2. Sataraṃsittheraapadānaṃ
8.
‘‘ Ubbiddhaṃ selamāruyha , nisīdi purisuttamo ;
Pabbatassāvidūramhi , brāhmaṇo mantapāragū .
9.
‘‘ Upaviṭṭhaṃ
V1.103 mahāvīraṃ , devadevaṃ narāsabhaṃ ;Añjaliṃ paggahetvāna , santhaviṃ lokanāyakaṃ .
10.
‘‘‘ Esa
T1.150M1.116 buddho mahāvīro , varadhammappakāsako ;Jalati aggikhandhova , bhikkhusaṅghapurakkhato .
11.
‘‘‘ Mahāsamuddova ‘ kkhubbho [’ kkhobho ( sī . syā .)], aṇṇavova duruttaro ;
Migarājāvasambhīto [ chambhito ( ka .)], dhammaṃ deseti cakkhumā ’.
12.
‘‘ Mama saṅkappamaññāya , padumuttaranāyako ;
Bhikkhusaṅghe ṭhito satthā , imā gāthā abhāsatha .
13.
‘‘‘ Yenāyaṃ [ yenāhaṃ ( ka .)] añjalī dinno , buddhaseṭṭho ca thomito ;
Tiṃsakappasahassāni , devarajjaṃ karissati .
14.
‘‘‘ Kappasatasahassamhi , aṅgīrasasanāmako ;
Vivaṭṭacchado [ vivatthacchaddo ( sī .)] sambuddho , uppajjissati tāvade .
15.
‘‘‘ Tassa dhammesu dāyādo , oraso dhammanimmito ;
Sataraṃsīti nāmena , arahā so bhavissati ’.
16.
‘‘ Jātiyā sattavassohaṃ , pabbajiṃ anagāriyaṃ ;
Sataraṃsimhi nāmena , pabhā niddhāvate mama .
17.
‘‘ Maṇḍape rukkhamūle vā , jhāyī jhānarato ahaṃ ;
Dhāremi antimaṃ dehaṃ , sammāsambuddhasāsane .
18.
‘‘ Saṭṭhikappasahassamhi , caturo rāmanāmakā ;
Sattaratanasampannā , cakkavattī mahabbalā .
19.
‘‘ Paṭisambhidā
P1.105 catasso … pe … kataṃ buddhassa sāsanaṃ ’’.Itthaṃ
T1.151 sudaṃ āyasmā sataraṃsi thero imā gāthāyo abhāsitthāti .Sataraṃsittherassāpadānaṃ dutiyaṃ .