8. Pāṭalipupphiyattheraapadānaṃ
36.
‘‘ Suvaṇṇavaṇṇaṃ sambuddhaṃ , gacchantaṃ antarāpaṇe ;
Kañcanagghiyasaṅkāsaṃ , bāttiṃsavaralakkhaṇaṃ .
37.
‘‘ Seṭṭhiputto
M1.136 tadā āsiṃ , sukhumālo sukhedhito ;Ucchaṅge pāṭalipupphaṃ , katvāna [ katvā taṃ ( sī . syā .)] abhisaṃhariṃ .
38.
‘‘ Haṭṭho
T1.177P1.123 haṭṭhena cittena , pupphehi abhipūjayiṃ ;Tissaṃ lokaviduṃ nāthaṃ , naradevaṃ namassahaṃ .
39.
‘‘ Dvenavute
V1.123 ito kappe , yaṃ kammamakariṃ tadā ;Duggatiṃ nābhijānāmi , pupphapūjāyidaṃ phalaṃ .
40.
‘‘ Ito tesaṭṭhikappamhi , abhisammatanāmako ;
Sattaratanasampanno , cakkavattī mahabbalo .
41.
‘‘ Paṭisambhidā catasso … pe … kataṃ buddhassa sāsanaṃ ’’.
Itthaṃ sudaṃ āyasmā pāṭalipupphiyo thero imā gāthāyo abhāsitthāti .
Pāṭalipupphiyattherassāpadānaṃ aṭṭhamaṃ .