5. Aṅkolapupphiyattheraapadānaṃ
16.
‘‘ Padumo nāma sambuddho , cittakūṭe vasī tadā ;
Disvāna taṃ ahaṃ buddhaṃ , sayambhuṃ aparājitaṃ [ upagacchihaṃ ( sī . syā .)].
17.
‘‘ Aṅkolaṃ
M1.332V1.314 pupphitaṃ disvā , ocinitvānahaṃ tadā ;Upagantvāna sambuddhaṃ , pūjayiṃ padumaṃ jinaṃ .
18.
‘‘ Ekattiṃse ito kappe , yaṃ pupphamabhipūjayiṃ ;
Duggatiṃ nābhijānāmi , buddhapūjāyidaṃ phalaṃ .
19.
‘‘ Paṭisambhidā
T1.449 catasso … pe … kataṃ buddhassa sāsanaṃ ’’.Itthaṃ sudaṃ āyasmā aṅkolapupphiyo thero imā gāthāyo abhāsitthāti .
Aṅkolapupphiyattherassāpadānaṃ pañcamaṃ .