9. Mūlāyaavisuddhinavakaṃ

Author： _System_Pali_VRI_ @ Administrator

No version selected — showing the Pali original by default.

9. Mūlāyaavisuddhinavakaṃ

182.‘‘ IdhaT1.282 pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi , ekanāmampi nānānāmampi , sabhāgampi visabhāgampi , vavatthitampi sambhinnampi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃV0.163 samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇāyo appaṭicchannāyo .

So saṅghaṃ antarāāpattīnaṃ mūlāyapaṭikassanaṃ yācati .

Taṃ saṅgho antarāāpattīnaṃ mūlāya paṭikassatiM0.175 dhammikena kammena akuppena ṭhānārahena , dhammena samodhānaparivāsaṃ deti ;

adhammena mānattaṃ deti , adhammena abbheti .

So , bhikkhave , bhikkhu avisuddho tāhi āpattīhi .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi , ekanāmampi nānānāmampi , sabhāgampi visabhāgampi , vavatthitampiP2.69 sambhinnampi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇāyo paṭicchannāyo .

So saṅghaṃ antarāāpattīnaṃ mūlāyapaṭikassanaṃ yācati .

Taṃ saṅgho antarāāpattīnaṃ mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti ;

adhammena mānattaṃT1.283 deti , adhammena abbheti .

So , bhikkhave , bhikkhu avisuddho tāhi āpattīhi .

‘‘ Idha pana , bhikkhave , bhikkhu sambahulā saṅghādisesā āpattiyo āpajjati parimāṇampi aparimāṇampi , ekanāmampi nānānāmampi , sabhāgampi visabhāgampi , vavatthitampi sambhinnampi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇāyo paṭicchannāyopi appaṭicchannāyopi .

So saṅghaṃ antarāāpattīnaṃ mūlāyapaṭikassanaṃ yācati .

Taṃ saṅgho antarāāpattīnaṃ mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti , adhammena mānattaṃ deti , adhammena abbheti .

So , bhikkhave , bhikkhu avisuddho tāhi āpattīhi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati aparimāṇāyo appaṭicchannāyo … pe … aparimāṇāyo paṭicchannāyo … pe … aparimāṇāyo paṭicchannāyopi appaṭicchannāyopiM0.176 … pe … parimāṇāyopi aparimāṇāyopi appaṭicchannāyoV0.164 .

So saṅghaṃ antarāāpattīnaṃ mūlāyapaṭikassanaṃ yācatiT1.284 .

Taṃ saṅgho antarāāpattīnaṃ mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti ;

adhammena mānattaṃ deti , adhammena abbheti .

So , bhikkhave , bhikkhu avisuddho tāhi āpattīhi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyo .

So saṅghaṃ antarāāpattīnaṃ mūlāyapaṭikassanaṃ yācati .

Taṃ saṅgho antarāāpattīnaṃ mūlāya paṭikassati dhammikena kammena akuppena ṭhānārahena , dhammena samodhānaparivāsaṃ deti ;

adhammenaP2.70 mānattaṃ deti , adhammena abbheti .

So , bhikkhave , bhikkhu avisuddho tāhi āpattīhi .

So saṅghaṃ tāsaṃ āpattīnaṃ samodhānaparivāsaṃ yācati .

Tassa saṅgho tāsaṃ āpattīnaṃ samodhānaparivāsaṃ deti .

So parivasanto antarā sambahulā saṅghādisesā āpattiyo āpajjati parimāṇāyopi aparimāṇāyopi paṭicchannāyopiT1.285 appaṭicchannāyopi .

So saṅghaṃ antarāāpattīnaṃ mūlāyapaṭikassanaṃ yācati .

Taṃ saṅgho antarāāpattīnaṃ mūlāya paṭikassati dhammikena kammena akuppena ṭhānārahena ;

dhammena samodhānaparivāsaṃ deti ;

adhammena mānattaṃ deti ;

adhammena abbheti .

So , bhikkhave , bhikkhu avisuddho tāhi āpattīhi .

Mūlāyaavisuddhinavakaṃ [ samūlāvisuddhinavakaṃ ( ka .)] niṭṭhitaṃ .

Issues

Select Version

Cūḷavaggapāḷi

Cūḷavaggapāḷi