3-4.Anuruddhattheraapadānaṃ
421.
‘‘ Sumedhaṃ
T1.51 bhagavantāhaṃ , lokajeṭṭhaṃ narāsabhaṃ ;Vūpakaṭṭhaṃ viharantaṃ , addasaṃ lokanāyakaṃ .
422.
‘‘ Upagantvāna sambuddhaṃ , sumedhaṃ lokanāyakaṃ ;
Añjaliṃ paggahetvāna , buddhaseṭṭhamayācahaṃ .
423.
‘‘ Anukampa
V1.33 mahāvīra , lokajeṭṭha narāsabha ;Padīpaṃ te padassāmi , rukkhamūlamhi jhāyato .
424.
‘‘ Adhivāsesi so dhīro , sayambhū vadataṃ varo ;
Dumesu vinivijjhitvā , yantaṃ yojiyahaṃ tadā .
425.
‘‘ Sahassavaṭṭiṃ
M1.39 pādāsiṃ , buddhassa lokabandhuno ;Sattāhaṃ pajjalitvāna , dīpā vūpasamiṃsu me .
426.
‘‘ Tena cittappasādena , cetanāpaṇidhīhi ca ;
Jahitvā mānusaṃ dehaṃ , vimānamupapajjahaṃ .
427.
‘‘ Upapannassa devattaṃ , byamhaṃ āsi sunimmitaṃ ;
Samantato pajjalati , dīpadānassidaṃ phalaṃ .
428.
‘‘ Samantā
P1.36 yojanasataṃ , virocesimahaṃ tadā ;Sabbe deve abhibhomi , dīpadānassidaṃ phalaṃ .
429.
‘‘ Tiṃsakappāni
T1.52 devindo , devarajjamakārayiṃ ;Na maṃ kecītimaññanti , dīpadānassidaṃ phalaṃ .
430.
‘‘ Aṭṭhavīsatikkhattuñca , cakkavattī ahosahaṃ ;
Divā rattiñca passāmi , samantā yojanaṃ tadā .
431.
‘‘ Sahassalokaṃ ñāṇena , passāmi satthu sāsane ;
Dibbacakkhumanuppatto , dīpadānassidaṃ phalaṃ .
432.
‘‘ Sumedho nāma sambuddho , tiṃsakappasahassito ;
Tassa dīpo mayā dinno , vippasannena cetasā .
433.
‘‘ Paṭisambhidā catasso , vimokkhāpi ca aṭṭhime ;
Chaḷabhiññā sacchikatā , kataṃ buddhassa sāsanaṃ ’’.
Itthaṃ sudaṃ āyasmā anuruddho thero imā gāthāyo abhāsitthāti .
Anuruddhattherassāpadānaṃ catutthaṃ .