Ākaṅkhamānachakkaṃ
50.[ pari .323]‘‘ Tīhi
M0.51 , bhikkhave , aṅgehi samannāgatassa bhikkhuno , ākaṅkhamāno saṅgho , āpattiyā adassane , ukkhepanīyakammaṃ kareyya .Bhaṇḍanakārako hoti kalahakārako vivādakārako bhassakārako saṅghe adhikaraṇakārako
T1.81 ;bālo hoti abyatto āpattibahulo anapadāno ;
gihisaṃsaṭṭho viharati ananulomikehi gihisaṃsaggehi – imehi kho , bhikkhave , tīhaṅgehi samannāgatassa bhikkhuno , ākaṅkhamāno saṅgho , āpattiyā adassane , ukkhepanīyakammaṃ kareyya .
‘‘ Aparehipi , bhikkhave , tīhaṅgehi samannāgatassa bhikkhuno , ākaṅkhamāno saṅgho , āpattiyā
V0.48 adassane , ukkhepanīyakammaṃ kareyya .Adhisīle sīlavipanno hoti , ajjhācāre ācāravipanno hoti , atidiṭṭhiyā diṭṭhivipanno hoti – imehi kho , bhikkhave , tīhaṅgehi samannāgatassa bhikkhuno , ākaṅkhamāno saṅgho , āpattiyā adassane , ukkhepanīyakammaṃ kareyya .
‘‘ Aparehipi , bhikkhave , tīhaṅgehi samannāgatassa bhikkhuno , ākaṅkhamāno saṅgho , āpattiyā adassane , ukkhepanīyakammaṃ kareyya .
Buddhassa avaṇṇaṃ bhāsati , dhammassa avaṇṇaṃ bhāsati , saṅghassa avaṇṇaṃ bhāsati – imehi kho , bhikkhave , tīhaṅgehi samannāgatassa bhikkhuno , ākaṅkhamāno saṅgho , āpattiyā adassane , ukkhepanīyakammaṃ kareyya .
‘‘ Tiṇṇaṃ , bhikkhave , bhikkhūnaṃ , ākaṅkhamāno saṅgho , āpattiyā adassane , ukkhepanīyakammaṃ kareyya .
Eko bhaṇḍanakārako hoti kalahakārako vivādakārako bhassakārako saṅghe adhikaraṇakārako ;
eko bālo hoti abyatto āpattibahulo anapadāno ;
eko gihisaṃsaṭṭho viharati ananulomikehi gihisaṃsaggehi
T1.82 – imesaṃ kho , bhikkhave , tiṇṇaṃ bhikkhūnaṃ , ākaṅkhamāno saṅgho , āpattiyā adassane , ukkhepanīyakammaṃ kareyya .‘‘ Aparesampi , bhikkhave , tiṇṇaṃ bhikkhūnaṃ , ākaṅkhamāno saṅgho , āpattiyā adassane , ukkhepanīyakammaṃ kareyya .
Eko adhisīle sīlavipanno hoti
M0.52 , eko ajjhācāre ācāravipanno hoti , eko atidiṭṭhiyā diṭṭhivipanno hoti – imesaṃ kho , bhikkhave , tiṇṇaṃ bhikkhūnaṃ , ākaṅkhamāno saṅgho , āpattiyā adassane , ukkhepanīyakammaṃ kareyya .‘‘ Aparesampi , bhikkhave , tiṇṇaṃ bhikkhūnaṃ , ākaṅkhamāno saṅgho , āpattiyā adassane , ukkhepanīyakammaṃ kareyya .
Eko buddhassa avaṇṇaṃ bhāsati , eko dhammassa avaṇṇaṃ bhāsati , eko saṅghassa avaṇṇaṃ bhāsati – imesaṃ kho , bhikkhave , tiṇṇaṃ bhikkhūnaṃ , ākaṅkhamāno saṅgho , āpattiyā adassane , ukkhepanīyakammaṃ kareyya .
Āpattiyā adassane ukkhepanīyakamme
Ākaṅkhamānachakkaṃ niṭṭhitaṃ .