10. Pāpanivāriyattheraapadānaṃ
44.
‘‘ Tissassa
M1.232 tu bhagavato , devadevassa tādino ;Ekacchattaṃ mayā dinnaṃ , vippasannena cetasā .
45.
‘‘ Nivutaṃ hoti me pāpaṃ , kusalassupasampadā ;
Ākāse chattaṃ dhārenti , pubbakammassidaṃ phalaṃ .
46.
‘‘ Carimaṃ
T1.308 vattate mayhaṃ , bhavā sabbe samūhatā ;Dhāremi antimaṃ dehaṃ , sammāsambuddhasāsane .
47.
‘‘ Dvenavute ito kappe , yaṃ chattamadadiṃ tadā ;
Duggatiṃ nābhijānāmi , chattadānassidaṃ phalaṃ .
48.
‘‘ Dvesattatimhito kappe , aṭṭhāsiṃsu janādhipā ;
Mahānidānanāmena , rājāno cakkavattino .
49.
‘‘ Paṭisambhidā
V1.216 catasso … pe … kataṃ buddhassa sāsanaṃ ’’.Itthaṃ sudaṃ āyasmā pāpanivāriyo [ vātātapanivāriyo ( sī .)] thero imā gāthāyo abhāsitthāti ;
Pāpanivāriyattherassāpadānaṃ dasamaṃ .
Kaṇikārapupphiyavaggo ekavīsatimo .
Tassuddānaṃ
P1.208 –Kaṇikāro minelañca , kiṅkaṇi taraṇena ca ;
Nigguṇḍipupphī dakado , salalo ca kuraṇḍako ;
Ādhārako pāpavārī , aṭṭhatālīsa gāthakāti .