10. Mañcadāyakattheraapadānaṃ
184.
‘‘ Parinibbute kāruṇike , siddhatthe lokanāyake ;
Vitthārike pāvacane , devamānusasakkate .
185.
‘‘ Caṇḍālo āsahaṃ tattha , āsandipīṭhakārako ;
Tena kammena jīvāmi , tena posemi dārake .
186.
‘‘ Āsandiṃ sukataṃ katvā , pasanno sehi pāṇibhi ;
Sayamevupagantvāna , bhikkhusaṅghassadāsahaṃ .
187.
‘‘ Tena
T2.22 kammena sukatena , cetanāpaṇidhīhi ca ;Jahitvā mānusaṃ dehaṃ , tāvatiṃsamagacchahaṃ .
188.
‘‘ Devalokagato santo , modāmi tidase gaṇe ;
Sayanāni mahagghāni , nibbattanti yadicchakaṃ .
189.
‘‘ Paññāsakkhattuṃ devindo , devarajjamakārayiṃ ;
Asītikkhattuṃ rājā ca , cakkavattī ahosahaṃ .
190.
‘‘ Padesarajjaṃ
M1.445P2.378 vipulaṃ , gaṇanāto asaṅkhiyaṃ ;Sukhito yasavā homi , mañcadānassidaṃ phalaṃ .
191.
‘‘ Devalokā cavitvāna , emi ce mānusaṃ bhavaṃ ;
Mahārahā susayanā , sayameva bhavanti me .
192.
‘‘ Ayaṃ pacchimako mayhaṃ , carimo vattate bhavo ;
Ajjāpi sayane kāle [ sayanakāle ( syā .)], sayanaṃ upatiṭṭhati .
193.
‘‘ Catunnavutito kappe , yaṃ dānamadadiṃ tadā ;
Duggatiṃ nābhijānāmi , mañcadānassidaṃ phalaṃ .
194.
‘‘ Kilesā
V1.416 jhāpitā mayhaṃ … pe … viharāmi anāsavo . 195.
‘‘ Svāgataṃ vata me āsi … pe … kataṃ buddhassa sāsanaṃ .
196.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ
T2.23 sudaṃ āyasmā mañcadāyako thero imā gāthāyoAbhāsitthāti .
Mañcadāyakattherassāpadānaṃ dasamaṃ .
Bhaddālivaggo bācattālīsamo .
Tassuddānaṃ –
Bhaddālī ekachatto ca , tiṇasūlo ca maṃsado ;
Nāgapallaviko dīpī , ucchaṅgi yāgudāyako .
Patthodanī mañcadado , gāthāyo gaṇitā ciha ;
Dvesatāni ca gāthānaṃ , gāthā cekā taduttari .