Dve māsā parivasitabbavidhi

140.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo .

Tassa evaṃ hoti –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ ekissā āpattiyā dvemāsappaṭicchannāya dvemāsaparivāsaṃ yāceyyan ’ tiT1.228 .

So saṅghaṃ ekissā āpattiyā dvemāsappaṭicchannāya dvemāsaparivāsaṃ yācati .

Tassa saṅgho ekissā āpattiyā dvemāsappaṭicchannāya dvemāsaparivāsaṃ deti .

Tassa parivasantassa lajjīdhammo okkamiM0.141 –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Tassa me etadahosi – ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ ekissā āpattiyā dvemāsappaṭicchannāya dvemāsaparivāsaṃ yāceyyan ’ ti .

Sohaṃ saṅghaṃ ekissā āpattiyā dvemāsappaṭicchannāya dvemāsaparivāsaṃ yāciṃ .

Tassa me saṅgho ekissā āpattiyā dvemāsappaṭicchannāya dvemāsaparivāsaṃ adāsi .

Tassa me parivasantassa lajjīdhammo okkami .

Yaṃnūnāhaṃ saṅghaṃ itarissāpi āpattiyā dvemāsappaṭicchannāya dvemāsaparivāsaṃ yāceyyanti .

So saṅghaṃ itarissāpi āpattiyā dvemāsappaṭicchannāya dvemāsaparivāsaṃ yācati .

Tassa saṅgho itarissāpi āpattiyā dvemāsappaṭicchannāya dvemāsaparivāsaṃ deti .

Tena , bhikkhave , bhikkhunā tadupādāya dve māsā parivasitabbā .

141.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyoV0.133 ;

ekaṃ āpattiṃ jānāti , ekaṃ āpattiṃ na jānāti .

So saṅghaṃ yaṃ āpattiṃ jānāti tassā āpattiyā dvemāsappaṭicchannāya dvemāsaparivāsaṃ yācati .

Tassa saṅgho tassā āpattiyā dvemāsappaṭicchannāya dvemāsaparivāsaṃ deti .

So parivasantoT1.229 itarampi āpattiṃ jānāti .

Tassa evaṃ hoti –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo ;

ekaṃ āpattiṃ jāniṃ , ekaṃ āpattiṃ na jāniṃ .

Sohaṃ saṅghaṃ yaṃ āpattiṃ jāniṃ tassā āpattiyā dvemāsappaṭicchannāya dvemāsaparivāsaṃ yāciṃ .

Tassa me saṅgho tassā āpattiyā dvemāsappaṭicchannāya dvemāsaparivāsaṃ adāsi .

Sohaṃ parivasanto itarampi āpattiṃ jānāmi .

Yaṃnūnāhaṃ saṅghaṃ itarissāpiP2.55 āpattiyā dvemāsappaṭicchannāya dvemāsaparivāsaṃ yāceyyan ’ ti .

So saṅghaṃ itarissāpi āpattiyā dvemāsappaṭicchannāya dvemāsaparivāsaṃ yācati .

Tassa saṅgho itarissāpi āpattiyā dvemāsappaṭicchannāya dvemāsaparivāsaṃ deti .

Tena , bhikkhave , bhikkhunā tadupādāya dve māsā parivasitabbā .

142.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

ekaṃ āpattiṃ sarati , ekaṃ āpattiṃ nassarati .

So saṅghaṃ yaṃ āpattiṃ sarati tassā āpattiyā dvemāsappaṭicchannāyaM0.142 dvemāsaparivāsaṃ yācati .

Tassa saṅgho tassā āpattiyā dvemāsappaṭicchannāya dvemāsaparivāsaṃ deti .

So parivasanto itarampi āpattiṃ sarati .

Tassa evaṃ hoti –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo ;

ekaṃ āpattiṃ sariṃ , ekaṃ āpattiṃ nassariṃ .

Sohaṃ saṅghaṃ yaṃ āpattiṃ sariṃ , tassā āpattiyā dvemāsappaṭicchannāya dvemāsaparivāsaṃT1.230 yāciṃ .

Tassa me saṅgho tassā āpattiyā dvemāsappaṭicchannāya dvemāsaparivāsaṃ adāsi .

Sohaṃ parivasanto itarampi āpattiṃ sarāmi .

Yaṃnūnāhaṃ saṅghaṃ itarissāpi āpattiyā dvemāsappaṭicchannāya dvemāsaparivāsaṃ yāceyyan ’ ti .

So saṅghaṃ itarissāpi āpattiyā dvemāsappaṭicchannāya dvemāsaparivāsaṃ yācati .

Tassa saṅgho itarissāpi āpattiyā dvemāsappaṭicchannāya dvemāsaparivāsaṃ deti .

Tena , bhikkhave , bhikkhunā tadupādāya dve māsā parivasitabbā .

143.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

ekāya āpattiyā nibbematiko , ekāya āpattiyā vematiko .

So saṅghaṃ yāya āpattiyā nibbematiko tassā āpattiyā dvemāsappaṭicchannāya dvemāsaparivāsaṃ yācati .

Tassa saṅgho tassā āpattiyā dvemāsappaṭicchannāya dvemāsaparivāsaṃ deti .

So parivasanto itarissāpi āpattiyā nibbematiko hoti .

Tassa evaṃ hoti –

‘ ahaṃ kho dve saṅghādisesāV0.134 āpattiyo āpajjiṃ dvemāsappaṭicchannāyo ;

ekāya āpattiyā nibbematiko , ekāya āpattiyā vematiko .

Sohaṃ saṅghaṃ yāya āpattiyā nibbematiko tassā āpattiyā dvemāsappaṭicchannāya dvemāsaparivāsaṃ yāciṃ .

Tassa me saṅgho tassā āpattiyā dvemāsappaṭicchannāya dvemāsaparivāsaṃ adāsi .

Sohaṃ parivasanto itarissāpi āpattiyā nibbematiko .

YaṃnūnāhaṃT1.231 saṅghaṃ itarissāpi āpattiyā dvemāsappaṭicchannāya dvemāsaparivāsaṃ yāceyyan ’ ti .

So saṅghaṃ itarissāpi āpattiyā dvemāsappaṭicchannāya dvemāsaparivāsaṃ yācati .

Tassa saṅgho itarissāpi āpattiyā dvemāsappaṭicchannāya dvemāsaparivāsaṃ deti .

Tena , bhikkhave , bhikkhunā tadupādāya dve māsā parivasitabbā .

144.‘‘ IdhaM0.143 pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

ekā āpatti jānappaṭicchannā , ekā āpatti ajānappaṭicchannā .

So saṅghaṃ tāsaṃ āpattīnaṃ dvemāsappaṭicchannānaṃ dvemāsaparivāsaṃ yācati .

Tassa saṅgho tāsaṃ āpattīnaṃ dvemāsappaṭicchannānaṃ dvemāsaparivāsaṃ deti .

Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo .

So evaṃ vadeti –

‘ kiṃ ayaṃ , āvuso , bhikkhu āpanno ?

Kissāyaṃ bhikkhu parivasatī ’ ti ?

Te evaṃ vadenti –

‘ ayaṃ , āvuso , bhikkhu dve saṅghādisesā āpattiyo āpajji dvemāsappaṭicchannāyo ;

ekā āpatti jānappaṭicchannā , ekā āpatti ajānappaṭicchannā .

So saṅghaṃ tāsaṃ āpattīnaṃ dvemāsappaṭicchannānaṃ dvemāsaparivāsaṃ yācati .

Tassa saṅgho tāsaṃ āpattīnaṃ dvemāsappaṭicchannānaṃ dvemāsaparivāsaṃ adāsi .

Tāyo ayaṃ , āvuso , bhikkhu āpanno , tāsāyaṃ bhikkhu parivasatī ’ ti .

So evaṃ vadeti –

‘ yāyaṃ , āvusoT1.232 , āpatti jānappaṭicchannā , dhammikaṃ tassā āpattiyā parivāsadānaṃ ;

dhammattā ruhati .

Yā ca khvāyaṃ , āvuso , āpatti ajānappaṭicchannā , adhammikaṃ tassā āpattiyā parivāsadānaṃ ;

adhammattā na ruhati .

Ekissā , āvuso , āpattiyā bhikkhu mānattāraho ’’’ ti .

145.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

ekā āpatti saramānappaṭicchannā , ekā āpatti assaramānappaṭicchannā .

So saṅghaṃ tāsaṃ āpattīnaṃ dvemāsappaṭicchannānaṃ dvemāsaparivāsaṃ yācati .

Tassa saṅgho tāsaṃ āpattīnaṃ dvemāsappaṭicchannānaṃ dvemāsaparivāsaṃ deti .

Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjīV0.135 kukkuccako sikkhākāmo .

So evaṃ vadeti –

‘ ki ayaṃ , āvuso , bhikkhu āpanno ?

Kissāyaṃ bhikkhu parivasatī ’ ti ?

Te evaṃ vadenti –

‘ ayaṃ , āvuso , bhikkhu dve saṅghādisesā āpattiyo āpajji dvemāsappaṭicchannāyo ;

ekā āpatti saramānappaṭicchannā , ekā āpatti assaramānappaṭicchannā .

So saṅghaṃ tāsaṃ āpattīnaṃ dvemāsappaṭicchannānaṃ dvemāsaparivāsaṃ yāci .

Tassa saṅgho tāsaṃ āpattīnaṃ dvemāsappaṭicchannānaṃ dvemāsaparivāsaṃ adāsi .

TāyoM0.144 ayaṃ , āvuso , bhikkhu āpanno ;

tāsāyaṃ bhikkhu parivasatī ’ ti .

So evaṃ vadeti –

‘ yāyaṃ , āvusoT1.233 , āpatti saramānappaṭicchannā dhammikaṃ tassā āpattiyā parivāsadānaṃ ;

dhammattā ruhati .

Yā ca khvāyaṃ , āvuso , āpatti assaramānappaṭicchannā , adhammikaṃ tassā āpattiyā parivāsadānaṃ ;

adhammattā na ruhati .

Ekissā , āvuso , āpattiyā bhikkhu mānattāraho ’’’ ti .

146.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

ekā āpatti nibbematikappaṭicchannā , ekā āpatti vematikappaṭicchannā .

So saṅghaṃ tāsaṃ āpattīnaṃ dvemāsappaṭicchannānaṃ dvemāsaparivāsaṃ yācati .

Tassa saṅgho tāsaṃ āpattīnaṃ dvemāsappaṭicchannānaṃ dvemāsaparivāsaṃ deti .

Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo .

So evaṃ vadeti –

‘ kiṃ ayaṃ , āvuso , bhikkhu āpanno ?

Kissāyaṃ bhikkhu parivasatī ’ ti ?

Te evaṃ vadenti –

‘ ayaṃ , āvuso , bhikkhu dve saṅghādisesā āpattiyo āpajji dvemāsappaṭicchannāyo ;

ekā āpatti nibbematikappaṭicchannā , ekā āpatti vematikappaṭicchannā .

So saṅghaṃ tāsaṃ āpattīnaṃ dvemāsappaṭicchannānaṃ dvemāsaparivāsaṃ yāci .

Tassa saṅgho tāsaṃ āpattīnaṃ dvemāsappaṭicchannānaṃ dvemāsaparivāsaṃ adāsi .

Tāyo ayaṃ , āvuso , bhikkhu āpanno ;

tāsāyaṃ bhikkhu parivasatī ’ ti .

So evaṃ vadeti –

‘ yāyaṃT1.234 , āvuso , āpatti nibbematikappaṭicchannā , dhammikaṃ tassā āpattiyā parivāsadānaṃ ;

dhammattā ruhati .

Yā ca khvāyaṃ , āvuso , āpatti vematikappaṭicchannā adhammikaṃ tassā āpattiyā parivāsadānaṃ ;

adhammattā na ruhati .

Ekissā , āvuso , āpattiyā bhikkhu mānattāraho ’’ ti .

147. TenaP2.56 kho pana samayena aññattaro bhikkhu dve saṅghādisesā āpattiyo āpanno hoti dvemāsappaṭicchannāyo .

Tassa etadahosi –

‘‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃV0.136 yāceyyan ’’ ti .

So saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃM0.145 yāci .

Tassa saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa parivasantassa lajjīdhammo okkami –

‘‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Tassa me etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa me parivasantassa lajjīdhammo okkami .

Yaṃnūnāhaṃ saṅghaṃT1.235 dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ [ itarampi māsaparivāsaṃ ( syā . ka . evamuparipi )] yāceyyan ’’ ti .

So bhikkhūnaṃ ārocesi –

‘‘ ahaṃ kho , āvuso , dve saṅghādisesā āpattiyo āpajjiṃ dvemāsappaṭicchannāyo .

Tassa me etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa me parivasantassa lajjīdhammo okkami – ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Tassa me etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa me parivasantassa lajjīdhammo okkami .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yāceyyan ’ ti .

Kathaṃ nu kho mayā paṭipajjitabban ’’ ti ?

Bhagavato etamatthaṃ ārocesuṃ .

‘‘ Tena hi , bhikkhave , saṅgho tassa bhikkhuno dvinnaṃT1.236 āpattīnaṃ dvemāsappaṭicchannānaṃ itarampi māsaṃ parivāsaṃ detu .

Evañca pana , bhikkhave , dātabbo –

‘‘ Tena , bhikkhave , bhikkhunā saṅghaṃ upasaṅkamitvā … pe … evamassa vacanīyo – ahaṃ , bhante , dve saṅghādisesā āpattiyo āpajjiṃ dvemāsappaṭicchannāyoM0.146 .

Tassa me etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃV0.137 ekamāsaparivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa me parivasantassa lajjīdhammo okkami – ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Tassa me etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa me parivasantassa lajjīdhammo okkami .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yāceyyanti .

Sohaṃ , bhante , saṅghaṃT1.237 dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yācāmīti .

DutiyampiP2.57 yācitabbo .

Tatiyampi yācitabbo .

Byattena bhikkhunā paṭibalena saṅgho ñāpetabbo –

148.‘‘ Suṇātu me , bhante , saṅgho .

Ayaṃ itthannāmo bhikkhu dve saṅghādisesā āpattiyo āpajji dvemāsappaṭicchannāyo .

Tassa etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

So saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāci .

Tassa saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa parivasantassa lajjīdhammo okkami – ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Tassa me etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa me parivasantassa lajjīdhammo okkami .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yāceyyanti .

So saṅghaṃ dvinnaṃ āpattīnaṃM0.147 dvemāsappaṭicchannānaṃ itarampi māsaṃ parivāsaṃ yācati .

YadiT1.238 saṅghassa pattakallaṃ , saṅgho itthannāmassa bhikkhuno dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ dadeyya .

Esā ñatti .

‘‘ Suṇātu me , bhante , saṅgho .

Ayaṃ itthannāmo bhikkhu dve saṅghādisesā āpattiyo āpajji dvemāsappaṭicchannāyo .

Tassa etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃV0.138 yāceyyan ’ ti .

So saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāci .

Tassa saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa parivasantassa lajjīdhammo okkami – ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Tassa me etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ adāsi .

Tassa me parivasantassa lajjīdhammo okkami .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yāceyyan ’ ti .

So saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yācati .

Saṅgho itthannāmassa bhikkhuno dvinnaṃT1.239 āpattīnaṃ dvemāsappaṭicchannānaṃ itarampi māsaṃ parivāsaṃ deti .

Yassāyasmato khamati itthannāmassa bhikkhuno dvinnaṃ āpattīnaṃ dvemāsappaṭicchannānaṃ itarampi māsaṃ parivāsassa [ itarampi māsaparivāsassa ( ka .), itarassapi māsaparivāsassa ( syā .)] dānaṃ , so tuṇhassa ;

yassa nakkhamati , so bhāseyya .

‘‘ Dutiyampi etamatthaṃ vadāmi … pe … tatiyampi etamatthaṃ vadāmi … pe ….

‘‘ Dinno saṅghena itthannāmassa bhikkhuno dvinnaṃ āpattīnaṃ dvemāsappaṭicchannānaṃ itarampi māsaṃ parivāso [ itarampi māsaparivāso ( ka .), itaropi māsaparivāso ( syā .)].

Khamati saṅghassa , tasmā tuṇhī , evametaṃ dhārayāmī ’’ ti .

‘‘ Tena , bhikkhave , bhikkhunā purimaṃ upādāya dve māsā parivasitabbā .

149.‘‘ IdhaM0.148 pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo .

Tassa evaṃ hoti –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

So saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ ekamāsaparivāsaṃ deti .

Tassa parivasantassa lajjīdhammo okkami – ahaṃ kho dve saṅghādisesā āpattiyo āpajjiṃ dvemāsappaṭicchannāyo .

Tassa me etadahosi –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo .

YaṃnūnāhaṃT1.240 saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāceyyan ’ ti .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ ekamāsaparivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃV0.139 ekamāsaparivāsaṃ adāsi .

Tassa me parivasantassa lajjīdhammo okkami .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yāceyyan ’ ti .

So saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ deti .

Tena , bhikkhave , bhikkhunā purimaṃ upādāya dve māsā parivasitabbā .

150.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

ekaṃ māsaṃ jānāti , ekaṃ māsaṃ na jānāti .

So saṅghaṃ dvinnaṃ āpattīnaṃ dvemāsappaṭicchannānaṃ yaṃ māsaṃ jānāti taṃ māsaṃ parivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ yaṃ māsaṃ jānāti taṃ māsaṃ parivāsaṃ deti .

So parivasanto itarampi māsaṃ jānāti .

Tassa evaṃ hoti –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo ;

ekaṃ māsaṃ jāniṃ , ekaṃ māsaṃ na jāniṃ .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ yaṃ māsaṃ jāniṃ taṃ māsaṃ parivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ yaṃT1.241 māsaṃ jāniṃ taṃ māsaṃ parivāsaṃ adāsi .

Sohaṃ parivasanto itarampi māsaṃ jānāmi .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yāceyyan ’ ti .

So saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yācatiM0.149 .

Tassa saṅgho dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ deti .

Tena , bhikkhave , bhikkhunā purimaṃ upādāya dve māsā parivasitabbā .

151.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

ekaṃ māsaṃ sarati , ekaṃ māsaṃ nassarati .

So saṅghaṃ dvinnaṃ āpattīnaṃ dvemāsappaṭicchannānaṃ yaṃ māsaṃ sarati taṃ māsaṃ parivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ yaṃ māsaṃ sarati taṃ māsaṃ parivāsaṃ deti .

So parivasanto itarampi māsaṃ sarati .

Tassa evaṃ hoti –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo ;

ekaṃ māsaṃ sariṃ , ekaṃ māsaṃ nassariṃ .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ yaṃ māsaṃ sariṃ taṃ māsaṃ parivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchannānaṃ yaṃ māsaṃ sariṃ taṃ māsaṃ parivāsaṃ adāsi .

Sohaṃ parivasanto itarampi māsaṃ sarāmi .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yāceyyan ’ ti .

So saṅghaṃ dvinnaṃT1.242 āpattīnaṃ dvemāsappaṭicchannānaṃ itarampi māsaṃ parivāsaṃ yācati .

TassaV0.140 saṅgho dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ deti .

Tena , bhikkhave , bhikkhunā purimaṃ upādāya dve māsā parivasitabbā .

152.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

ekaṃ māsaṃ nibbematiko , ekaṃ māsaṃ vematiko .

So saṅghaṃ dvinnaṃ āpattīnaṃ dvemāsappaṭicchannānaṃ yaṃ māsaṃ nibbematiko taṃ māsaṃ parivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ yaṃ māsaṃ nibbematiko taṃ māsaṃ parivāsaṃ deti .

So parivasanto itarampi māsaṃ nibbematiko hoti .

Tassa evaṃ hoti –

‘ ahaṃ kho dve saṅghādisesā āpattiyo āpajjiṃ dvemāsappaṭicchannāyo ;

ekaṃ māsaṃ nibbematiko , ekaṃ māsaṃ vematikoP2.58 .

Sohaṃ saṅghaṃ dvinnaṃ āpattīnaṃ dvemāsappaṭicchannānaṃ yaṃ māsaṃ nibbematiko taṃ māsaṃ parivāsaṃ yāciṃ .

Tassa me saṅgho dvinnaṃ āpattīnaṃ dvemāsappaṭicchānnānaṃ yaṃ māsaṃ nibbematiko taṃ māsaṃ parivāsaṃ adāsi .

Sohaṃ parivasanto itarampi māsaṃ nibbematiko .

Yaṃnūnāhaṃ saṅghaṃ dvinnaṃ āpattīnaṃ dvemāsappaṭicchannānaṃM0.150 itarampi māsaṃ parivāsaṃ yāceyyan ’ ti .

So saṅghaṃ dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ itarampi māsaṃ parivāsaṃ deti .

Tena , bhikkhaveT1.243 , bhikkhunā purimaṃ upādāya dve māsā parivasitabbā .

153.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

eko māso jānappaṭicchanno , eko māso ajānappaṭicchanno .

So saṅghaṃ dvinnaṃ āpattīnaṃ dvemāsappaṭicchannānaṃ dvemāsaparivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ dvemāsaparivāsaṃ deti .

Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo .

So evaṃ vadeti –

‘ kiṃ ayaṃ , āvuso , bhikkhu āpanno ?

Kissāyaṃ bhikkhu parivasatī ’ ti ?

Te evaṃ vadenti –

‘ ayaṃ , āvuso , bhikkhu dve saṅghādisesā āpattiyo āpajji dvemāsappaṭicchannāyo .

Eko māso jānappaṭicchanno , eko māso ajānappaṭicchanno .

So saṅghaṃ dvinnaṃ āpattīnaṃ dvemāsappaṭicchannānaṃ dvemāsaparivāsaṃ yāci .

Tassa saṅgho dvinnaṃ āpattīnaṃ dvemāsappaṭicchannānaṃ dvemāsaparivāsaṃ adāsi .

Tāyo ayaṃ , āvuso , bhikkhu āpanno tāsāyaṃ bhikkhu parivasatī ’ ti .

So evaṃ vadeti –

‘ yvāyaṃ , āvuso , māso jānappaṭicchanno dhammikaṃ tassa māsassa parivāsadānaṃ ;

dhammattā ruhati .

Yo caV0.141 khvāyaṃ , āvuso , māso ajānappaṭicchanno adhammikaṃ tassa māsassa parivāsadānaṃ ;

adhammattā na ruhati .

Ekassa , āvusoT1.244 , māsassa bhikkhu mānattāraho ’ ti .

154.‘‘ Idha pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

eko māso saramānappaṭicchanno , eko māso assaramānappaṭicchanno .

So saṅghaṃ dvinnaṃ āpattīnaṃ dvemāsappaṭicchannānaṃ dvemāsaparivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ dvemāsaparivāsaṃ deti .

Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmoM0.151 .

So evaṃ vadeti –

‘ kiṃ ayaṃ , āvuso , bhikkhu āpanno ?

Kissāyaṃ bhikkhu parivasatī ’ ti ?

Te evaṃ vadenti –

‘ ayaṃ , āvuso , bhikkhu dve saṅghādisesā āpattiyo āpajji dvemāsappaṭicchannāyo ;

eko māso saramānappaṭicchanno , eko māso assaramānappaṭicchanno .

So saṅghaṃ dvinnaṃ āpattīnaṃ dvemāsappaṭicchannānaṃ dvemāsaparivāsaṃ yāci .

Tassa saṅgho dvinnaṃ āpattīnaṃ dvemāsappaṭicchannānaṃ dvemāsaparivāsaṃ adāsi .

Tāyo ayaṃ , āvuso , bhikkhu āpanno tāsāyaṃ bhikkhu parivasatī ’ ti .

So evaṃ vadeti –

‘ yvāyaṃ , āvuso , māso saramānappaṭicchanno dhammikaṃ tassa māsassa parivāsadānaṃ ;

dhammattā ruhati .

Yo ca khvāyaṃ , āvuso , māso assaramānappaṭicchanno adhammikaṃ tassa māsassa parivāsadānaṃ ;

adhammattā na ruhati .

Ekassa , āvuso , māsassa bhikkhu mānattāraho ’ ti .

155.‘‘ IdhaT1.245 pana , bhikkhave , bhikkhu dve saṅghādisesā āpattiyo āpajjati dvemāsappaṭicchannāyo ;

eko māso nibbematikappaṭicchanno , eko māso vematikappaṭicchanno .

So saṅghaṃ dvinnaṃ āpattīnaṃ dvemāsappaṭicchannānaṃ dvemāsaparivāsaṃ yācati .

Tassa saṅgho dvinnaṃ āpattīnaṃ dvemāsappaṭicchannānaṃ dvemāsaparivāsaṃ deti .

Tassa parivasantassa añño bhikkhu āgacchati bahussuto āgatāgamo dhammadharo vinayadharo mātikādharo paṇḍito viyatto medhāvī lajjī kukkuccako sikkhākāmo .

So evaṃ vadeti –

‘ kiṃ ayaṃ , āvuso , bhikkhu āpanno ?

Kissāyaṃ bhikkhu parivasatī ’ ti ?

Te evaṃ vadenti –

‘ ayaṃ , āvuso , bhikkhu dve saṅghādisesā āpattiyo āpajji dvemāsappaṭicchannāyo ;

eko māso nibbematikappaṭicchanno , eko māso vematikappaṭicchanno .

So saṅghaṃ dvinnaṃ āpattīnaṃ dvemāsappaṭicchannānaṃ dvemāsaparivāsaṃ yāci .

Tassa saṅgho dvinnaṃ āpattīnaṃ dvemāsappaṭicchannānaṃ dvemāsaparivāsaṃ adāsi .

Tāyo ayaṃ , āvuso , bhikkhu āpanno tāsāyaṃ bhikkhu parivasatī ’ tiV0.142 .

So evaṃ vadeti –

‘ yvāyaṃ , āvuso , māso nibbematikappaṭicchanno dhammikaṃ tassa māsassa parivāsadānaṃ ;

dhammattā ruhati .

Yo ca khvāyaṃ , āvuso , māso vematikappaṭicchanno adhammikaṃ tassa māsassa parivāsadānaṃ ;

adhammattā na ruhati .

Ekassa , āvuso , māsassa bhikkhu mānattāraho ’’ ti .

Issues

Select Version

Cūḷavaggapāḷi

Cūḷavaggapāḷi