Ekāhappaṭicchannaabbhānaṃ
106. So ciṇṇamānatto bhikkhūnaṃ ārocesi –
‘‘ ahaṃ , āvuso , ekaṃ āpattiṃ āpajjiṃ sañcetanikaṃ sukkavissaṭṭhiṃ ekāhappaṭicchannaṃ .
Sohaṃ
M0.111 saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ yāciṃ .Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ adāsi .
Sohaṃ parivutthaparivāso saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ yāciṃ .
Tassa me saṅgho ekissā āpattiyā sañcetanikāya sukkavissaṭṭhiyā
V0.105 ekāhappaṭicchannāya chārattaṃ mānattaṃ adāsi .Sohaṃ ciṇṇamānatto .
Kathaṃ nu kho mayā paṭipajjitabban ’’ ti ?
Bhagavato etamatthaṃ ārocesuṃ .
‘‘ Tena hi , bhikkhave , saṅgho udāyiṃ bhikkhuṃ abbhetu .
Evañca pana , bhikkhave , abbhetabbo –
‘‘ Tena bhikkhave , udāyinā bhikkhunā saṅghaṃ upasaṅkamitvā … pe … evamassa
T1.172 vacanīyo –‘ ahaṃ , bhante , ekaṃ āpattiṃ āpajjiṃ sañcetanikaṃ sukkavissaṭṭhiṃ ekāhappaṭicchannaṃ .
Sohaṃ saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ yāciṃ .
Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ adāsi .
Sohaṃ parivutthaparivāso saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ yāciṃ .
Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ adāsi .
Sohaṃ , bhante , ciṇṇamānatto saṅghaṃ abbhānaṃ yācāmī ’ ti .
Dutiyampi yācitabbaṃ .
Tatiyampi yācitabbaṃ .
Byattena
T1.173 bhikkhunā paṭibalena saṅgho ñāpetabbo – 107.‘‘ Suṇātu me , bhante , saṅgho .
Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ ekāhappaṭicchannaṃ .
So saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ yāci .
Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ adāsi .
So parivutthaparivāso saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ yāci .
Saṅgho udāyissa bhikkhuno
P2.43 ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ adāsi .So ciṇṇamānatto
M0.112 saṅghaṃ abbhānaṃ yācati .Yadi saṅghassa pattakallaṃ , saṅgho udāyiṃ bhikkhuṃ abbheyya .
Esā ñatti .
‘‘ Suṇātu me , bhante , saṅgho .
Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ ekāhappaṭicchannaṃ .
So saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ yāci .
Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ adāsi .
So parivutthaparivāso saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya
V0.106 chārattaṃ mānattaṃ yāci .Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya
T1.174 chārattaṃ mānattaṃ adāsi .So ciṇṇamānatto saṅghaṃ abbhānaṃ yācati .
Saṅgho udāyiṃ bhikkhuṃ abbheti .
Yassāyasmato khamati udāyissa bhikkhuno abbhānaṃ , so tuṇhassa ;
yassa nakkhamati , so bhāseyya .
‘‘ Dutiyampi etamatthaṃ vadāmi … pe … tatiyampi etamatthaṃ vadāmi … pe ….
‘‘ Abbhito saṅghena udāyī bhikkhu .
Khamati saṅghassa , tasmā tuṇhī , evametaṃ dhārayāmī ’’ ti .