5. Añño anusayotikathāvaṇṇanā
700-701.
Idāni añño anusayotikathā nāma hoti .
Tattha yasmā puthujjano kusalābyākate citte vattamāne sānusayoti vattabbo , na pariyuṭṭhitoti tasmā añño anusayo , aññaṃ pariyuṭṭhānanti
P0.150 yesaṃ laddhi , seyyathāpi andhakānaṃ ;te sandhāya añño kāmarāgānusayoti pucchā sakavādissa paṭiññā itarassa .
Sesaṃ heṭṭhā anusayakathāyaṃ vuttanayeneva veditabbaṃ .
Sānusayotiādi pana tasmiṃ samaye anusayassa appahīnattā sānusayoti
V0.240 vattabbataṃ , anuppannattā ca pariyuṭṭhitoti avattabbataṃ dīpeti , na anusayapariyuṭṭhānānaṃ aññattaṃ , tasmā asādhakanti .Añño anusayotikathāvaṇṇanā .