5. Dhammikādhammikapātimokkhaṭṭhapanaṃ
387.‘‘ Ekaṃ
V0.399 , bhikkhave , adhammikaṃ pātimokkhaṭṭhapanaṃ , ekaṃ dhammikaṃ ;pātimokkhaṭṭhapanaṃ [ ekaṃ dhammikaṃ ( sī . syā .)], dve adhammikāni ;
pātimokkhaṭṭhapanāni , dve dhammikāni ;
tīṇi adhammikāni pātimokkhaṭṭhapanāni , tīṇi dhammikāni , cattāri adhammikāni pātimokkhaṭṭhapanāni , cattāri dhammikāni ;
pañca adhammikāni pātimokkhaṭṭhapanāni , pañca dhammikāni ;
cha adhammikāni pātimokkhaṭṭhapanāni , cha dhammikāni ;
satta adhammikāni pātimokkhaṭṭhapanāni , satta dhammikāni ;
aṭṭha adhammikāni pātimokkhaṭṭhapanāni , aṭṭha dhammikāni ;
nava adhammikāni pātimokkhaṭṭhapanāni
T2.295 , nava dhammikāni ;dasa adhammikāni pātimokkhaṭṭhapanāni , dasa dhammikāni .
‘‘ Katamaṃ
M0.426 ekaṃ adhammikaṃ pātimokkhaṭṭhapanaṃ ?Amūlikāya sīlavipattiyā pātimokkhaṃ ṭhapeti – idaṃ ekaṃ adhammikaṃ pātimokkhaṭṭhapanaṃ .
Katamaṃ ekaṃ dhammikaṃ pātimokkhaṭṭhapanaṃ ?
Samūlikāya sīlavipattiyā pātimokkhaṃ ṭhapeti – idaṃ ekaṃ dhammikaṃ pātimokkhaṭṭhapanaṃ .
‘‘ Katamāni dve adhammikāni pātimokkhaṭṭhapanāni ?
Amūlikāya sīlavipattiyā
P2.242 pātimokkhaṃ ṭhapeti , amūlikāya ācāravipattiyā pātimokkhaṃ ṭhapeti – imāni dve adhammikāni pātimokkhaṭṭhapanāni .Katamāni dve dhammikāni pātimokkhaṭṭhapanāni ?
Samūlikāya sīlavipattiyā pātimokkhaṃ ṭhapeti , samūlikāya ācāravipattiyā pātimokkhaṃ ṭhapeti – imāni dve dhammikāni pātimokkhaṭṭhapanāni .
‘‘ Katamāni tīṇi adhammikāni pātimokkhaṭṭhapanāni ?
Amūlikāya sīlavipattiyā pātimokkhaṃ ṭhapeti , amūlikāya ācāravipattiyā pātimokkhaṃ ṭhapeti , amūlikāya diṭṭhivipattiyā pātimokkhaṃ ṭhapeti – imāni tīṇi adhammikāni pātimokkhaṭṭhapanāni .
Katamāni tīṇi dhammikāni pātimokkhaṭṭhapanāni ?
Samūlikāya
T2.296 sīlavipattiyā pātimokkhaṃ ṭhapeti , samūlikāya ācāravipattiyā pātimokkhaṃ ṭhapeti , samūlikāya diṭṭhivipattiyā pātimokkhaṃ ṭhapeti – imāni tīṇi dhammikāni pātimokkhaṭṭhapanāni .‘‘ Katamāni cattāri adhammikāni pātimokkhaṭṭhapanāni ?
Amūlikāya sīlavipattiyā pātimokkhaṃ ṭhapeti , amūlikāya ācāravipattiyā pātimokkhaṃ ṭhapeti , amūlikāya diṭṭhivipattiyā
V0.400 pātimokkhaṃ ṭhapeti , amūlikāya ājīvavipattiyā pātimokkhaṃ ṭhapeti – imāni cattāri adhammikāni pātimokkhaṭṭhapanāni .Katamāni cattāri dhammikāni pātimokkhaṭṭhapanāni ?
Samūlikāya sīlavipattiyā pātimokkhaṃ ṭhapeti , samūlikāya ācāravipattiyā pātimokkhaṃ ṭhapeti , samūlikāya diṭṭhivipattiyā pātimokkhaṃ ṭhapeti , samūlikāya ājīvavipattiyā pātimokkhaṃ ṭhapeti – imāni cattāri dhammikāni pātimokkhaṭṭhapanāni .
‘‘ Katamāni pañca adhammikāni pātimokkhaṭṭhapanāni ?
Amūlakena pārājikena pātimokkhaṃ ṭhapeti , amūlakena saṅghādisesena … pe … amūlakena pācittiyena … amūlakena pāṭidesanīyena … amūlakena dukkaṭena pātimokkhaṃ
M0.427 ṭhapeti – imāni pañca adhammikāni pātimokkhaṭṭhapanāni .Katamāni pañca dhammikāni pātimokkhaṭṭhapanāni ?
Samūlakena pārājikena pātimokkhaṃ ṭhapeti , samūlakena saṅghādisesena … pe …
T2.297 pācittiyena … pāṭidesanīyena … dukkaṭena pātimokkhaṃ ṭhapeti – imāni pañca dhammikāni pātimokkhaṭṭhapanāni .‘‘ Katamāni cha adhammikāni pātimokkhaṭṭhapanāni ?
Amūlikāya sīlavipattiyā pātimokkhaṃ ṭhapeti akatāya , amūlikāya sīlavipattiyā pātimokkhaṃ ṭhapeti katāya ;
amūlikāya ācāravipattiyā pātimokkhaṃ ṭhapeti akatāya , amūlikāya ācāravipattiyā pātimokkhaṃ ṭhapeti katāya ;
amūlikāya diṭṭhivipattiyā pātimokkhaṃ ṭhapeti akatāya , amūlikāya diṭṭhivipattiyā pātimokkhaṃ ṭhapeti katāya – imāni cha adhammikāni pātimokkhaṭṭhapanāni .
Katamāni cha dhammikāni pātimokkhaṭṭhapanāni ?
Samūlikāya sīlavipattiyā pātimokkhaṃ ṭhapeti akatāya , samūlikāya sīlavipattiyā pātimokkhaṃ ṭhapeti katāya ;
samūlikāya ācāravipattiyā … pe … diṭṭhivipattiyā pātimokkhaṃ ṭhapeti akatāya … pe … katāya – imāni cha dhammikāni pātimokkhaṭṭhapanāni .
‘‘ Katamāni satta adhammikāni pātimokkhaṭṭhapanāni ?
Amūlakena pārājikena pātimokkhaṃ ṭhapeti , amūlakena saṅghādisesena … pe …
T2.298 thullaccayena pācittiyena pāṭidesanīyena dukkaṭena dubbhāsitena pātimokkhaṃ ṭhapeti – imāni satta adhammikāni pātimokkhaṭṭhapanāni .Katamāni satta dhammikāni pātimokkhaṭṭhapanāni ?
Samūlakena pārājikena pātimokkhaṃ ṭhapeti , samūlakena
V0.401 saṅghādisesena … pe … thullaccayena pācittiyena pāṭidesanīyena dukkaṭena dubbhāsitena pātimokkhaṃ ṭhapeti – imāni satta dhammikāni pātimokkhaṭṭhapanāni .‘‘ Katamāni aṭṭha adhammikāni pātimokkhaṭṭhapanāni ?
Amūlikāya sīlavipattiyā pātimokkhaṃ ṭhapeti akatāya , amūlikāya sīlavipattiyā pātimokkhaṃ ṭhapeti katāya ;
amūlikāya ācāravipattiyā
P2.243 … pe … diṭṭhivipattiyā … pe … ājīvavipattiyā pātimokkhaṃ ṭhapeti akatāya … pe … katāya – imāni aṭṭha adhammikāni pātimokkhaṭṭhapanāni .Katamāni
T2.299 aṭṭha dhammikāni pātimokkhaṭṭhapanāni ?Samūlikāya sīlavipattiyā pātimokkhaṃ ṭhapeti akatāya , samūlikāya sīlavipattiyā pātimokkhaṃ ṭhapeti
M0.428 katāya ;samūlikāya ācāravipattiyā … pe … diṭṭhivipattiyā … pe … ājīvavipattiyā pātimokkhaṃ ṭhapeti akatāya … pe … katāya .
Imāni aṭṭha dhammikāni pātimokkhaṭṭhapanāni .
‘‘ Katamāni nava adhammikāni pātimokkhaṭṭhapanāni ?
Amūlikāya sīlavipattiyā pātimokkhaṃ ṭhapeti akatāya , amūlikāya sīlavipattiyā pātimokkhaṃ ṭhapeti katāya , amūlikāya sīlavipattiyā pātimokkhaṃ ṭhapeti katākatāya ;
amūlikāya ācāravipattiyā … pe … diṭṭhivipattiyā pātimokkhaṃ ṭhapeti akatāya … pe … katāya … pe … katākatāya imāni nava adhammikāni pātimokkhaṭṭhapanāni .
Katamāni nava dhammikāni pātimokkhaṭṭhapanāni ?
Samūlikāya sīlavipattiyā pātimokkhaṃ ṭhapeti akatāya , samūlikāya sīlavipattiyā pātimokkhaṃ
T2.300 ṭhapeti katāya , samūlikāya sīlavipattiyā pātimokkhaṃ ṭhapeti katākatāya ;samūlikāya ācāravipattiyā … pe … diṭṭhivipattiyā pātimokkhaṃ ṭhapeti akatāya … pe … katāya – katākatāya … pe … imāni nava dhammikāni pātimokkhaṭṭhapanāni .
‘‘ Katamāni dasa adhammikāni pātimokkhaṭṭhapanāni ?
Na pārājiko tassaṃ parisāyaṃ nisinno hoti , na pārājikakathā vippakatā hoti ;
na sikkhaṃ paccakkhātako tassaṃ parisāyaṃ nisinno hoti , na sikkhaṃ paccakkhātakathā vippakatā hoti ;
dhammikaṃ sāmaggiṃ upeti , na dhammikaṃ sāmaggiṃ paccādiyati , na dhammikāya sāmaggiyā paccādānakathā vippakatā hoti ;
na sīlavipattiyā diṭṭhasutaparisaṅkito hoti , na ācāravipattiyā diṭṭhasutaparisaṅkito hoti , na diṭṭhivipattiyā diṭṭhasutaparisaṅkito hoti – imāni dasa adhammikāni
V0.402 pātimokkhaṭṭhapanāni .Katamāni dasa dhammikāni pātimokkhaṭṭhapanāni ?
Pārājiko tassaṃ parisāyaṃ nisinno hoti , pārājikakathā vippakatā hoti ;
sikkhaṃ paccakkhātako tassaṃ parisāyaṃ nisinno hoti , sikkhaṃ paccakkhātakathā vippakatā hoti ;
dhammikaṃ sāmaggiṃ na upeti , dhammikaṃ sāmaggiṃ
T2.301 paccādiyati , dhammikāya sāmaggiyā paccādānakathā vippakatā hoti ;sīlavipattiyā diṭṭhasutaparisaṅkito hoti , ācāravipattiyā diṭṭhasutaparisaṅkito hoti , diṭṭhivipattiyā diṭṭhasutaparisaṅkito hoti – imāni dasa dhammikāni pātimokkhaṭṭhapanāni .