9. Sālapupphadāyakattheraapadānaṃ
60.
‘‘ Migarājā tadā āsiṃ , abhijāto sukesarī ;
Giriduggaṃ gavesanto , addasaṃ lokanāyakaṃ .
61.
‘‘ Ayaṃ nu kho mahāvīro , nibbāpeti mahājanaṃ ;
Yaṃnūnāhaṃ upāseyyaṃ , devadevaṃ narāsabhaṃ .
62.
‘‘ Sākhaṃ sālassa bhañjitvā , sakosaṃ pupphamāhariṃ ;
Upagantvāna sambuddhaṃ , adāsiṃ pupphamuttamaṃ .
63.
‘‘ Ekanavutito kappe , yaṃ pupphamabhiropayiṃ ;
Duggatiṃ nābhijānāmi , pupphadānassidaṃ phalaṃ .
64.
‘‘ Ito
T1.245V1.172 ca navame kappe , virocanasanāmakā ;Tayo āsiṃsu rājāno , cakkavattī mahabbalā .
65.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā sālapupphadāyako thero imā gāthāyo abhāsitthāti .
Sālapupphadāyakattherassāpadānaṃ navamaṃ .