9. Sabbadāyakattheraapadānaṃ
456.
‘‘ Mahāsamuddaṃ ogayha , bhavanaṃ me sunimmitaṃ ;
Sunimmitā pokkharaṇī , cakkavākapakūjitā .
457.
‘‘ Mandālakehi sañchannā , padumuppalakehi ca ;
Nadī ca sandate tattha , supatitthā manoramā .
458.
‘‘ Macchakacchapasañchannā
M1.391 , nānādijasamotthatā ;Mayūrakoñcābhirudā , kokilādīhi vagguhi .
459.
‘‘ Pārevatā ravihaṃsā ca , cakkavākā nadīcarā ;
Dindibhā sāḷikā cettha , pammakā [ pampakā ( sī .), cappakā ( syā .)] jīvajīvakā .
460.
‘‘ Haṃsā
T1.525 koñcāpi naditā [ koñcābhinaditā ( sī . syā .)], kosiyā piṅgalā bahū ;Sattaratanasampannā , maṇimuttikavālukā .
461.
‘‘ Sabbasoṇṇamayā
V1.368 rukkhā , nānāgandhasameritā ;Ujjotenti divārattiṃ , bhavanaṃ sabbakālikaṃ .
462.
‘‘ Saṭṭhi
P1.334 tūriyasahassāni , sāyaṃ pāto pavajjare ;Soḷasitthisahassāni , parivāreṭti maṃ sadā .
463.
‘‘ Abhinikkhamma bhavanā , sumedhaṃ lokanāyakaṃ ;
Pasannacitto sumano , vandayiṃ taṃ mahāyasaṃ .
464.
‘‘ Sambuddhaṃ abhivādetvā , sasaṅghaṃ taṃ nimantayiṃ ;
Adhivāsesi so dhīro , sumedho lokanāyako .
465.
‘‘ Mama dhammakathaṃ katvā , uyyojesi mahāmuni ;
Sambuddhaṃ abhivādetvā , bhavanaṃ me upāgamiṃ .
466.
‘‘ Āmantayiṃ parijanaṃ , sabbe sannipatātha [ sannipatattha ( ka .)] vo ;
Pubbaṇhasamayaṃ buddho , bhavanaṃ āgamissati .
467.
‘‘ Lābhā amhaṃ suladdhaṃ no , ye vasāma tavantike ;
Mayampi buddhaseṭṭhassa , pūjaṃ kassāma satthuno .
468.
‘‘ Annapanaṃ paṭṭhapetvā , kālaṃ ārocayiṃ ahaṃ ;
Vasīsatasahassehi , upesi lokanāyako .
469.
‘‘ Pañcaṅgikehi tūriyehi , paccuggamanamakāsahaṃ ;
Sabbasoṇṇamaye pīṭhe , nisīdi purisuttamo .
470.
‘‘ Uparicchadanaṃ
T1.526 āsi , sabbasoṇṇamayaṃ tadā ;Bījaniyo pavāyanti , bhikkhusaṅghassa antare .
471.
‘‘ Pahūtenannapānena
M1.392 , bhikkhusaṅghamatappayiṃ ;Paccekadussayugaḷe , bhikkhusaṅghassadāsahaṃ .
472.
‘‘ Yaṃ vadanti sumedhoti , lokāhutipaṭiggahaṃ ;
Bhikkhusaṅghe nisīditvā , imā gāthā abhāsatha .
473.
‘‘ Yo me annena pānena , sabbe ime ca tappayiṃ ;
Tamahaṃ kittayissāmi , suṇātha mama bhāsato .
474.
‘‘ Aṭṭhārase kappasate , devaloke ramissati ;
Sahassakkhattuṃ rājā ca , cakkavattī bhavissati .
475.
‘‘ Uppajjati
V1.369 [ upagacchati ( sī .)] yaṃ yoniṃ , devattaṃ atha mānusaṃ ;Sabbadā sabbasovaṇṇaṃ , chadanaṃ dhārayissati .
476.
‘‘ Tiṃsakappasahassamhi , okkākakusalasambhavo ;
Gotamo nāma gottena , satthā loke bhavissati .
477.
‘‘ Tassa
P1.335 dhammesu dāyādo , oraso dhammanimmito ;Sabbāsave pariññāya , nibbāyissatināsavo .
478.
‘‘‘ Bhikkhusaṅghe nisīditvā , sīhanādaṃ nadissati ;
Citake chattaṃ dhārenti , heṭṭhā chattamhi ḍayhatha ’.
479.
‘‘ Sāmaññaṃ me anuppattaṃ , kilesā jhāpitā mayā ;
Maṇḍape rukkhamūle vā , santāpo me na vijjati .
480.
‘‘ Tiṃsakappasahassamhi
T1.527 , yaṃ dānamadadiṃ tadā ;Duggatiṃ nābhijānāmi , sabbadānassidaṃ phalaṃ .
481.
‘‘ Kilesā jhāpitā mayhaṃ … pe … viharāmi anāsavo .
482.
‘‘ Svāgataṃ vata me āsi … pe … kataṃ buddhassa sāsanaṃ .
483.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā sabbadāyako thero imā gāthāyo abhāsitthāti .
Sabbadāyakattherassāpadānaṃ navamaṃ .