8. Phalakadāyakattheraapadānaṃ
37.
‘‘ Yānakāro
M1.192P1.174 pure āsiṃ , dārukamme susikkhito ;Candanaṃ phalakaṃ katvā , adāsiṃ lokabandhuno .
38.
‘‘ Pabhāsati
T1.253 idaṃ byamhaṃ , suvaṇṇassa sunimmitaṃ ;Hatthiyānaṃ assayānaṃ , dibbayānaṃ upaṭṭhitaṃ .
39.
‘‘ Pāsādā
V1.177 sivikā ceva , nibbattanti yadicchakaṃ ;Akkhubbhaṃ [ akkhobhaṃ ( sī .)] ratanaṃ mayhaṃ , phalakassa idaṃ phalaṃ .
40.
‘‘ Ekanavutito kappe , phalakaṃ yamahaṃ dadiṃ ;
Duggatiṃ nābhijānāmi , phalakassa idaṃ phalaṃ .
41.
‘‘ Sattapaññāsakappamhi , caturo nimmitāvhayā ;
Sattaratanasampannā , cakkavattī mahabbalā .
42.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā phalakadāyako thero imā gāthāyo abhāsitthāti .
Phalakadāyakattherassāpadānaṃ aṭṭhamaṃ .