5. Phusitakampiyattheraapadānaṃ
38.
‘‘ Vipassī
T1.416P1.268 nāma [ sabbatthapi evameva dissati ]Sambuddho , lokajeṭṭho narāsabho .
Khīṇāsavehi sahito , saṅghārāme vasī tadā .
39.
‘‘ Ārāmadvārā nikkhamma , vipassī [ sabbatthapi evameva dissati ] lokanāyako ;
Saha satasahassehi , aṭṭha [ sahassasatasissehi , aṭṭha ( ka .), aṭṭha satasahassehi , saha (?)] khīṇāsavehi so .
40.
‘‘ Ajinena nivatthohaṃ , vākacīradharopi ca ;
Kusumodakamādāya [ kusumbhodaka …( sī . syā .)], sambuddhaṃ upasaṅkamiṃ .
41.
‘‘ Sakaṃ cittaṃ pasādetvā , vedajāto katañjalī ;
Kusumodakamādāya , buddhamabbhukkiriṃ ahaṃ .
42.
‘‘ Tena kammena sambuddho , jalajuttamanāmako [ sabbatthapi evameva dissati ];
Mama kammaṃ pakittetvā , agamā yena patthitaṃ .
43.
‘‘ Phusitā
M1.309 pañcasahassā , yehi pūjesahaṃ jinaṃ ;Aḍḍhateyyasahassehi , devarajjaṃ akārayiṃ .
44.
‘‘ Aḍḍhateyyasahassehi , cakkavattī ahosahaṃ ;
Avasesena kammena , arahattamapāpuṇiṃ .
45.
‘‘ Devarājā yadā homi [ ahosiṃ ( syā . ka .)], manujādhipatī yadā [ tadā ( syā . ka .)];
Tameva nāmadheyyaṃ me , phusito nāma homahaṃ .
46.
‘‘ Devabhūtassa santassa , athāpi mānusassa vā ;
Samantā byāmato mayhaṃ , phusitaṃva pavassati .
47.
‘‘ Bhavā
T1.417V1.292 ugghāṭitā mayhaṃ , kilesā jhāpitā mama ;Sabbāsavaparikkhīṇo , phusitassa idaṃ phalaṃ .
48.
‘‘ Candanasseva me kāyā , tathā gandho pavāyati ;
Sarīrato mama gandho , aḍḍhakose pavāyati .
49.
‘‘ Dibbagandhaṃ sampavantaṃ , puññakammasamaṅginaṃ ;
Gandhaṃ ghatvāna jānanti , phusito āgato idha .
50.
‘‘ Sākhāpalāsakaṭṭhāni
P1.269 , tiṇānipi ca sabbaso ;Mama saṅkappamaññāya , gandho sampajjate khaṇe .
51.
‘‘ Satasahassito [ sabbatthapi evameva dissati ] kappe , candanaṃ abhipūjayiṃ ;
Duggatiṃ nābhijānāmi , phusitassa idaṃ phalaṃ .
52.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā phusitakampiyo thero imā gāthāyo abhāsitthāti .
Phusitakampiyattherassāpadānaṃ pañcamaṃ .