Issues
Editor
Settings
Versions
Select Version
Bhāsāṭīkā-ဘာသာဋီကာ
မြန်မာဘာသာ
Cūḷavaggapāḷi
Cūḷavaggapāḷi

2. Āvāsikavattakathā

Author： _System_Pali_VRI_ @ Administrator

2. Āvāsikavattakathā

358. TenaT2.219 kho pana samayena āvāsikā bhikkhū āgantuke bhikkhū disvā neva āsanaṃ paññapenti , na pādodakaṃ pādapīṭhaṃ pādakathalikaṃ upanikkhipanti , na paccuggantvā pattacīvaraṃ paṭiggaṇhanti , na pānīyena pucchanti [ na pānīyena pucchanti , na paribhojanīyena pucchanti ( syā . kaṃ .)], na vuḍḍhatarepi āgantuke bhikkhū abhivādenti , na senāsanaṃ paññapenti .
Ye te bhikkhū appicchā … pe … te ujjhāyanti khiyyanti vipācenti –
‘‘ kathañhi nāma āvāsikā bhikkhū āgantuke bhikkhū disvā neva āsanaṃ paññapessanti , na pādodakaṃ pādapīṭhaṃ pādakathalikaṃ upanikkhipissanti , naM0.377 paccuggantvā pattacīvaraṃ paṭiggahissanti , na pānīyena pucchissanti , vuḍḍhatarepi āgantuke bhikkhū na abhivādessanti , na senāsanaṃ paññapessantī ’’ ti !
Atha kho te bhikkhū bhagavato etamatthaṃ ārocesuṃ … pe … saccaṃ kiraṃ , bhikkhave … pe … saccaṃ bhagavāti … pe … vigarahitvā … pe … dhammiṃ kathaṃ katvā bhikkhū āmantesi –
359.‘‘ Tena hi , bhikkhave , āvāsikānaṃ bhikkhūnaṃ vattaṃ paññapessāmi yathā āvāsikehi bhikkhūhi sammā vattitabbaṃ .
Āvāsikena , bhikkhave , bhikkhunā āgantukaṃ bhikkhuṃ vuḍḍhataraṃ disvā āsanaṃ paññapetabbaṃ , pādodakaṃ pādapīṭhaṃ pādakathalikaṃ upanikkhipitabbaṃT2.220 , paccuggantvā pattacīvaraṃ paṭiggahetabbaṃ , pānīyena pucchitabbo [ pānīyena pucchitabbo , paribhojanīyena pucchitabbo ( syā .)].
Sace ussahati , upāhanā puñchitabbā .
Upāhanā puñchantena paṭhamaṃ sukkhena coḷakena puñchitabbā , pacchā allena .
Upāhanāpuñchanacoḷakaṃ dhovitvā [ dhovitvā pīḷetvā ( syā .)] ekamantaṃ vissajjetabbaṃ .
‘‘ ĀgantukoV0.353 bhikkhu vuḍḍhataro abhivādetabbo .
Senāsanaṃ paññapetabbaṃ –
‘ etaṃ te senāsanaṃ pāpuṇātī ’ ti .
Ajjhāvuṭṭhaṃ vā anajjhāvuṭṭhaṃ vā ācikkhitabbaṃ .
Gocaro ācikkhitabbo .
Agocaro ācikkhitabbo .
Sekkhasammatāni kulāni ācikkhitabbāni .
Vaccaṭṭhānaṃ ācikkhitabbaṃ .
Passāvaṭṭhānaṃ ācikkhitabbaṃ .
Pānīyaṃ ācikkhitabbaṃ .
Paribhojanīyaṃ ācikkhitabbaṃ .
Kattaradaṇḍo ācikkhitabbo .
Saṅghassa katikasaṇṭhānaṃ ācikkhitabbaṃ –
‘ imaṃ kālaṃ pavisitabbaṃ , imaṃ kālaṃ nikkhamitabban ’ tiP2.211 .
‘‘ Sace navako hoti , nisinnakeneva ācikkhitabbaṃ –
‘ atra pattaṃ nikkhipāhi , atra cīvaraṃ nikkhipāhi , idaṃ āsanaṃ nisīdāhī ’ ti .
Pānīyaṃ ācikkhitabbaṃ .
Paribhojanīyaṃ ācikkhitabbaṃ .
Upāhanāpuñchanacoḷakaṃ ācikkhitabbaṃ .
Āgantuko bhikkhu navako abhivādāpetabbo .
Senāsanaṃ ācikkhitabbaṃ –
‘ etaṃT2.221 te senāsanaṃ pāpuṇātī ’ ti .
Ajjhāvuṭṭhaṃ vā anajjhāvuṭṭhaṃ vā ācikkhitabbaṃ .
Gocaro ācikkhitabbo .
Agocaro ācikkhitabbo .
Sekkhasammatāni kulāni ācikkhitabbāni .
Vaccaṭṭhānaṃ ācikkhitabbaṃ .
Passāvaṭṭhānaṃ ācikkhitabbaṃ .
Pānīyaṃ ācikkhitabbaṃ .
Paribhojanīyaṃ ācikkhitabbaṃ .
Kattaradaṇḍo ācikkhitabbo .
Saṅghassa katikasaṇṭhānaṃ ācikkhitabbaṃ –
‘ imaṃ kālaṃ pavisitabbaṃ , imaṃ kālaṃ nikkhamitabban ’ ti .
Idaṃ kho , bhikkhaveM0.378 , āvāsikānaṃ bhikkhūnaṃ vattaṃ yathā āvāsikehi bhikkhūhi sammā vattitabban ’’ ti .