Ākaṅkhamānachakkaṃ
69.[ pari .323]‘‘ Tīhi
V0.68 , bhikkhave , aṅgehi samannāgatassa bhikkhuno , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .Bhaṇḍanakārako hoti kalahakārako vivādakārako bhassakārako saṅghe adhikaraṇakārako ;
bālo hoti abyatto āpattibahulo anapadāno
T1.116 ;gihisaṃsaṭṭho viharati ananulomikehi gihisaṃsaggehi – imehi kho , bhikkhave , tīhaṅgehi samannāgatassa bhikkhuno , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .
‘‘ Aparehipi
M0.74 , bhikkhave , tīhaṅgehi samannāgatassa bhikkhuno , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .Adhisīle sīlavipanno hoti , ajjhācāre ācāravipanno hoti , atidiṭṭhiyā diṭṭhivipanno hoti – imehi kho , bhikkhave , tīhaṅgehi samannāgatassa bhikkhuno , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .
‘‘ Aparehipi , bhikkhave , tīhaṅgehi samannāgatassa bhikkhuno , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .
Buddhassa avaṇṇaṃ bhāsati , dhammassa avaṇṇaṃ bhāsati , saṅghassa avaṇṇaṃ bhāsati – imehi kho , bhikkhave , tīhaṅgehi samannāgatassa bhikkhuno , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .
‘‘ Tiṇṇaṃ , bhikkhave , bhikkhūnaṃ , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .
Eko bhaṇḍanakārako hoti kalahakārako vivādakārako bhassakārako saṅghe adhikaraṇakārako ;
eko bālo hoti abyatto āpattibahulo anapadāno ;
eko gihisaṃsaṭṭho viharati ananulomikehi gihisaṃsaggehi – imesaṃ
T1.117 kho , bhikkhave , tiṇṇaṃ bhikkhūnaṃ , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .‘‘ Aparesampi , bhikkhave , tiṇṇaṃ bhikkhūnaṃ , ākaṅkamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .
Eko adhisīle sīlavipanno hoti , eko ajjhācāre ācāravipanno hoti , eko atidiṭṭhiyā diṭṭhivipanno hoti – imesaṃ kho , bhikkhave
V0.69 , tiṇṇaṃ bhikkhūnaṃ , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .‘‘ Aparesampi , bhikkhave , tiṇṇaṃ bhikkhūnaṃ , ākaṅkhamāno saṅgho , pāpikāya diṭṭhiyā appaṭinissagge , ukkhepanīyakammaṃ kareyya .
Eko buddhassa avaṇṇaṃ bhāsati , eko dhammassa avaṇṇaṃ bhāsati , eko saṅghassa avaṇṇaṃ bhāsati
M0.75 – imesaṃ kho , bhikkhave , tiṇṇaṃ bhikkhūnaṃ , ākaṅkhamāno saṅgho , pāpikāya diṭṭhiyā appaṭinissage , ukkhepanīyakammaṃ kareyya .Pāpikāya diṭṭhiyā appaṭinissage ukkhepanīyakamme
Ākaṅkhamānachakkaṃ niṭṭhitaṃ .