8. Indriyakathāvaṇṇanā
853-856.
Idāni indriyakathā nāma hoti .
Tattha lokiyā saddhā saddhā
P0.184 eva nāma , na saddhindriyaṃ .Tathā lokiyaṃ vīriyaṃ … pe … sati … samādhi … paññā paññāyeva nāma , na paññindriyanti yesaṃ laddhi , seyyathāpi hetuvādānañceva mahisāsakānañca ;
te sandhāya pucchā sakavādissa , paṭiññā itarassa
M0.271 .Natthi lokiyā saddhātiādi yasmā lokiyāpi saddhādayova dhammā adhipatiyaṭṭhena indriyaṃ , na saddhādīhi aññaṃ saddhindriyādi nāma atthi , tasmā lokiyānampi saddhādīnaññeva saddhindriyādibhāvadassanatthaṃ vuttaṃ .
Atthi lokiyo manotiādi yathā te lokiyāpi manādayo dhammā manindriyādīni , evaṃ lokiyā saddhādayopi saddhindriyānīti upamāya tassatthassa vibhāvanatthaṃ vuttaṃ .
Sesamettha yathāpāḷimeva niyyātīti .
Indriyakathāvaṇṇanā .
Ekūnavīsatimo vaggo .