5. Mandāravapupphapūjakattheraapadānaṃ
25.
‘‘ Devaputto
P1.178 ahaṃ santo , pūjayiṃ sikhināyakaṃ ;Mandāravena pupphena , buddhassa abhiropayiṃ .
26.
‘‘ Sattāhaṃ chadanaṃ āsi , dibbaṃ mālaṃ tathāgate ;
Sabbe janā samāgantvā , namassiṃsu tathāgataṃ .
27.
‘‘ Ekattiṃse ito kappe , yaṃ pupphamabhipūjayiṃ ;
Duggatiṃ nābhijānāmi , buddhapūjāyidaṃ phalaṃ .
28.
‘‘ Ito ca dasame kappe , rājāhosiṃ jutindharo ;
Sattaratanasampanno , cakkavattī mahabbalo .
29.
‘‘ Paṭisambhidā
T1.260M1.197 catasso … pe … kataṃ buddhassa sāsanaṃ ’’.Itthaṃ sudaṃ āyasmā mandāravapupphapūjako thero imā gāthāyo abhāsitthāti .
Mandāravapupphapūjakattherassāpadānaṃ pañcamaṃ .