Adhammakammadvādasakaṃ
67.‘‘ Tīhi , bhikkhave , aṅgehi samannāgataṃ , pāpikāya diṭṭhiyā appaṭinissagge , ukkhepanīyakammaṃ adhammakammañca hoti , avinayakammañca , duvūpasantañca .
Asammukhā kataṃ hoti , appaṭipucchā kataṃ hoti , appaṭiññāya kataṃ hoti – imehi kho , bhikkhave , tīhaṅgehi samannāgataṃ , pāpikāya
M0.72 diṭṭhiyā appaṭinissagge , ukkhepanīyakammaṃ adhammakammañca hoti , avinayakammañca , duvūpasantañca .‘‘ Aparehipi , bhikkhave , tīhaṅgehi samannāgataṃ , pāpikāya diṭṭhiyā appaṭinissagge , ukkhepanīyakammaṃ adhammakammañca hoti , avinayakammañca , duvūpasantañca .
Anāpattiyā kataṃ hoti , adesanāgāminiyā āpattiyā kataṃ hoti , desitāya āpattiyā kataṃ hoti … pe … acodetvā kataṃ hoti , asāretvā kataṃ hoti , āpattiṃ anāropetvā kataṃ hoti … pe … asammukhā kataṃ hoti , adhammena kataṃ hoti , vaggena kataṃ hoti … pe … appaṭipucchā kataṃ hoti , adhammena kataṃ hoti , vaggena kataṃ hoti … pe … appaṭiññāya kataṃ hoti , adhammena kataṃ hoti , vaggena kataṃ hoti … pe …
T1.113 anāpattiyā kataṃ hoti , adhammena kataṃ hoti , vaggena kataṃ hoti … pe … adesanāgāminiyā āpattiyā kataṃ hoti , adhammena kataṃ hoti , vaggena kataṃ hoti … pe … desitāya āpattiyā kataṃ hoti , adhammena kataṃ hoti , vaggena kataṃ hoti … pe … acodetvā kataṃ hoti , adhammena kataṃ hoti , vaggena kataṃ hoti … pe … asāretvā kataṃ hoti , adhammena kataṃ hoti , vaggena kataṃ hoti … pe … āpattiṃ anāropetvā kataṃ hoti , adhammena kataṃ hoti , vaggena kataṃ hoti – imehi kho , bhikkhaveV0.67 , tīhaṅgehi samannāgataṃ , pāpikāya diṭṭhiyā appaṭinissagge , ukkhepanīyakammaṃ adhammakammañca hoti , avinayakammañca , duvūpasantañca .Pāpikāya diṭṭhiyā appaṭinissagge ukkhepanīyakamme
Adhammakammadvādasakaṃ niṭṭhitaṃ .