Ekāhappaṭicchannamānattaṃ
104. So parivutthaparivāso bhikkhūnaṃ ārocesi –
‘‘ ahaṃ , āvuso , ekaṃ āpattiṃ āpajjiṃ sañcetanikaṃ sukkavissaṭṭhiṃ ekāhappaṭicchannaṃ .
Sohaṃ saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ yāciṃ .
Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ adāsi .
Sohaṃ parivutthaparivāso .
Kathaṃ nu kho mayā paṭipajjitabban ’’ ti ?
Bhagavato etamatthaṃ ārocesuṃ .
‘‘ Tena hi , bhikkhave , saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ detu .
Evañca pana , bhikkhave , dātabbaṃ –
‘‘ Tena , bhikkhave , udāyinā bhikkhunā saṅghaṃ upasaṅkamitvā … pe … evamassa vacanīyo –
‘ ahaṃ , bhante , ekaṃ āpattiṃ āpajjiṃ sañcetanikaṃ sukkavissaṭṭhiṃ
T1.169 ekāhappaṭicchannaṃ .Sohaṃ saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ yāciṃ .
Tassa me saṅgho ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ adāsi .
Sohaṃ , bhante , parivutthaparivāso saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ yācāmī ’ ti .
Dutiyampi yācitabbaṃ [ yācitabbo ( sī . evamuparipi )].
Tatiyampi yācitabbaṃ [ yācitabbo ( sī . evamuparipi )].
Byattena bhikkhunā paṭibalena saṅgho ñāpetabbo –
105.‘‘ Suṇātu
M0.110 me , bhante , saṅgho .Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ
P2.42 ekāhappaṭicchannaṃ .So saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ yāci .
Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā
V0.104 ekāhappaṭicchannāya ekāhaparivāsaṃ adāsi .So parivutthaparivāso saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ yācati .
Yadi saṅghassa pattakallaṃ , saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ dadeyya .
Esā ñatti .
‘‘ Suṇātu me , bhante , saṅgho .
Ayaṃ udāyī bhikkhu ekaṃ āpattiṃ āpajji sañcetanikaṃ sukkavissaṭṭhiṃ ekāhappaṭicchannaṃ .
So saṅghaṃ ekissā āpattiyā sañcetanikāya sukkavissaṭṭhiyā
T1.170 ekāhappaṭicchannāya ekāhaparivāsaṃ yāci .Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya ekāhaparivāsaṃ adāsi .
So parivutthaparivāso saṅghaṃ ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ yācati .
Saṅgho udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ deti .
Yassāyasmato khamati udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattassa dānaṃ , so tuṇhassa ;
yassa nakkhamati , so bhāseyya .
‘‘ Dutiyampi etamatthaṃ vadāmi … pe … tatiyampi etamatthaṃ vadāmi … pe …
T1.171 .‘‘ Dinnaṃ saṅghena udāyissa bhikkhuno ekissā āpattiyā sañcetanikāya sukkavissaṭṭhiyā ekāhappaṭicchannāya chārattaṃ mānattaṃ .
Khamati saṅghassa , tasmā tuṇhī , evametaṃ dhārayāmī ’’ ti .