Amūḷhavinayo

Author： _System_Pali_VRI_ @ Administrator

No version selected — showing the Pali original by default.

Amūḷhavinayo

237.‘‘ Siyā anuvādādhikaraṇaṃ dve samathe anāgamma – sativinayañca , tassapāpiyasikañca ;

dvīhi samathehi sammeyya – sammukhāvinayena ca , amūḷhavinayenaT1.363 cāti ?

Siyātissa vacanīyaṃ .

Yathā kathaṃ viya ?

Idha pana , bhikkhave , bhikkhu ummattako hoti cittavipariyāsakatoV0.213 .

Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ hoti bhāsitaparikkantaṃ .

Taṃ bhikkhū ummattakena cittavipariyāsakatena ajjhāciṇṇena āpattiyā codenti –

‘ saratāyasmā evarūpiṃ āpattiṃ āpajjitā ’ ti .

So evaṃ vadeti –

‘ ahaṃ kho , āvuso , ummattako ahosiṃ cittavipariyāsakato .

Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ .

Nāhaṃ taṃ sarāmi .

Mūḷhena me etaṃ katan ’ ti .

Evampi naṃ vuccamānā codenteva –

‘ saratāyasmā evarūpiṃ āpattiṃ āpajjitā ’ ti .

‘‘ Tassa kho , bhikkhave , bhikkhuno amūḷhassa amūḷhavinayo dātabbo .

Evañca pana , bhikkhave , dātabbo –

‘‘ Tena , bhikkhave , bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā … pe … evamassa vacanīyo –

‘ ahaṃ , bhante , ummattako ahosiṃ cittavipariyāsakato .

Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ .

Maṃ bhikkhū ummattakena cittavipariyāsakatena ajjhāciṇṇena āpattiyā codenti –

‘ saratāyasmā evarūpiṃ āpattiṃ āpajjitā ’ ti .

Tyāhaṃ evaṃ vadāmi –

‘ ahaṃ kho , āvuso , ummattako ahosiṃ cittavipariyāsakato .

Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ .

Nāhaṃ taṃ sarāmi .

Mūḷhena me etaṃ katan ’ tiT1.364 .

Evampi maṃ vuccamānā codenteva –

‘ saratāyasmāM0.231 evarūpiṃ āpattiṃ āpajjitā ’ ti .

‘ Sohaṃ , bhante , amūḷho saṅghaṃ amūḷhavinayaṃ yācāmī ’ ti .

Dutiyampi yācitabbo .

Tatiyampi yācitabbo .

Byattena bhikkhunā paṭibalena saṅgho ñāpetabbo –

‘‘ Suṇātu me , bhante , saṅgho .

Ayaṃ itthannāmo bhikkhu ummattako ahosi cittavipariyāsakato .

Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ .

Taṃ bhikkhū ummattakena cittavipariyāsakatena ajjhāciṇṇena āpattiyā codenti –

‘ saratāyasmā evarūpiṃ āpattiṃ āpajjitā ’ ti .

So evaṃ vadeti –

‘ ahaṃ kho , āvuso , ummattako ahosiṃ cittavipariyāsakato .

Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ .

Nāhaṃ taṃ sarāmi .

Mūḷhena me etaṃ katan ’ ti .

Evampi naṃ vuccamānā codenteva –

‘ saratāyasmā evarūpiṃ āpattiṃ āpajjitā ’ ti .

So amūḷho saṅghaṃ amūḷhavinayaṃ yācati .

Yadi saṅghassa pattakallaṃ , saṅgho itthannāmassa bhikkhuno amūḷhassa amūḷhavinayaṃ dadeyya .

Esā ñatti .

‘‘ SuṇātuV0.214 me , bhante , saṅgho .

Ayaṃ itthannāmo bhikkhu ummattako ahosi cittavipariyāsakato .

Tena ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ .

Taṃ bhikkhū ummattakena cittavipariyāsakatena ajjhāciṇṇena āpattiyā codenti –

‘ saratāyasmā evarūpiṃ āpattiṃ āpajjitā ’ tiT1.365 .

So evaṃ vadeti –

‘ ahaṃ kho , āvuso , ummattako ahosiṃ cittavipariyāsakato .

Tena me ummattakena cittavipariyāsakatena bahuṃ assāmaṇakaṃ ajjhāciṇṇaṃ bhāsitaparikkantaṃ .

Nāhaṃ taṃ sarāmi .

Mūḷhena me etaṃ katan ’ ti .

Evampi naṃ vuccamānā codenteva –

‘ saratāyasmā evarūpiṃ āpattiṃ āpajjitā ’ ti .

So amūḷho saṅghaṃ amūḷhavinayaṃ yācati .

Saṅgho itthannāmassa bhikkhuno amūḷhassa amūḷhavinayaṃ deti .

Yassāyasmato khamati itthannāmassa bhikkhuno amūḷhassa amūḷhavinayassa dānaṃ , so tuṇhassa ;

yassa nakkhamati , so bhāseyya .

‘‘ Dutiyampi etamatthaṃ vadāmi … pe … tatiyampi etamatthaṃ vadāmi … pe ….

‘‘ Dinno saṅghena itthannāmassa bhikkhuno amūḷhassa amūḷhavinayo .

Khamati saṅghassa , tasmā tuṇhī , evametaṃ dhārayāmī ’’ ti .

‘‘ IdaṃM0.232 vuccati , bhikkhave , adhikaraṇaṃ vūpasantaṃ .

Kena vūpasantaṃ ?

Sammukhāvinayena ca , amūḷhavinayena ca .

Kiñca tattha sammukhāvinayasmiṃ ?

Saṅghasammukhatā , dhammasammukhatā , vinayasammukhatā , puggalasammukhatā … pe … kiñca tattha amūḷhavinayasmiṃP2.101 ?

Yā amūḷhavinayassa kammassa kiriyā karaṇaṃ upagamanaṃ ajjhupagamanaṃ adhivāsanā appaṭikkosanā – idaṃ tattha amūḷhavinayasmiṃ .

Evaṃ vūpasantaṃ ce , bhikkhave , adhikaraṇaṃ kārako ukkoṭeti , ukkoṭanakaṃ pācittiyaṃ ;

chandadāyako khīyati , khīyanakaṃ pācittiyaṃ .

Issues

Cūḷavaggapāḷi

Cūḷavaggapāḷi