9. Dhammataṇhāabyākatātikathāvaṇṇanā
676-680.
Idāni dhammataṇhā abyākatātikathā nāma hoti .
Tattha rūpataṇhā … pe … dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā , tasmā sā abyākatāti yesaṃ laddhi , seyyathāpi pubbaseliyānaṃ ;
te sandhāya pucchā sakavādissa , paṭiññā itarassa .
Sesapañhānaṃ
P0.146 pāḷiyā attho niyyāti .Kāmataṇhātiādīhi tīhi koṭṭhāsehi chapi taṇhā saṅkhipitvā dassitā .
Rūpādīsu hi chasu ārammaṇesu kāmassādavasena pavattā taṇhā kāmataṇhā .
‘‘ Bhavissati attā ca loko cā ’’ ti sassatadiṭṭhisahagatā taṇhā bhavataṇhā .
‘‘ Na bhavissatī ’’ ti ucchedadiṭṭhisahagatā taṇhā vibhavataṇhāti .
Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti , na abyākatabhāvaṃ tasmā asādhakanti .
Dhammataṇhā abyākatātikathāvaṇṇanā .