7. Rūpaṃ kusalākusalantikathāvaṇṇanā
760-764.
Idāni rūpaṃ kusalākusalantikathā nāma hoti .
Tattha ‘‘ kāyakammaṃ vacīkammaṃ kusalampi akusalampī ’’ tivacanaṃ
P0.162 nissāya kāyavacīkammasaṅkhātaṃ kāyaviññattivacīviññattirūpaṃ kusalampi akusalampīti yesaṃ laddhi , seyyathāpi mahisāsakānañceva sammitiyānañca ;te sandhāya rūpaṃ kusalan ti pucchā sakavādissa paṭiññā itarassa .
Atha naṃ ‘‘ yadi te rūpaṃ kusalaṃ , evaṃvidhena anena bhavitabban ’’ ti codetuṃ sārammaṇan ti ādimāha .
Parato akusalapañhepi eseva nayo .
Sesamettha uttānatthamevāti .
Rūpaṃ kusalākusalantikathāvaṇṇanā .