2. Bandhujīvakattheraapadānaṃ
6.
‘‘ Siddhattho
P1.192 nāma sambuddho , sayambhū sabbhi vaṇṇito ;Samādhiṃ so samāpanno , nisīdi pabbatantare .
7.
‘‘ Jātassare
T1.283 gavesanto , dakajaṃ pupphamuttamaṃ ;Bandhujīvakapupphāni , addasaṃ samanantaraṃ .
8.
‘‘ Ubho hatthehi paggayha , upāgacchiṃ mahāmuniṃ ;
Pasannacitto sumano , siddhatthassābhiropayiṃ .
9.
‘‘ Catunnavutito
V1.198 kappe , yaṃ pupphamabhiropayiṃ ;Duggatiṃ nābhijānāmi , buddhapūjāyidaṃ phalaṃ .
10.
‘‘ Ito
M1.214 cātuddase kappe , eko āsiṃ janādhipo ;Samuddakappo nāmena , cakkavattī mahabbalo .
11.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā bandhujīvako thero imā gāthāyo abhāsitthāti .
Bandhujīvakattherassāpadānaṃ dutiyaṃ .