Agghasamodhānaparivāso
134. Tena kho pana samayena aññataro bhikkhu sambahulā saṅghādisesā āpattiyo āpanno hoti – ekā āpatti ekāhappaṭicchannā , ekā āpatti dvīhappaṭicchannā , ekā āpatti tīhappaṭicchannā , ekā āpatti catūhappaṭicchannā , ekā āpatti pañcāhappaṭicchannā , ekā
V0.127 āpatti chāhappaṭicchannā , ekā āpatti sattāhappaṭicchannā , ekā āpatti aṭṭhāhappaṭicchannā , ekā āpatti navāhappaṭicchannā , ekā āpatti dasāhappaṭicchannā .So bhikkhūnaṃ ārocesi –
‘‘ ahaṃ , āvuso , sambahulā saṅghādisesā āpattiyo āpajjiṃ – ekā āpatti ekāhappaṭicchannā … pe … ekā āpatti dasāhappaṭicchannā .
Kathaṃ nu kho mayā paṭipajjitabban ’’ ti ?
Bhagavato etamatthaṃ ārocesuṃ .
‘‘ Tena hi , bhikkhave , saṅgho tassa bhikkhuno tāsaṃ āpattīnaṃ yā āpatti dasāhappaṭicchannā
T1.219 tassā agghena samodhānaparivāsaṃ detu .Evañca pana , bhikkhave , dātabbo –
‘‘ Tena
M0.135 , bhikkhave , bhikkhunā saṅghaṃ upasaṅkamitvā … pe … evamassa vacanīyo –‘ ahaṃ , bhante , sambahulā saṅghādisesā āpattiyo āpajjiṃ – ekā āpatti ekāhappaṭicchannā … pe … ekā āpatti dasāhappaṭicchannā .
Sohaṃ , bhante , saṅghaṃ tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ yācāmī ’ ti .
Dutiyampi yācitabbo .
Tatiyampi yācitabbo .
Byattena bhikkhunā paṭibalena saṅgho ñāpetabbo –
135.‘‘ Suṇātu me , bhante , saṅgho .
Ayaṃ itthannāmo bhikkhu sambahulā saṅghādisesā
P2.52 āpattiyo āpajji – ekā āpatti ekāhappaṭicchannā … pe … ekā āpatti dasāhappaṭicchannā .So saṅghaṃ tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ yācati .
Yadi saṅghassa pattakallaṃ , saṅgho itthannāmassa bhikkhuno tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ dadeyya .
Esā ñatti .
‘‘ Suṇātu me , bhante , saṅgho .
Ayaṃ itthannāmo bhikkhu sambahulā saṅghādisesā āpattiyo āpajji – ekā āpatti ekāhappaṭicchannā … pe … ekā āpatti dasāhappaṭicchannā .
So saṅghaṃ tāsaṃ āpattīnaṃ yā
T1.220 āpatti dasāhappaṭicchannā tassā agghena samodhānaparivāsaṃ yācati .Saṅgho itthannāmassa bhikkhuno tāsaṃ āpattīnaṃ yā āpatti dasāhappaṭicchannā tassā agghena samodhānaparivāsaṃ deti .
Yassāyasmato khamati itthannāmassa bhikkhuno tāsaṃ āpattīnaṃ yā āpatti dasāhappaṭicchannā ;
tassā agghena samodhānaparivāsassa dānaṃ , so tuṇhassa ;
yassa nakkhamati , so bhāseyya .
‘‘ Dutiyampi
V0.128 etamatthaṃ vadāmi … pe … tatiyampi etamatthaṃ vadāmi … pe ….‘‘ Dinno saṅghena itthannāmassa bhikkhuno tāsaṃ āpattīnaṃ yā āpatti dasāhappaṭicchannā tassā agghena samodhānaparivāso .
Khamati saṅghassa , tasmā tuṇhī , evametaṃ dhārayāmī ’’ ti .