2. Tambapupphiyattheraapadānaṃ
7.
‘‘ Parakammāyane
T1.257 yutto , aparādhaṃ akāsahaṃ ;Vanantaṃ abhidhāvissaṃ , bhayaverasamappito .
8.
‘‘ Pupphitaṃ pādapaṃ disvā , piṇḍibandhaṃ sunimmitaṃ ;
Tambapupphaṃ gahetvāna , bodhiyaṃ okiriṃ ahaṃ .
9.
‘‘ Sammajjitvāna
V1.180 taṃ bodhiṃ , pāṭaliṃ pādaputtamaṃ ;Pallaṅkaṃ ābhujitvāna , bodhimūle upāvisiṃ .
10.
‘‘ Gatamaggaṃ
M1.195 gavesantā , āgacchuṃ mama santikaṃ ;Te ca disvānahaṃ tattha , āvajjiṃ bodhimuttamaṃ .
11.
‘‘ Vanditvāna ahaṃ bodhiṃ , vippasannena cetasā ;
Anekatāle papatiṃ , giridugge bhayānake .
12.
‘‘ Ekanavutito kappe , yaṃ pupphamabhiropayiṃ ;
Duggatiṃ nābhijānāmi , bodhipūjāyidaṃ phalaṃ .
13.
‘‘ Ito ca tatiye kappe , rājā susaññato ahaṃ [ saṃthusito ahuṃ ( sī .)];
Sattaratanasampanno , cakkavattī mahabbalo .
14.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā tambapupphiyo thero imā gāthāyo abhāsitthāti .
Tambapupphiyattherassāpadānaṃ dutiyaṃ .