1. Bandhujīvakattheraapadānaṃ
1.
‘‘ Candaṃva
T1.256M1.194V1.179 vimalaṃ suddhaṃ , vippasannamanāvilaṃ ;Nandībhavaparikkhīṇaṃ , tiṇṇaṃ loke visattikaṃ .
2.
‘‘ Nibbāpayantaṃ janataṃ , tiṇṇaṃ [ disvā (?)] tārayataṃ varaṃ [ tārayataṃ muniṃ ( syā .)];
Muniṃ vanamhi jhāyantaṃ [ vanasmiṃ jhāyamānaṃ taṃ ( sī . syā .)], ekaggaṃ susamāhitaṃ .
3.
‘‘ Bandhujīvakapupphāni , lagetvā suttakenahaṃ ;
Buddhassa abhiropayiṃ , sikhino lokabandhuno .
4.
‘‘ Ekattiṃse
P1.176 ito kappe , yaṃ kammamakariṃ tadā ;Duggatiṃ nābhijānāmi , buddhapūjāyidaṃ phalaṃ .
5.
‘‘ Ito sattamake kappe , manujindo mahāyaso ;
Samantacakkhu nāmāsi , cakkavattī mahabbalo .
6.
‘‘ Paṭisambhidā catasso , vimokkhāpi ca aṭṭhime ;
Chaḷabhiññā sacchikatā , kataṃ buddhassa sāsanaṃ ’’.
Itthaṃ sudaṃ āyasmā bandhujīvako thero imā gāthāyo abhāsitthāti .
Bandhujīvakattherassāpadānaṃ paṭhamaṃ .