10. Sudhāvaggo
1. Sudhāpiṇḍiyattheraapadānaṃ
1.
‘‘ Pūjārahe
M1.147V1.133P1.133 pūjayato , buddhe yadi va sāvake ;Papañcasamatikkante , tiṇṇasokapariddave .
2.
‘‘ Te tādise pūjayato , nibbute akutobhaye ;
Na sakkā puññaṃ saṅkhātuṃ , imettamapi [ idammattanti ( sī .), imetthamapi ( ka .)] kenaci .
3.
‘‘ Catunnamapi dīpānaṃ , issaraṃ yodha kāraye ;
Ekissā pūjanāyetaṃ , kalaṃ nāgghati soḷasiṃ .
4.
‘‘ Siddhatthassa
T1.191 naraggassa , cetiye phalitantare ;Sudhāpiṇḍo mayā dinno , vippasannena cetasā .
5.
‘‘ Catunnavutito kappe , yaṃ kammamakariṃ tadā ;
Duggatiṃ nābhijānāmi , paṭisaṅkhārassidaṃ phalaṃ .
6.
‘‘ Ito tiṃsatikappamhi , paṭisaṅkhārasavhayā ;
Sattaratanasampannā , terasa cakkavattino .
7.
‘‘ Paṭisambhidā catasso , vimokkhāpi ca aṭṭhime ;
Chaḷabhiññā sacchikatā , kataṃ buddhassa sāsanaṃ ’’.
Itthaṃ sudaṃ āyasmā sudhāpiṇḍiyo thero imā gāthāyo abhāsitthāti .
Sudhāpiṇḍiyattherassāpadānaṃ paṭhamaṃ .
2. Sucintikattheraapadānaṃ
8.
‘‘ Tissassa lokanāthassa , suddhapīṭhamadāsahaṃ ;
Haṭṭho haṭṭhena cittena , buddhassādiccabandhuno .
9.
‘‘ Aṭṭhārase
V1.134 [ aṭṭhatiṃse ( sī . syā .)] ito kappe , rājā āsiṃ mahāruci ;Bhogo ca vipulo āsi , sayanañca anappakaṃ .
10.
‘‘ Pīṭhaṃ
M1.148 buddhassa datvāna , vippasannena cetasā ;Anubhomi sakaṃ kammaṃ , pubbe sukatamattano .
11.
‘‘ Dvenavute
T1.192 ito kappe , yaṃ pīṭhamadadiṃ tadā ;Duggatiṃ nābhijānāmi , pīṭhadānassidaṃ phalaṃ .
12.
‘‘ Aṭṭhatiṃse ito kappe , tayo te cakkavattino ;
Ruci uparuci ceva , mahāruci tatiyako .
13.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā sucintiko thero imā gāthāyo abhāsitthāti .
Sucintikattherassāpadānaṃ dutiyaṃ .
3. Aḍḍhaceḷakattheraapadānaṃ
14.
‘‘ Tissassāhaṃ bhagavato , upaḍḍhadussamadāsahaṃ ;
Paramakāpaññapattomhi [ paramakāruññapattomhi ( syā . ka .)], duggatena [ duggandhena ( sī .)] samappito .
15.
‘‘ Upaḍḍhadussaṃ datvāna , kappaṃ saggamhi modahaṃ ;
Avasesesu kappesu , kusalaṃ kāritaṃ mayā .
16.
‘‘ Dvenavute
P1.134 ito kappe , yaṃ dussamadadiṃ tadā ;Duggatiṃ nābhijānāmi , dussadānassidaṃ phalaṃ .
17.
‘‘ Ekūnapaññāsakappamhi [ ekapaññāsakappamhi ( syā .)], rājāno cakkavattino ;
Samantacchadanā nāma , bāttiṃsāsuṃ [ khattiyāsuṃ ( syā . ka .)] janādhipā .
18.
‘‘ Paṭisambhidā
T1.193 catasso … pe … kataṃ buddhassa sāsanaṃ ’’.Itthaṃ sudaṃ āyasmā aḍḍhaceḷako thero imā gāthāyo abhāsitthāti .
Aḍḍhaceḷakattherassāpadānaṃ tatiyaṃ .
4. Sūcidāyakattheraapadānaṃ
19.
‘‘ Kammārohaṃ
M1.149V1.135 pure āsiṃ , bandhumāyaṃ puruttame ;Sūcidānaṃ mayā dinnaṃ , vipassissa mahesino .
20.
‘‘ Vajiraggasamaṃ ñāṇaṃ , hoti kammena tādisaṃ ;
Virāgomhi vimuttomhi [ vibhavomhi vibhattomhi ( ka .)], pattomhi āsavakkhayaṃ .
21.
‘‘ Atīte
P1.135 ca bhave sabbe , vattamāne canāgate [ atītā ca bhavā sabbe , vattamānā ca ’ nāgatā ( syā . ka .)];Ñāṇena viciniṃ sabbaṃ , sūcidānassidaṃ phalaṃ .
22.
‘‘ Ekanavutito kappe , sattāsuṃ vajiravhayā ;
Sattaratanasampannā , cakkavattī mahabbalā .
23.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā sūcidāyako thero imā gāthāyo abhāsitthāti .
Sūcidāyakattherassāpadānaṃ catutthaṃ .
5. Gandhamāliyattheraapadānaṃ
24.
‘‘ Siddhatthassa
T1.194 bhagavato , gandhathūpaṃ akāsahaṃ ;Sumanehi paṭicchannaṃ , buddhānucchavikaṃ kataṃ .
25.
‘‘ Kañcanagghiyasaṅkāsaṃ , buddhaṃ lokagganāyakaṃ ;
Indīvaraṃva jalitaṃ , ādittaṃva hutāsanaṃ .
26.
‘‘ Byagghūsabhaṃva pavaraṃ , abhijātaṃva kesariṃ ;
Nisinnaṃ samaṇānaggaṃ , bhikkhusaṅghapurakkhataṃ .
27.
‘‘ Vanditvā satthuno pāde , pakkāmiṃ uttarāmukho ;
Catunnavutito kappe , gandhamālaṃ yato adaṃ .
28.
‘‘ Buddhe katassa kārassa , phalenāhaṃ visesato ;
Duggatiṃ nābhijānāmi , buddhapūjāyidaṃ phalaṃ .
29.
‘‘ Cattārīsamhi ekūne , kappe āsiṃsu soḷasa ;
Devagandhasanāmā te , rājāno cakkavattino .
30.
‘‘ Paṭisambhidā
M1.150V1.136 catasso … pe … kataṃ buddhassa sāsanaṃ ’’.Itthaṃ sudaṃ āyasmā gandhamāliyo thero imā gāthāyo abhāsitthāti .
Gandhamāliyattherassāpadānaṃ pañcamaṃ .
6. Tipupphiyattheraapadānaṃ
31.
‘‘ Migaluddo
T1.195P1.136 pure āsiṃ , araññe kānane ahaṃ [ brahā ( syā .)];Pāṭaliṃ haritaṃ disvā , tīṇi pupphāni okiriṃ .
32.
‘‘ Patitapattāni [ sattapattāni ( sī .), satapattāni ( ka .), sukkhapaṇṇāni ( syā .)] gaṇhitvā , bahi chaḍḍesahaṃ tadā ;
Antosuddhaṃ bahisuddhaṃ , suvimuttaṃ anāsavaṃ .
33.
‘‘ Sammukhā viya sambuddhaṃ , vipassiṃ lokanāyakaṃ ;
Pāṭaliṃ abhivādetvā , tattha kālaṅkato ahaṃ .
34.
‘‘ Ekanavutito kappe , yaṃ bodhimabhipūjayiṃ ;
Duggatiṃ nābhijānāmi , bodhipūjāyidaṃ phalaṃ .
35.
‘‘ Samantapāsādikā nāma , terasāsiṃsu rājino ;
Ito tettiṃsakappamhi [ tiṃsatikappamhi ( syā .)], cakkavattī mahabbalā .
36.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā tipupphiyo thero imā gāthāyo abhāsitthāti .
Tipupphiyattherassāpadānaṃ chaṭṭhaṃ .
7. Madhupiṇḍikattheraapadānaṃ
37.
‘‘ Vipine
T1.196 [ vivane ( syā . aṭṭha .)] kānane disvā , appasadde nirākule ;Siddhatthaṃ isinaṃ seṭṭhaṃ , āhutīnaṃ paṭiggahaṃ .
38.
‘‘ Nibbutattaṃ
M1.151 [ nibbutaggaṃ ( ka .), nibbūtikaṃ ( syā .)] mahānāgaṃ , nisabhājāniyaṃ yathā ;Osadhiṃva virocantaṃ , devasaṅghanamassitaṃ .
39.
‘‘ Vitti mamāhu tāvade [ vitti me pāhunā tāva ( sī . syā .)], ñāṇaṃ uppajji tāvade ;
Vuṭṭhitassa samādhimhā , madhuṃ datvāna satthuno .
40.
‘‘ Vanditvā
V1.137 satthuno pāde , pakkāmiṃ pācināmukho ;Catuttiṃsamhi kappamhi , rājā āsiṃ sudassano .
41.
‘‘ Madhu bhisehi savati , bhojanamhi ca tāvade ;
Madhuvassaṃ pavassittha , pubbakammassidaṃ phalaṃ .
42.
‘‘ Catunnavutito
P1.137 kappe , yaṃ madhuṃ adadiṃ tadā ;Duggatiṃ nābhijānāmi , madhudānassidaṃ phalaṃ .
43.
‘‘ Catuttiṃse ito kappe , cattāro te sudassanā ;
Sattaratanasampannā , cakkavattī mahabbalā .
44.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ
T1.197 sudaṃ āyasmā madhupiṇḍiko thero imā gāthāyo abhāsitthāti .Madhupiṇḍikattherassāpadānaṃ sattamaṃ .
8. Senāsanadāyakattheraapadānaṃ
45.
‘‘ Siddhatthassa bhagavato , adāsiṃ paṇṇasantharaṃ ;
Samantā upahārañca , kusumaṃ okiriṃ ahaṃ .
46.
‘‘ Pāsādevaṃ guṇaṃ rammaṃ [ pāsāde ca guhaṃ rammaṃ ( syā .)], anubhomi mahārahaṃ ;
Mahagghāni ca pupphāni , sayanebhisavanti me .
47.
‘‘ Sayanehaṃ tuvaṭṭāmi , vicitte pupphasanthate ;
Pupphavuṭṭhi ca sayane , abhivassati tāvade .
48.
‘‘ Catunnavutito
M1.152 kappe , adāsiṃ paṇṇasantharaṃ ;Duggatiṃ nābhijānāmi , santharassa idaṃ phalaṃ .
49.
‘‘ Tiṇasantharakā nāma , sattete cakkavattino ;
Ito te pañcame kappe , uppajjiṃsu janādhipā .
50.
‘‘ Paṭisambhidā
P1.138 catasso … pe … kataṃ buddhassa sāsanaṃ ’’.Itthaṃ sudaṃ āyasmā senāsanadāyako thero imā gāthāyo abhāsitthāti .
Senāsanadāyakattherassāpadānaṃ aṭṭhamaṃ .
9. Veyyāvaccakattheraapadānaṃ
51.
‘‘ Vipassissa
T1.198V1.138 bhagavato , mahāpūgagaṇo ahu ;Veyyāvaccakaro āsiṃ , sabbakiccesu vāvaṭo [ byāvaṭo ( sī . syā .)].
52.
‘‘ Deyyadhammo ca me natthi , sugatassa mahesino ;
Avandiṃ satthuno pāde , vippasannena cetasā .
53.
‘‘ Ekanavutito kappe , veyyāvaccaṃ akāsahaṃ ;
Duggatiṃ nābhijānāmi , veyyāvaccassidaṃ phalaṃ .
54.
‘‘ Ito ca aṭṭhame kappe , rājā āsiṃ sucintito ;
Sattaratanasampanno , cakkavattī mahabbalo .
55.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā veyyāvaccako thero imā gāthāyo abhāsitthāti .
Veyyāvaccakattherassāpadānaṃ navamaṃ .
10. Buddhupaṭṭhākattheraapadānaṃ
56.
‘‘ Vipassissa bhagavato , ahosiṃ saṅkhadhammako ;
Niccupaṭṭhānayuttomhi , sugatassa mahesino .
57.
‘‘ Upaṭṭhānaphalaṃ
T1.199M1.153 passa , lokanāthassa tādino ;Saṭṭhitūriyasahassāni , parivārenti maṃ sadā .
58.
‘‘ Ekanavutito
P1.139 kappe , upaṭṭhahiṃ mahāisiṃ ;Duggatiṃ nābhijānāmi , upaṭṭhānassidaṃ phalaṃ .
59.
‘‘ Catuvīse [ catunavute ( syā .)] ito kappe , mahānigghosanāmakā ;
Soḷasāsiṃsu rājāno , cakkavattī mahabbalā .
60.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā buddhupaṭṭhāko thero imā gāthāyo abhāsitthāti .
Buddhupaṭṭhākattherassāpadānaṃ dasamaṃ .
Sudhāvaggo dasamo .
Tassuddānaṃ –
Sudhā
V1.139 sucinti ceḷañca , sūcī ca gandhamāliyo ;Tipupphiyo madhusenā , veyyāvacco cupaṭṭhako ;
Samasaṭṭhi ca gāthāyo , asmiṃ vagge pakittitā .
Atha vagguddānaṃ –
Buddhavaggo hi paṭhamo , sīhāsani subhūti ca ;
Kuṇḍadhāno upāli ca , bījanisakacinti ca .
Nāgasamālo
T1.200 timiro , sudhāvaggena te dasa ;Catuddasasatā gāthā , pañcapaññāsameva ca .
Buddhavaggadasakaṃ .
Paṭhamasatakaṃ samattaṃ .