1. Vidhūpanadāyakattheraapadānaṃ
1.
‘‘ Padumuttarabuddhassa
M1.115V1.102 , lokajeṭṭhassa tādino ;Bījanikā [ vījanikā ( sī . syā .)] mayā dinnā , dvipadindassa tādino .
2.
‘‘ Sakaṃ cittaṃ pasādetvā , paggahetvāna añjaliṃ ;
Sambuddhamabhivādetvā , pakkamiṃ uttarāmukho .
3.
‘‘ Bījaniṃ
T1.149 paggahetvāna , satthā lokagganāyako [ loke anuttaro ( sī .)];Bhikkhusaṅghe ṭhito santo , imā gāthā abhāsatha .
4.
‘‘‘ Iminā bījanidānena , cittassa paṇidhīhi [ cetanāpaṇidhīhi ( aññattha )] ca ;
Kappānaṃ satasahassaṃ , vinipātaṃ na gacchati ’.
5.
‘‘ Āraddhavīriyo pahitatto , cetoguṇasamāhito ;
Jātiyā sattavassohaṃ , arahattaṃ apāpuṇiṃ .
6.
‘‘ Saṭṭhikappasahassamhi , bījamānasanāmakā ;
Soḷasāsiṃsu rājāno , cakkavattī mahabbalā .
7.
‘‘ Paṭisambhidā
P1.104 catasso , vimokkhāpi ca aṭṭhime ;Chaḷabhiññā sacchikatā , kataṃ buddhassa sāsanaṃ ’’.
Itthaṃ sudaṃ āyasmā vidhūpanadāyako thero imā gāthāyo abhāsitthāti .
Vidhūpanadāyakattherassāpadānaṃ paṭhamaṃ .