Āsanappaṭibāhanapaṭikkhepaṃ
313. Tena
V0.292 kho pana samayena manussā saṅghaṃ uddissa maṇḍape paṭiyādenti , santhare paṭiyādenti , okāse paṭiyādenti .Chabbaggiyānaṃ
P2.163 bhikkhūnaṃ antevāsikā bhikkhū –‘ saṅghikaññeva bhagavatā yathāvuḍḍhaṃ anuññātaṃ
T2.119 , no uddissakatan ’ ti buddhappamukhassa saṅghassa purato purato gantvā maṇḍapepi pariggaṇhanti , santharepi pariggaṇhanti , okāsepi pariggaṇhanti – idaṃ amhākaṃ upajjhāyānaṃ bhavissati , idaṃ amhākaṃ ācariyānaṃ bhavissati , idaṃ amhākaṃ bhavissatīti .Atha kho āyasmā sāriputto buddhappamukhassa saṅghassa piṭṭhito piṭṭhito gantvā maṇḍapesu pariggahitesu , santharesu pariggahitesu , okāsesu pariggahitesu , okāsaṃ alabhamāno aññatarasmiṃ rukkhamūle nisīdi .
Atha kho bhagavā rattiyā paccūsasamayaṃ paccuṭṭhāya ukkāsi .
Āyasmāpi sāriputto ukkāsi .
‘‘ Ko etthā ’’ ti ?
‘‘ Ahaṃ , bhagavā , sāriputto ’’ ti .
‘‘ Kissa tvaṃ , sāriputta , idha nisinno ’’ ti ?
Atha kho āyasmā sāriputto bhagavato etamatthaṃ ārocesi .
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi –
‘‘ saccaṃ kira , bhikkhave , chabbaggiyānaṃ bhikkhūnaṃ antevāsikā bhikkhū –
‘ saṅghikaññeva bhagavatā yathāvuḍḍhaṃ anuññātaṃ , no uddissakatan ’ ti buddhappamukhassa saṅghassa purato purato gantvā
M0.313 maṇḍape pariggaṇhanti , santhare pariggaṇhanti , okāse pariggaṇhanti – idaṃ amhākaṃ upajjhāyānaṃ bhavissati , idaṃ amhākaṃ ācariyānaṃ bhavissati , idaṃ amhākaṃ bhavissatī ’’ ti ?‘‘ Saccaṃ bhagavā ’’ ti … pe … vigarahitvā … pe … dhammiṃ kathaṃ katvā bhikkhū āmantesi –
‘‘ na , bhikkhave , uddissakatampi yathāvuḍḍhaṃ paṭibāhetabbaṃ .
Yo
T2.120 paṭibāheyya , āpatti dukkaṭassā ’’ ti .