10. Ajitattheraapadānaṃ

Author： _System_Pali_VRI_ @ Administrator

10. Ajitattheraapadānaṃ

484.

‘‘ PadumuttaroM1.393 nāma jino , sabbadhammāna pāragū ;

Ajjhogāhetvā himavantaṃ , nisīdi lokanāyako .

485.

‘‘ Nāhaṃ addakkhiṃ [ passāmi (?)] sambuddhaṃ , napi saddaṃ suṇomahaṃ ;

Mama bhakkhaṃ gavesanto , āhiṇḍāmi vane ahaṃ [ tadā ( sī .)].

486.

‘‘ Tatthaddassāsiṃ sambuddhaṃ , dvattiṃsavaralakkhaṇaṃ ;

Disvāna vittimāpajjiṃ [ cittamāpajji ( sī .), cittamāpajjiṃ ( syā .)], satto ko nāmayaṃ bhave .

487.

‘‘ LakkhaṇāniT1.528 viloketvā , mama vijjaṃ anussariṃ ;

Sutañhi metaṃ vuḍḍhānaṃ , paṇḍitānaṃ subhāsitaṃ .

488.

‘‘ TesaṃV1.370 yathā taṃ vacanaṃ , ayaṃ buddho bhavissati ;

Yaṃnūnāhaṃ sakkareyyaṃ , gatiṃ me sodhayissati .

489.

‘‘ Khippaṃ assamamāgantvā , madhutelaṃ gahiṃ ahaṃ ;

Kolambakaṃ gahetvāna , upagacchiṃ vināyakaṃ [ narāsabhaṃ ( sī .)].

490.

‘‘ Tidaṇḍake gahetvāna , abbhokāse ṭhapesahaṃ ;

Padīpaṃ pajjalitvāna , aṭṭhakkhattuṃ avandahaṃ .

491.

‘‘ SattarattindivaṃP1.336 buddho , nisīdi purisuttamo ;

Tato ratyā vivasāne , vuṭṭhāsi lokanāyako .

492.

‘‘ Pasannacitto sumano , sabbarattindivaṃ ahaṃ ;

Dīpaṃ buddhassa pādāsiṃ , pasanno sehi pāṇibhi .

493.

‘‘ Sabbe vanā gandhamayā , pabbate gandhamādane ;

Buddhassa ānubhāvena , āgacchuṃ buddhasantikaṃ [ upagacchuṃ tadā jinaṃ ( sī .)].

494.

‘‘ Ye keci pupphagandhāse , pupphitā dharaṇīruhā ;

Buddhassa ānubhāvena , sabbe sannipatuṃ tadā .

495.

‘‘ Yāvatā himavantamhi , nāgā ca garuḷā ubho ;

Dhammañca sotukāmā te , āgacchuṃ buddhasantikaṃ .

496.

‘‘ DevaloM1.394 nāma samaṇo , buddhassa aggasāvako ;

Vasīsatasahassehi , buddhasantikupāgami .

497.

‘‘ PadumuttaroT1.529 lokavidū , āhutīnaṃ paṭiggaho ;

Bhikkhusaṅghe nisīditvā , imā gāthā abhāsatha .

498.

‘‘‘ Yo me dīpaṃ padīpesi , pasanno sehi pāṇibhi ;

Tamahaṃ kittayissāmi , suṇātha mama bhāsato .

499.

‘‘‘ Saṭṭhi kappasahassāni , devaloke ramissati ;

Sahassakkhattuṃ rājā ca , cakkavattī bhavissati .

Soḷasamaṃ bhāṇavāraṃ .

500.

‘‘‘ Chattisakkhattuṃ devindo , devarajjaṃ karissati ;

Pathaviyaṃ sattasataṃ , vipulaṃ rajjaṃ karissati .

501.

‘‘‘ PadesarajjaṃV1.371 vipulaṃ , gaṇanāto asaṅkhiyaṃ ;

Iminā dīpadānena , dibbacakkhu bhavissati .

502.

‘‘‘ Samantato aṭṭhakosaṃ [ aḍḍhakosaṃ ( sī . syā .)], passissati ayaṃ sadā ;

Devalokā cavantassa , nibbattantassa jantuno .

503.

‘‘‘ Divā vā yadi vā rattiṃ , padīpaṃ dhārayissati ;

Jāyamānassa sattassa , puññakammasamaṅgino .

504.

‘‘‘ Yāvatā nagaraṃ āsi , tāvatā jotayissati ;

Upapajjati yaṃ yoniṃ , devattaṃ atha mānusaṃ .

505.

‘‘‘ Asseva dīpadānassa ,[ aṭṭhadīpaphalena hi ; upaṭṭhissantimaṃ jantuṃ ( syā .), aṭṭha dīpā phalena hi ; na jahissanti ’ maṃ jantuṃ (?)] aṭṭhadīpaphalena hi ;

Na jayissantimaṃ jantū [ aṭṭhadīpaphalena hi ; upaṭṭhissantimaṃ jantuṃ ( syā .), aṭṭha dīpā phalena hi ; na jahissanti ’ maṃ jantuṃ (?)], dīpadānassidaṃ phalaṃ .

506.

‘‘‘ KappasatasahassamhiT1.530P1.337 , okkākakulasambhavo ;

Gotamo nāma gottena , satthā loke bhavissati .

507.

‘‘‘ Tassa dhammesu dāyādo , oraso dhammanimmito ;

Sabbāsave pariññāya , nibbāyissatināsavo .

508.

‘‘‘ TosayitvānaM1.395 sambuddhaṃ , gotamaṃ sakyapuṅgavaṃ ;

Ajito nāma nāmena , hessati satthu sāvako ’.

509.

‘‘ Saṭṭhi kappasahassāni , devaloke ramiṃ ahaṃ ;

Tatrāpi me dīpasataṃ , jotate niccakālikaṃ [ sabbakālikaṃ ( sī .)].

510.

‘‘ Devaloke manusse vā , niddhāvanti pabhā mama ;

Buddhaseṭṭhaṃ saritvāna , bhiyyo hāsaṃ janesahaṃ .

511.

‘‘ Tusitāhaṃ cavitvāna , okkamiṃ mātukucchiyaṃ ;

Jāyamānassa santassa , āloko vipulo ahu .

512.

‘‘ Agārā abhinikkhamma , pabbajiṃ anagāriyaṃ ;

Bāvariṃ upasaṅkamma , sissattaṃ ajjhupāgamiṃ .

513.

‘‘ Himavante vasantohaṃ , assosiṃ lokanāyakaṃ ;

Uttamatthaṃ gavesanto , upagacchiṃ vināyakaṃ .

514.

‘‘ Danto buddho dametāvī , oghatiṇṇo nirūpadhi ;

Nibbānaṃ kathayī buddho , sabbadukkhappamocanaṃ .

515.

‘‘ TaṃV1.372 me āgamanaṃ siddhaṃ , tositohaṃ mahāmuniṃ ;

Tisso vijjā anuppattā , kataṃ buddhassa sāsanaṃ .

516.

‘‘ SatasahassitoT1.531 kappe , yaṃ dīpamadadiṃ tadā ;

Duggatiṃ nābhijānāmi , dīpadānassidaṃ phalaṃ .

517.

‘‘ Kilesā jhāpitā mayhaṃ … pe … viharāmi anāsavo .

518.

‘‘ Svāgataṃ vata me āsi … pe … kataṃ buddhassa sāsanaṃ .

519.

‘‘ Paṭisambhidā catasso … pe … kataṃ buddhassa sāsanaṃ ’’.

Itthaṃ sudaṃ āyasmā ajito thero imā gāthāyo abhāsitthāti .

Ajitattherassāpadānaṃ dasamaṃ .

Pilindavacchavaggo cattālīsamo .

TassuddānaṃM1.396 –

Pilindavaccho selo ca , sabbakittī madhuṃdado ;

Kūṭāgārī bākulo ca , giri saḷalasavhayo .

SabbadoP1.338 ajito ceva , gāthāyo gaṇitā iha ;

Satāni pañca gāthānaṃ , vīsati ca taduttarīti .

Atha vagguddānaṃ –

PadumārakkhadoT1.532 ceva , umā gandhodakena ca ;

Ekapadma saddasaññī , mandāraṃ bodhivandako .

Avaṭañca pilindi [ evameva dissati ] ca , gāthāyo gaṇitā iha ;

Catusattati gāthāyo , ekādasa satāni ca .

Padumavaggadasakaṃ .

Catutthasatakaṃ samattaṃ .

Issues

Select Version

Therāpadānapāḷi

Therāpadānapāḷi