35. Ekapadumiyavaggo

Author： _System_Pali_VRI_ @ Administrator

35. Ekapadumiyavaggo

1. Ekapadumiyattheraapadānaṃ

‘‘ PadumuttaroT1.429M1.318V1.300 nāma jino , sabbadhammāna pāragū ;

Bhavābhave vibhāvento , tāresi janataṃ bahuṃ .

‘‘ Haṃsarājā tadā homi , dijānaṃ pavaro ahaṃ ;

Jātassaraṃ samogayha , kīḷāmi haṃsakīḷitaṃ .

‘‘ Padumuttaro lokavidū , āhutīnaṃ paṭiggaho ;

Jātassarassa upari , āgacchi tāvade jino .

‘‘ Disvānahaṃ devadevaṃ , sayambhuṃ lokanāyakaṃ ;

Vaṇṭe chetvāna padumaṃ , satapattaṃ manoramaṃ .

‘‘ Mukhatuṇḍena paggayha , pasanno lokanāyake [ vippasannena cetasā ( syā .)];

Ukkhipitvāna gagaṇe [ ukkhipitvā nalāṭena ( ka .)], buddhaseṭṭhaṃ apūjayiṃ .

‘‘ Padumuttaro lokavidū , āhutīnaṃ paṭiggaho ;

Antalikkhe ṭhito satthā , akā me anumodanaṃ .

‘‘‘ Iminā ekapadumena , cetanāpaṇidhīhi ca ;

Kappānaṃ satasahassaṃ , vinipātaṃ na gacchasi ’.

‘‘ Idaṃ vatvāna sambuddho , jalajuttamanāmako ;

Mama kammaṃ pakittetvā , agamā yena patthitaṃ .

‘‘ SatasahassitoT1.430P1.277 kappe , yaṃ kammamakariṃ tadā ;

Duggatiṃ nābhijānāmi , buddhapūjāyidaṃ phalaṃ .

10.

‘‘ Paṭisambhidā catasso , vimokkhāpi ca aṭṭhime ;

Chaḷabhiññā sacchikatā , kataṃ buddhassa sāsanaṃ ’’.

Itthaṃ sudaṃ āyasmā ekapadumiyo thero imā gāthāyo abhāsitthāti .

Ekapadumiyattherassāpadānaṃ paṭhamaṃ .

2. Tīṇuppalamāliyattheraapadānaṃ

11.

‘‘ CandabhāgānadītīreM1.319V1.301 , ahosiṃ vānaro tadā ;

Addasaṃ virajaṃ buddhaṃ , nisinnaṃ pabbatantare .

12.

‘‘ Obhāsentaṃ disā sabbā , sālarājaṃva phullitaṃ ;

Lakkhaṇabyañjanūpetaṃ , disvā attamano ahuṃ .

13.

‘‘ Udaggacitto sumano , pītiyā haṭṭhamānaso ;

Tīṇi uppalapupphāni , matthake abhiropayiṃ .

14.

‘‘ Pupphāni abhiropetvā , vipassissa mahesino ;

Sagāravo bhavitvāna [ gamitvāna ( sī .), namitvāna ( ka .)], pakkāmiṃ uttarāmukho .

15.

‘‘ Gacchanto paṭikuṭiko , vippasannena cetasā ;

Selantare patitvāna [ papatitvā ( syā . ka .)], pāpuṇiṃ jīvitakkhayaṃ .

16.

‘‘ TenaT1.431 kammena sukatena , cetanāpaṇidhīhi ca ;

Jahitvā mānusaṃ dehaṃ [ purimaṃ jātiṃ (?) upari 38 vagge tatiyāpadāne evameva dissati ], tāvatiṃsamagacchahaṃ .

17.

‘‘ SatānaṃP1.278 tīṇikkhattuñca , devarajjaṃ akārayiṃ ;

Satānaṃ pañcakkhattuñca , cakkavattī ahosahaṃ .

18.

‘‘ Ekanavutito kappe , yaṃ pupphamabhipūjayiṃ ;

Duggatiṃ nābhijānāmi , buddhapūjāyidaṃ phalaṃ .

19.

‘‘ Paṭisambhidā catasso … pe … kataṃ buddhassa sāsanaṃ ’’.

Itthaṃ sudaṃ āyasmā tīṇuppalamāliyo [ tiuppalamāliyo ( sī .)] thero imā gāthāyo abhāsitthāti .

Tīṇuppalamāliyattherassāpadānaṃ dutiyaṃ .

3. Dhajadāyakattheraapadānaṃ

20.

‘‘ Tisso nāma ahu satthā , lokajeṭṭho narāsabho ;

Tayopadhikkhaye [ tassopadhikkhaye ( sī .)] disvā , dhajaṃ āropitaṃ mayā .

21.

‘‘ TenaM1.320 kammena sukatena , cetanāpaṇidhīhi ca ;

Jahitvā mānusaṃ dehaṃ , tāvatiṃsamagacchahaṃ .

22.

‘‘ SatānaṃV1.302 tīṇikkhattuñca , devarajjaṃ akārayiṃ ;

Satānaṃ pañcakkhattuñca , cakkavattī ahosahaṃ .

23.

‘‘ PadesarajjaṃT1.432 vipulaṃ , gaṇanāto asaṅkhiyaṃ ;

Anubhomi sakaṃ kammaṃ , pubbe sukatamattano .

24.

‘‘ Dvenavute ito kappe , yaṃ kammamakariṃ tadā ;

Duggatiṃ nābhijānāmi , dhajadānassidaṃ phalaṃ .

25.

‘‘ Icchamāno cahaṃ ajja , sakānanaṃ sapabbataṃ ;

Khomadussena chādeyyaṃ , tadā mayhaṃ kate phalaṃ .

26.

‘‘ Paṭisambhidā catasso … pe … kataṃ buddhassa sāsanaṃ ’’.

Itthaṃ sudaṃ āyasmā dhajadāyako thero imā gāthāyo abhāsitthāti .

Dhajadāyakattherassāpadānaṃ tatiyaṃ .

4. Tikiṅkaṇipūjakattheraapadānaṃ

27.

‘‘ Himavantassāvidūre , bhūtagaṇo nāma pabbato ;

Tatthaddasaṃ paṃsukūlaṃ , dumaggamhi vilaggitaṃ .

28.

‘‘ Tīṇi kiṅkaṇipupphāni , ocinitvānahaṃ tadā ;

Haṭṭho haṭṭhena cittena , paṃsukūlaṃ apūjayiṃ .

29.

‘‘ Ekattiṃse ito kappe , yaṃ kammamakariṃ tadā ;

Duggatiṃ nābhijānāmi , tiṇṇaṃ pupphānidaṃ phalaṃ .

30.

‘‘ PaṭisambhidāT1.433 catasso … pe … kataṃ buddhassa sāsanaṃ ’’.

Itthaṃ sudaṃ āyasmā tikiṅkaṇipūjako thero imā gāthāyo abhāsitthāti .

Tikiṅkaṇipūjakattherassāpadānaṃ catutthaṃ .

5. Naḷāgārikattheraapadānaṃ

31.

‘‘ HimavantassāvidūreM1.321 , hārito nāma pabbato ;

Sayambhū nārado nāma , rukkhamūle vasī tadā .

32.

‘‘ Naḷāgāraṃ karitvāna , tiṇena chādayiṃ ahaṃ ;

Caṅkamaṃ sodhayitvāna , sayambhussa adāsahaṃ .

33.

‘‘ CatuddasasuV1.303 kappesu , devaloke ramiṃ ahaṃ ;

Catusattatikkhattuñca , devarajjaṃ akārayiṃ .

34.

‘‘ Catusattati [ sattasattati ( sī .)] kkhattuñcaP1.279 , cakkavattī ahosahaṃ ;

Padesarajjaṃ vipulaṃ , gaṇanāto asaṅkhiyaṃ .

35.

‘‘ Ubbiddhaṃ bhavanaṃ mayhaṃ , indalaṭṭhīva uggataṃ ;

Sahassathambhaṃ atulaṃ , vimānaṃ sapabhassaraṃ .

36.

‘‘ Dve sampattī anubhotvā , sukkamūlena codito ;

Gotamassa bhagavato , sāsane pabbajiṃ ahaṃ .

37.

‘‘ PadhānapahitattomhiT1.434 , upasanto nirūpadhi ;

Nāgova bandhanaṃ chetvā , viharāmi anāsavo .

38.

‘‘ Paṭisambhidā catasso … pe … kataṃ buddhassa sāsanaṃ ’’.

Itthaṃ sudaṃ āyasmā naḷāgāriko thero imā gāthāyo abhāsitthāti .

Naḷāgārikattherassāpadānaṃ pañcamaṃ .

6. Campakapupphiyattheraapadānaṃ

39.

‘‘ Himavantassāvidūre , jāpalo [ cāpalo ( sī .), chāpalo ( syā .)] nāma pabbato ;

Buddho sudassano nāma , vihāsi pabbatantare .

40.

‘‘ Pupphaṃ hemavantaṃ [ hemavataṃ ( sī .), hemavaṇṇaṃ ( syā .)] gayha , gacchaṃ vehāyasenahaṃ ;

Addasaṃ virajaṃ buddhaṃ , oghatiṇṇamanāsavaṃ .

41.

‘‘ SattaM1.322 campakapupphāni , sīse katvānahaṃ tadā ;

Buddhassa abhiropesiṃ , sayambhussa mahesino .

42.

‘‘ Ekattiṃse ito kappe , yaṃ pupphamabhiropayiṃ ;

Duggatiṃ nābhijānāmi , buddhapūjāyidaṃ phalaṃ .

43.

‘‘ Paṭisambhidā catasso … pe … kataṃ buddhassa sāsanaṃ ’’.

ItthaṃT1.435 sudaṃ āyasmā campakapupphiyo thero imā gāthāyo abhāsitthāti .

Campakapupphiyattherassāpadānaṃ chaṭṭhaṃ .

7. Padumapūjakattheraapadānaṃ

44.

‘‘ HimavantassāvidūreV1.304 , romaso nāma pabbato ;

Buddhopi sambhavo nāma , abbhokāse vasī tadā .

45.

‘‘ Bhavanā nikkhamitvāna , padumaṃ dhārayiṃ ahaṃ ;

Ekāhaṃ dhārayitvāna , puna bhavanupāgamiṃ .

46.

‘‘ EkanavutitoP1.280 kappe , yaṃ pupphamabhiropayiṃ ;

Duggatiṃ nābhijānāmi , buddhapūjāyidaṃ phalaṃ .

47.

‘‘ Paṭisambhidā catasso … pe … kataṃ buddhassa sāsanaṃ ’’.

Itthaṃ sudaṃ āyasmā padumapūjako thero imā gāthāyo abhāsitthāti .

Padumapūjakattherassāpadānaṃ sattamaṃ .

Terasamaṃ bhāṇavāraṃ .

8. Tiṇamuṭṭhidāyakattheraapadānaṃ

48.

‘‘ Himavantassāvidūre , lambako nāma pabbato ;

Upatisso nāma sambuddho , abbhokāsamhi caṅkami .

49.

‘‘ MigaluddoT1.436M1.323 tadā āsiṃ , araññe kānane ahaṃ ;

Disvāna taṃ devadevaṃ , sayambhuṃ aparājitaṃ .

50.

‘‘ Vippasannena cittena , tadā tassa mahesino ;

Nisīdanatthaṃ buddhassa , tiṇamuṭṭhimadāsahaṃ .

51.

‘‘ Datvāna devadevassa , bhiyyo cittaṃ pasādayiṃ ;

Sambuddhaṃ abhivādetvā , pakkāmiṃ uttarāmukho .

52.

‘‘ Aciraṃ gatamattaṃ maṃ , migarājā apothayi [ aheṭhayi ( sī . syā .)];

Sīhena pothito [ pātito ( sī . syā .)] santo , tattha kālaṅkato ahaṃ .

53.

‘‘ Āsanne me kataṃ kammaṃ , buddhaseṭṭhe anāsave ;

Sumutto saravegova , devalokaṃ agañchahaṃ .

54.

‘‘ YūpoV1.305 tattha subho āsi , puññakammābhinimmito ;

Sahassakaṇḍo satabheṇḍu , dhajālu haritāmayo .

55.

‘‘ Pabhā niddhāvate tassa , sataraṃsīva uggato ;

Ākiṇṇo devakaññāhi , āmodiṃ kāmakāmahaṃ .

56.

‘‘ Devalokā cavitvāna , sukkamūlena codito ;

Āgantvāna manussattaṃ , pattomhi āsavakkhayaṃ .

57.

‘‘ Catunnavutito kappe , nisīdanamadāsahaṃ ;

Duggatiṃ nābhijānāmi , tiṇamuṭṭhiyidaṃ phalaṃ .

58.

‘‘ Paṭisambhidā catasso … pe … kataṃ buddhassa sāsanaṃ ’’.

ItthaṃT1.437 sudaṃ āyasmā tiṇamuṭṭhidāyako thero imā gāthāyo abhāsitthāti .

Tiṇamuṭṭhidāyakattherassāpadānaṃ aṭṭhamaṃ .

9. Tindukaphaladāyakattheraapadānaṃ

59.

‘‘ KaṇikāraṃvaP1.281 jotantaṃ , nisinnaṃ pabbatantare ;

Addasaṃ virajaṃ buddhaṃ , oghatiṇṇamanāsavaṃ .

60.

‘‘ TindukaṃM1.324 saphalaṃ disvā , bhinditvāna sakosakaṃ [ sakoṭakaṃ ( sī .), sakoṭikaṃ ( syā .)];

Pasannacitto sumano , sayambhussa madāsahaṃ [ vessabhussa adāsahaṃ ( sī .)].

61.

‘‘ Ekanavutito kappe , yaṃ phalamadadiṃ tadā ;

Duggatiṃ nābhijānāmi , phaladānassidaṃ phalaṃ .

62.

‘‘ Paṭisambhidā catasso … pe … kataṃ buddhassa sāsanaṃ ’’.

Itthaṃ sudaṃ āyasmā tindukaphaladāyako thero imā gāthāyo abhāsitthāti .

Tindukaphaladāyakattherassāpadānaṃ navamaṃ .

10. Ekañjaliyattheraapadānaṃ

63.

‘‘ Romaso [ revato ( sī .)] nāma sambuddho , nadīkūle vasī tadā ;

Addasaṃ virajaṃ buddhaṃ , pītaraṃsiṃva bhāṇumaṃ .

64.

‘‘ UkkāmukhapahaṭṭhaṃvaT1.438V1.306 , khadiraṅgārasannibhaṃ ;

Osadhiṃva virocantaṃ , ekañjalimakāsahaṃ .

65.

‘‘ Catunnavutito kappe , yaṃ añjalimakāsahaṃ ;

Duggatiṃ nābhijānāmi , añjaliyā idaṃ phalaṃ .

66.

‘‘ Paṭisambhidā catasso … pe … kataṃ buddhassa sāsanaṃ ’’.

Itthaṃ sudaṃ āyasmā ekañjaliyo thero imā gāthāyo abhāsitthāti .

Ekañjaliyattherassāpadānaṃ dasamaṃ .

Ekapadumiyavaggo pañcatiṃsatimo .

Tassuddānaṃ –

Padumī uppalamālī , dhajo kiṅkaṇikaṃ naḷaṃ [ kiṅkaṇiko naḷo ( sī .)];

Campako padumo muṭṭhi , tindukekañjalī tathā ;

Cha ca saṭṭhi ca gāthāyo , gaṇitāyo vibhāvibhi .

Issues

Select Version

Therāpadānapāḷi

Therāpadānapāḷi