammakammañca hoti , vinayakammañca , suvūpasantañca .
Sammukhā kataṃ hoti , paṭipucchā kataṃ hoti , paṭiññāya kataṃ hoti – imehi kho , bhikkhave , tīhaṅgehi samannāgataṃ niyassakammaṃ dhammakammañca hoti , vinayakammañca , suvūpasantañca .
‘‘ AparehipiM0.17 , bhikkhave , tīhaṅgehi samannāgataṃ niyassakammaṃ dhammakammañca hoti , vinayakammañca , suvūpasantañca .
Āpattiyā kataṃ hoti , desanāgāminiyā āpattiyā kataṃ hoti , adesitāya āpattiyā kataṃ hoti – imehi kho , bhikkhave , tīhaṅgehi samannāgataṃ niyassakammaṃ dhammakammañca hoti , vinayakammañca , suvūpasantañca .
‘‘ Aparehipi , bhikkhave , tīhaṅgehi samannāgataṃ niyassakammaṃ dhammakammañca hoti , vinayakammañca , suvūpasantañca .
Codetvā kataṃ hoti , sāretvā kataṃ hoti , āpattiṃ āropetvā kataṃ hotiT1.25 – imehi kho , bhikkhave , tīhaṅgehi samannāgataṃ niyassakammaṃ dhammakammañca hoti , vinayakammañca , suvūpasantañca .
‘‘ Aparehipi , bhikkhave … pe … sammukhā kataṃ hoti , dhammena kataṃ hoti , samaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … paṭipucchā kataṃ hoti , dhammena kataṃ hoti , samaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … paṭiññāya kataṃ hoti , dhammena kataṃ hoti , samaggena kataṃ hoti – imehi kho , bhikkhave … pe ….
‘‘ AparehipiV0.17 , bhikkhave … pe … āpattiyā kataṃ hoti , dhammena kataṃ hoti , samaggena kataṃ hoti – imehi kho , bhikkhave … pe …T1.26 .
‘‘ Aparehipi , bhikkhave … pe … desanāgāminiyā āpattiyā kataṃ hoti , dhammena kataṃ hoti , samaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … adesitāya āpattiyā kataṃ hoti , dhammena kataṃ hoti , samaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … codetvā kataṃ hoti , dhammena kataṃ hoti , samaggena kataṃ hoti – imehi kho , bhikkhave … pe ….
‘‘ Aparehipi , bhikkhave … pe … sāretvā kataṃ hoti , dhammena kataṃ hoti , samaggena kataṃ hoti – imehi kho , bhikkhave … pe …T1.27 .
‘‘ AparehipiM0.18 , bhikkhave , tīhaṅgehi samannāgataṃ niyassakammaṃ dhammakammañca hoti , vinayakammañca , suvūpasantañca .
Āpattiṃ āropetvā kataṃ hoti , dhammena kataṃ hoti , samaggena kataṃ hoti – imehi kho , bhikkhave , tīhaṅgehi samannāgataṃ niyassakammaṃ dhammakammañca hoti , vinayakammañca , suvūpasantañca .
Dhammakammadvādasakaṃ niṭṭhitaṃ .