Ākaṅkhamānacatukkaṃ
39.‘‘ Pañcahi , bhikkhave , aṅgehi samannāgatassa bhikkhuno , ākaṅkhamāno saṅgho , paṭisāraṇīyakammaṃ
V0.40 kareyya .Gihīnaṃ alābhāya parisakkati , gihīnaṃ anatthāya parisakkati , gihīnaṃ anāvāsāya [ avāsāya ( sī .)] parisakkati , gihī akkosati paribhāsati , gihī gihīhi
P2.19 bhedeti – imehi kho , bhikkhave , pañcahaṅgehi samannāgatassa bhikkhuno , ākaṅkhamāno saṅgho , paṭisāraṇīyakammaṃ kareyya .‘‘ Aparehipi , bhikkhave , pañcahaṅgehi samannāgatassa bhikkhuno , ākaṅkhamāno saṅgho , paṭisāraṇīyakammaṃ kareyya .
Gihīnaṃ buddhassa avaṇṇaṃ bhāsati
M0.43 , gihīnaṃ dhammassa avaṇṇaṃ bhāsati , gihīnaṃ saṅghassa avaṇṇaṃ bhāsati , gihī hīnena khuṃseti hīnena vambheti , gihīnaṃ dhammikaṃ paṭissavaṃ na saccāpeti – imehi kho , bhikkhave , pañcahaṅgehi samannāgatassa bhikkhuno , ākaṅkhamāno saṅgho , paṭisāraṇīyakammaṃ kareyya .‘‘ Pañcannaṃ , bhikkhave , bhikkhūnaṃ , ākaṅkhamāno saṅgho , paṭisāraṇīyakammaṃ kareyya .
Eko gihīnaṃ
T1.69 alābhāya parisakkati , eko gihīnaṃ anatthāya parisakkati , eko gihīnaṃ anāvāsāya parisakkati , eko gihī akkosati paribhāsati , eko gihī gihīhi bhedeti – imesaṃ kho , bhikkhave , pañcannaṃ bhikkhūnaṃ , ākaṅkhamāno saṅgho , paṭisāraṇīyakammaṃ kareyya .‘‘ Aparesampi , bhikkhave , pañcannaṃ bhikkhūnaṃ , ākaṅkhamāno saṅgho , paṭisāraṇīyakammaṃ kareyya .
Eko gihīnaṃ buddhassa avaṇṇaṃ bhāsati , eko gihīnaṃ dhammassa avaṇṇaṃ bhāsati , eko gihīnaṃ saṅghassa avaṇṇaṃ bhāsati , eko gihī hīnena khuṃseti hīnena vambheti , eko gihīnaṃ dhammikaṃ paṭissavaṃ na saccāpeti – imesaṃ kho , bhikkhave , pañcannaṃ bhikkhūnaṃ , ākaṅkhamāno saṅgho , paṭisāraṇīyakammaṃ kareyya .
Ākaṅkhamānacatukkaṃ niṭṭhitaṃ .