Appaṭicchannaabbhānaṃ
100. So
M0.106 ciṇṇamānatto bhikkhūnaṃ ārocesi –‘‘ ahaṃ , āvuso , ekaṃ āpattiṃ āpajjiṃ sañcetanikaṃ sukkavissaṭṭhiṃ appaṭicchannaṃ .
Sohaṃ saṅghaṃ ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ yāciṃ .
Tassa me saṅgho ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ adāsi .
Sohaṃ ciṇṇamānatto .
Kathaṃ nu kho mayā paṭipajjitabban ’’ ti ?
Bhagavato etamatthaṃ ārocesuṃ .
‘‘ Tena hi , bhikkhave , saṅgho udāyiṃ bhikkhuṃ abbhetu .
Evañca pana , bhikkhave , abbhetabbo –
Tena , bhikkhave , udāyinā bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo –
‘‘ ahaṃ bhante ekaṃ āpattiṃ āpajjiṃ sañcetanikaṃ sukkavissaṭṭhiṃ appaṭicchannaṃ , sohaṃ saṅghaṃ ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ yāciṃ .
Tassa me saṅgho ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ adāsi .
Sohaṃ , bhante , ciṇṇamānatto saṅghaṃ abbhānaṃ yācāmi .
‘‘ Ahaṃ , bhante , ekaṃ āpattiṃ āpajjiṃ sañcetanikaṃ sukkavissaṭṭhiṃ appaṭicchannaṃ .
Sohaṃ
T1.164 saṅghaṃ ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ yāciṃ .Tassa me saṅgho ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ adāsi .
Sohaṃ ciṇṇamānatto dutiyampi , bhante , saṅghaṃ abbhānaṃ yācāmi .
‘‘ Ahaṃ , bhante , ekaṃ āpattiṃ āpajjiṃ sañcetanikaṃ sukkavissaṭṭhiṃ appaṭicchannaṃ .
Sohaṃ saṅghaṃ ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ yāciṃ .
Tassa me saṅgho ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ adāsi .
Sohaṃ ciṇṇamānatto tatiyampi , bhante , saṅghaṃ abbhānaṃ yācāmīti .
Byattena bhikkhunā paṭibalena saṅgho
P2.40 ñāpetabbo – 101.‘‘ Suṇātu
V0.101 me , bhante , saṅgho .Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ appaṭicchannaṃ .
So saṅghaṃ ekissā āpattiyā
M0.107 sañcetanikāya sukkavissaṭṭhiyā appaṭicchannāya chārattaṃ mānattaṃ yāci .Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ adāsi .
So ciṇṇamānatto saṅghaṃ abbhānaṃ yācati .
Yadi saṅghassa pattakallaṃ , saṅgho udāyiṃ bhikkhuṃ abbheyya .
Esā ñatti .
‘‘ Suṇātu me , bhante , saṅgho .
Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ appaṭicchannaṃ .
So saṅghaṃ ekissā āpattiyā sañcetanikāya
T1.165 sukkavissaṭṭhiyā appaṭicchannāya chārattaṃ mānattaṃ yāci .Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ adāsi .
So ciṇṇamānatto saṅghaṃ abbhānaṃ yācati .
Saṅgho udāyiṃ bhikkhuṃ abbheti .
Yassāyasmato khamati udāyissa bhikkhuno abbhānaṃ , so tuṇhassa ;
yassa nakkhamati , so bhāseyya .
‘‘ Dutiyampi etamatthaṃ vadāmi – suṇātu me , bhante , saṅgho .
Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ appaṭicchannaṃ .
So saṅghaṃ ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ yāci .
Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ adāsi .
So ciṇṇamānatto saṅghaṃ abbhānaṃ yācati .
Saṅgho udāyiṃ bhikkhuṃ abbheti .
Yassāyasmato khamati udāyissa bhikkhuno abbhānaṃ , so tuṇhassa ;
yassa nakkhamati , so bhāseyya .
‘‘ Tatiyampi etamatthaṃ vadāmi – suṇātu me , bhante , saṅgho .
Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ appaṭicchannaṃ .
So saṅghaṃ ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ yāci .
Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ adāsi .
So ciṇṇamānatto
T1.166 saṅghaṃ abbhānaṃ yācati .Saṅgho udāyiṃ bhikkhuṃ abbheti .
Yassāyasmato khamati udāyissa bhikkhuno abbhānaṃ , so tuṇhassa ;
yassa nakkhamati , so bhāseyya .
‘‘ Abbhito
M0.108V0.102 saṅghena udāyī bhikkhu .Khamati saṅghassa , tasmā tuṇhī , evametaṃ dhārayāmī ’’ ti .